1 Pheexiroosi 1:10 - Kafa Linguistics Project

¹⁰ Yeeri ittoshich immemmi wojjeechon keemmiti keemechinaꞌo ebi wodoon kupphiiꞌi maqqii qaawiibee kichii kindiiꞌi gabiyeete.

1 Pheexiroosi 1:10 ပူးပေါင်းရင်းမြစ်များ

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Shaahiyoo 2:4

Birewoon woyee aacheeti gijjoon qaawoommon ebin qaawibe.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 9:3

Ebich dookoon tahaa, tullee toommooch kotaꞌa, coomii, corootii, qollaabee ta aafoon ta Doono, ta Nuggishoo waan wochiyo.

Haagi 2:7

Aageteenaꞌo bullin ta shuurikkaa, boonoshi gaanno hiniich woyemmone. Hini kexonoo oogee yiiroona ceechemmo taane.

Zakaariyaasi 6:12

Biichoo Beshe Mawe Doono Yeeri ishichiye: ‘Bi shigo Ato getteeti asho hinine; biyoo bi xaaꞌoochaa gafgappemmone. Doono Yeerichi yaafee kexonoo haggemmone.

Maatiyoosi 13:17

Iberoon ittoshich gettoye: Meeti keemechinaꞌonaa cadiqeenaꞌona ittoshi beeggii beeton beegoyich qaatitinaꞌone; tunebaani beegaaneenaꞌone; ittoshi waayee beetonoo waayoyich qaatitinaꞌone; tunebaani waayeyaaneenaꞌone” iye.

Maatiyoosi 26:24

Ashi Bushoo biicho bi kooreetoommon, qitemmone; tunebaani Ashi Bushoon beshiiree immemmi are uroyich woowo! Are uro shiijjeyaanoon bi dooggito gaata, biich gaawiye” iye.

Luqaasi 10:24

Ittoshich gettoye: Meeti keemechinaꞌonaa taateenaꞌona ittoshi beeggii beeton beegoyich qaatitinaꞌone; tunebaani beegaaneenaꞌone. Ittoshi waayee beetonoo waayoyich qaatitinaꞌone; tunebaani waayeyaaneenaꞌone” iye.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Yowannisi 7:52

Boonoshiyoo wochiꞌi, “Newoo wotta Galiilecho neene? Keemecho Galiilee showoochee keyaachemmone. Yaafe Macaafoochee qaawiree beege” iyeete.

Mishiraachechinaꞌo 10:43

Wotta keemechinaꞌo bulli ‘Boonoshi mulloon bi toommooch tooꞌii beetinaꞌo bulli bi shigoona Yeer waanee axaaxee maaroon danemminaꞌone’ iꞌi miixetinaꞌone” iye.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.

Hibireena'o 11:13

Eboshi bulli mulloon Yeeri toommooch tooꞌiichii, Yeeri gibenikkiti gibenoon daneyaanoon qitiyeete; tunebaani wohooch tuneechii ciinniꞌi emiriyeete. “Hini showee toommooch iibboonaa shiqqoona noone” iꞌi miixeheete.

Hibireena'o 11:40

Danoon boonoshi qajjiti naboo, Yeeri beshe mooyon nooch bi gabitoyichiye; ebiyoo noonna tookkii tuno bi qayigaata, shappaalli ceeninaꞌo boonoshin tuniyaachemmo bi tunetoyichiye.

1 Pheexiroosi 1:11

Boonoshich beeti Kiristoosichi Ayaano, Kiristoosichi xuuxeechonaa are xuuxoyee gubb bi danemmi oogee yiireechonon shiichiꞌi miixeebee, ebi mooyo bi tunemmo amee yemeenooch gaata, aabichiree bi woyemmo gaata bi bekkiiton kichii kindiiꞌi ariyoyich qaawii beeheete.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.