1 Pheexiroosi 1:1 - Kafa Linguistics Project

¹ Yesuus Kiristoosichi mishiraachechi Pheexiroosi waanee, Faantoosee showooch, Galaatee showooch, Qephadooqee showooch, Isiyee showoonaa Bitaaniyee showoonooch beeti katemoo bulliich shiqqoo tunee shaceꞌi beeti, Yeerina kaacheti asheenaꞌoyich,

1 Pheexiroosi 1:1 ပူးပေါင်းရင်းမြစ်များ

Asteeri 3:8

Ebich Hamaani taatoo Yekisesich ishichiye: “Ne taatee showee daggooch beeti woraafeenaꞌo bulliich shaceꞌi beeti, ikke ashi yaroo beetone. Ebi asheenaꞌochi sheeroo bare asheenaꞌo bullichi sheeroyee baritone. Boonoshiyoo taatoochi sheeroyich deꞌa getaani asheenaꞌone. Ebi asheenaꞌon cikkii qayo taatoyich gaaweto toonoone.

Shoddo 44:11

Guureyemmi bagoommon noon tuniihine; aageteenaꞌo daggooch noon shaccehine.

Hiziqeeli 6:8

“ ‘Tunebaani ittoshi daggoochee giishecheenaꞌo murici wodemmoyich tuniyemmo taane; tunetaa boonoshiyoo aagetee showeenaꞌooch shacemmoyich tuniyemmo taane.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.

Maatiyoosi 10:2

Hini are aaraa gutte mishiraachechinaꞌochi shigo, batti batt Pheexiroosi getteebeeti Simooni, bi manoo Indiriyaasi, Zebidiyoosi bushiisheenaꞌo Yaaqobinaa Yowannisina,

Maatiyoosi 24:22

Ebi aabeenaꞌo qaminaan gaata, koniyoona wodoon hakkaacheshone; tunebaani kaachetinaꞌoyicha getaa ebi are aabeenaꞌo qaminnitinaꞌone.

Maatiyoosi 4:18

Yesuusi Galiilee baharee gashoona besheebee gutte maneenaꞌo Pheexiroosi getteebeeti Simooninaa Indiriyaasinon ciinniye; boonoshi shuunoo haashee yesho bi tunetoyich dabboon baharooch duppii beeheete.

Luqaasi 18:7

Illa Yeeri areddoonaa xumoonon biin qolleebee cookiibeeti bi kaacciti bi aagetoyich nallaachehe? Boonoshin gaacheyaanoon yagehe?

Yowannisi 11:52

Bi qitemmo, shaceꞌi baribare showooch beeti Yeerichi bushiisheenaꞌon wotta ikkooch bi kicemmoyichalli, Ayihudeenaꞌoyich baach toonoone.

Yowannisi 7:35

Ebich Ayihudee ukkireenaꞌo boonoshinaa boonoshina “No biin daneyaachemmoyich, hini uro amooch hammane bi ii beeto? No macceenaꞌo shaceꞌi beeti Giriikeenaꞌochi katemeenaꞌooch hamiree Giriikee asheenaꞌoyich dojjoyich tunehe?

Mishiraachechinaꞌo 18:2

Aroochaa Faantoosee showooch shiijjeti Aqili getteebeeti ikke Ayhudoona danehe. Aroo, Qelawudoosi “Ayihudeenaꞌo bulli Roomee keyeete” bi itoyich, giisheche aaboyee aaf bi mechee Phirisqilina tookkii Xaaliyaanee showoochee waahe. Phawuloosi are asheenaꞌo waan hammiye.

Mishiraachechinaꞌo 18:23

Arooch giisheche aaboon bi kotetoyee gubb, kechii Galaatee showoonaa Firigee showoo bullinon guuddiꞌi, Yesuusi dabbeenaꞌo bullin kupphiihe.

Mishiraachechinaꞌo 19:10

Phawuloosi Isiyee showooch beeti Ayihudeenaꞌonaa Giriikee asheenaꞌo bullina Yeerichi qaaroon boonoshi waayemmi wottoon, gutte natt bedoon eechii beehe.

Mishiraachechinaꞌo 6:9

Arooba Qereni katemoonaa Iskindiri katemoonoochee, Kiliqee showoonaa Isiyee showoonoochee waati Ayihudeenaꞌo Guuchittinoochee Kechiti Ayihudeenaꞌo Kiceebeeti Kexo getteebeeti kexooch kicee beeheete. Eboshi daggoochee ikkikkeenaꞌo tiyiꞌi Isxifanoosina tookkii taggeheete.

Mishiraachechinaꞌo 8:4

Hini shaceti asheenaꞌo boonoshi hammito bulliich Yeerichi qaaroon gettiyeete.

1 Qorontoosi 16:19

Isiyee showooch beeti kittinnee guuphinaꞌo ittoshin diggii beetinaꞌone. Aqilinaa Phirisqilina, boonoshi kexoochoo kiceebeeti kittinneenaꞌo no Doonochi shigoona gaawichii ittoshin diggii beetinaꞌone.

2 Qorontoosi 1:8

No maneenaꞌote! Isiyee showooch no beehooba, no toommooch shaggiti iritoon ittoshi ariyemmoyich qaawaabeeto noone. Ebi no toommooch shaggiti iritoo no hakkoyee beshii bi getaa, “Illa wodaachone” iyaꞌa qitoyich no kuxxemmi wottooniye noon bi maggeto.

Galaati 1:2

wotta taanna tookkii beeti maneenaꞌo bulli waanee, Galaatee showooch beeti kittinnee guuphinaꞌoyich:

Efesooni 2:12

Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.

Efesooni 2:19

Illa ebiyee bekk yaafeenaꞌona tookkii ikke showee ashoonaa Yeerichi kechi ashoona ittoshiyani, dallaawoonaa shiqqoona toono ittoshine.

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 32:26

Ittoshin koniyoona shalligaachemmoyich tuniiree, ciroona ittoshin aalliyesho taane;

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.

2 Ximootiyoosi 1:15

Isiyee showooch beeti kittinneenaꞌo bulli ta waanee boonoshi shokoon ariibeeto neene; Fugeloosinaa Herimogeneesina are shokitinaꞌo daggeexinaꞌone.

Hibireena'o 11:13

Eboshi bulli mulloon Yeeri toommooch tooꞌiichii, Yeeri gibenikkiti gibenoon daneyaanoon qitiyeete; tunebaani wohooch tuneechii ciinniꞌi emiriyeete. “Hini showee toommooch iibboonaa shiqqoona noone” iꞌi miixeheete.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

1 Pheexiroosi 2:11

Ta shunechinaꞌote! Kashoona koyeebeeti meechi qaatoochee ittoshi wokkemmoyich, hini showee toommooch iibboonaa shiqqoona tuneti ittoshin qollaabeeto taane.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

Yaaꞌoo 1:11

Taachoo ishichiye: “Ne beeggaa beeton macaafooch kooriree Efesooni, Semirineesi, Phergaamooni, Tiyaxirooni, Sarideesi, Filaadelifinaa Lodooqinooch beeti shabaatte kittinnee guuphinaꞌoyich woche daachiibe” iye.