1 Pheexiroosi 1:11 - Kafa Linguistics Project

¹¹ Boonoshich beeti Kiristoosichi Ayaano, Kiristoosichi xuuxeechonaa are xuuxoyee gubb bi danemmi oogee yiireechonon shiichiꞌi miixeebee, ebi mooyo bi tunemmo amee yemeenooch gaata, aabichiree bi woyemmo gaata bi bekkiiton kichii kindiiꞌi ariyoyich qaawii beeheete.

1 Pheexiroosi 1:11 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Zakaariyaasi 14:9

Doono Yeeri showoo bulli toommooch taatemmone. Ebiyooba Nuggishoo, Doono Yeeri baach, ceekkemmoo, bi shigo baach tunemmone.

Maatiyoosi 26:24

Ashi Bushoo biicho bi kooreetoommon, qitemmone; tunebaani Ashi Bushoon beshiiree immemmi are uroyich woowo! Are uro shiijjeyaanoon bi dooggito gaata, biich gaawiye” iye.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Yowannisi 12:41

Isiyaasi ishichiꞌi bi gettito, Yesuusichi oogee yiiroon shiichiꞌi bi beeggitoyichiye; wotta Yesuusichon gettiye.

Mishiraachechinaꞌo 16:7

Misiyee showee gaꞌooch shaggiꞌi, Bitaaniya hamma tiyiyeete; tunetaa Yesuusichi Ayaano arooch boonoshi hammemmoyich daaggaanoone.

Roomi 8:9

Tunebaani ittoshi, Yeerichi Ayaano ittoshi mullooch bi beegaata, Yeerichi Ayaanoyich hajjeeꞌi beehotalli, meenoyich hajjeeꞌi beetaachote. Illa Kiristoosichi Ayaano biich aallo bi tunegaata, aroo Kiristoosicho toonoone.

Galaati 4:6

Ittoshiyoo Yeerichi bushiishoo ittoshi tunetoyich, “Taabbo, ta Nihoocho!” getiree ittoshi ceeggemmi bi Bushoochi Ayaanoon ittoshi mullooch deejjitone.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.