1 Kiinoo 6:49 - Kafa Linguistics Project

⁴⁹ Tunebaani Harooninaa bi shiijjeroona micciibeeti deejjee gudoonaa ixaanee deejjee gudoonooch deejjoon giddii beeheete. Boonoshiyoo Yaafe Xaaꞌeexi Yaafoochaa maddeebeeti maddoonaa Yeeri Israꞌeeleenaꞌochi axaaxoon bi maaremmoyich giddeebeeti deejjoonochi toommooch ukkireenaꞌone. Ebin Yeerichi guuno Muusi gettitoommon tuniiꞌi shuunee beeheete.

1 Kiinoo 6:49 ပူးပေါင်းရင်းမြစ်များ

1 Kiinoo 6:48

Boonoshi maneenaꞌo tuneti Leweenaꞌo Yeerichi kexo tuneti yaafee duukkaaneexi shuunoo bullich ukkiretinaꞌone.

Iyoobi 33:24

ebi are maraakoo biich ariqqeree Yeerich, ‘Maash bi hammemmoyich tuniyaahine; ta biin biisheree wodiyemmo taane’ bi getigaata,

Keyo 29:33

qeesheenaꞌo tunee baaroo bi tunemmonaa boonoshin bi yaafemmonoyich, boonoshi axaaxoon maariiti deejjee maayoon mameete. Tunebaani taach yaafeeto bi tunetoyich, baroo koniyoona maayaaye.

Leweenaꞌo 1:5

Ebi wuron Doono Yeeri ta aafoochaa guuribe. Qeesheenaꞌo tuneti Harooni anaami bushiisheenaꞌo damoon giddiibeete; danee duukkaanee kellooch beeti deejjee gudee awudde naabooch tibibeete.

Leweenaꞌo 4:20

Axaaxoyich giddeti wuro toommooch bi tuniitoommon, hinichi toommoochoo tuniibe. Ebiyoommi gommona qeeshoo asheenaꞌochi axaaxoyich deejjoon bi giddiitaa, boonoshi axaaxoyich maaroon danemminaꞌone.

Haddoo 15:25

Qeeshoo Israꞌeelee iitoo bullin maariyemmone; boonoshiyoo maareyemminaꞌone. Ebiyoo diqqoona boonoshi muriccitoyich, boonoshi muricoyich qaaqqoona micciibeeti deejjoonaa axaaxee deejjoonon boonoshi giddiitoyichiye.

Haddoo 16:16

Muusi Qoraahich ishichiye: “Yaach neennaa ne guuphinaꞌona Doono Yeeri aafooch giddebote. Harooniyoo arooch danemmone.

Yibbaatoo 34:5

Ebina Doono Yeeri gettitoommon, Doono Yeeri guuno Muusi ebi are Moꞌabee showoochaa qitiye.

Yaasi 1:1

Doono Yeeri guuno Muusi qititoyee gubb, Muusich gaachoo tuneti, Nuuni bushoo Yaasich Doono Yeeri ishichiye: