1 Kiinoo 6:31 - Kafa Linguistics Project

³¹ Taabooto Yerusaalemi bi wottetoyee gubb, Doono Yeerichi kexoochaa boonoshi shoddemmoyich Daawiti asheenaꞌon ukkiriihe.

1 Kiinoo 6:31 ပူးပေါင်းရင်းမြစ်များ

2 Saameeli 6:17

Aroochee Doono Yeerichi taabootoon deebii, Daawiti xogiti duukkaanooch giijjiꞌi, bi kotemmoyich qanniti xaaꞌooch kotiiheete. Daawitiyoo micciibeeti deejjoonaa ikkittinee deejjoonon Doono Yeerich deejjiye.

1 Taateenaꞌo 8:4

Doono Yeerichi taabootoon, danee duukkaanoon, danee duukkaanee daggooch beeti yaafeeti qiico bullinoo deebiyeete. Ebi qiiceenaꞌon deebitinaꞌo qeesheenaꞌonaa Leweenaꞌonane.

1 Kiinoo 15:1

Daawiti bi qellich kexinaꞌon Daawiti Katemooch bi shuunetoyee gubb, Yeerichi taabootoyich xaaꞌoon qanniiꞌi, duukkaanoon xogiye.

1 Kiinoo 15:25

Ebich Daawiti, Israꞌeelee ogoogeenaꞌonaa humee iraasheenaꞌona Doono Yeerichi wogee taabootoon Obeed Edoomi kexoochee deeba emiroona hammiyeete.

1 Kiinoo 15:27

Daawiti muttee tuppoochee shippeti tahoon tahetone; taabootoon shaaggiti Leweenaꞌo bulli, shoddechinaꞌonaa shoddechinaꞌonochi ukkiroo Kananiyina wotta muttee tuppoochee shippeti tahoon tahetinaꞌone. Daawiti wotta muttee tuppoochee shippeti efoodoon tahetone.

1 Kiinoo 6:30

Uuzi bushoo Shimeꞌi, Shimeꞌi bushoo Hagaahi, Hagaahi bushoo Asayaahine.

1 Kiinoo 6:32

Boonoshiyoo taatoo Solomooni Doono Yeerichi yaafee kexon Yerusaalem bi hagoyee shiichiꞌi, yaafee duukkaanoochaa, ebiyoo danee duukkaanoochaa kaalli kaalloona shoddoona maddee beeheete.

1 Kiinoo 9:33

Ikkikke Leweenaꞌochi yareenaꞌo Yeerichi yaafee kexoochaa shoddoon shoddechinaꞌone. Xumoonaa areddoonon maddoo boonoshich bi qaawii beetoyich, bare maddoochee kasheꞌi, yaafee kechi daggooch boonoshich qanniti gateenaꞌooch beeheete.

Iziri 3:10

Gimbeyneenaꞌo Doono Yeerichi yaafee kechi dechi xaqqoon batt boonoshi heccaahaa, qeesheenaꞌo yaafee kechi maddee tahoon tahee, tiroon (waaringoon) yechiꞌi, wotta Asaafi shiijjeroo tuneti Leweenaꞌo qaaxilloon yechiꞌi, Israꞌeelee taatoo Daawitichi getoommon, Doono Yeerin galletoyich neexeheete.

Shoddo 132:14

Biyoo “Hini bulli yemeenoon ta beemi xaaꞌoone; hinin ta shunnetoyich hiniich beeyemmo taane.

Shoddo 132:8

Doono Yeero, tibe! Ne giidee malletoo tuneti ne taabootoona tookki ne kashee xaaꞌooch gibe.

Hiziqeeli 40:44

Aroochee maaci addibaabooch taan daammiye; aroochoo gutte kexinaꞌo beetinaꞌone; areexi ikkoo bi beeto dambi-waani kellee gaꞌooch tuneechii bi kelloon deshi-waan wochiꞌiniye; wotta baroo bi beeto deshi-waani kellee gaꞌooch tuneechii bi kelloon dambi-waan wochiꞌiniye.