1 Kiinoo 4:10 - Kafa Linguistics Project

¹⁰ Yaabeetsiyoo, “Taan diiribe; ta showoon gamichibe; taanna tookki tunebe; qaakkemmi gonde mooyoocheenoo taan quyebe” iꞌi Israꞌeelee Nuggishoo Yeer waan corootiye. Yeeriyoo bi qolleton biich immiye.

1 Kiinoo 4:10 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 12:8

Aroochee tiyiꞌi, Beeteelaa aabi-keyo waan, guudinaꞌo beeti showooch hammiye. Aroocheenoo Beeteelin aabi-gimo waan, Aayin aabi-keyo waan tuniiꞌi, bi duukkaanoon xogiye. Aroochaanoo wotta deejjee gudoon shuuneꞌi, Doono Yeerich goyinnehe.

Halloo 28:20

Arooba Yaaqobi ishichii mookkehe: “Yeero, taanna tookkaa ne tunegaata, ta hammaabeeti gommooch taan ne quyegaata, ta maayemmi maayoon, ta tahemmi tahoonoo taach ne imigaata,

Halloo 28:21

ta nihoo kexooch diggoona taan ne wochigaata, Doono Yeero, neech ta goyinnemmi ta Nuggishoo tunemmo neene;

Halloo 32:26

Arooba uro ishichiye: “Hariya gaargaaritone; ebich taan ne gawukkaa hambona” iye. Yaaqobiyoo “Tuneyaache! Taan ne diiraanoon neen gawukkaache” iye.

Halloo 32:27

Uroo “Ne shigo konine?” iye. Biyoo “Yaaqobine” iye.

Halloo 32:28

Uroo “Ebiyee bekk ne shigo Yaaqobi getteyaaye; Yeerinoo ashoonoo qiiccaꞌa ne wochitoyich, ne shigo Israꞌeeli getteebe” iye.

Halloo 33:20

Aroochoo deejjee gudoon shuuneꞌi, aroon El Eloohee Israꞌeeli ii shigiihe.

Halloo 48:16

gonde mooyo bulliichee taan wodiiti Maraakoo, aroo hini bushiishoon diiribe. Boonoshiyoo ta shigoona, ta nihinihoo Abrahaminaa ta nihoo Yisaaqinochi shigoona ceekkebeete; showee toommooch shiijje shiijjere meeteete” iye.

1 Kiinoo 16:8

Doono Yeerin galletebote; bi shigoonoo ceegote; bi tuniito bullinoo aageteenaꞌoyich arichiibote.

1 Kiinoo 4:11

Shuhaahichi manoo Keluubi Mehirin shiyihe; Mehiri Eshitoonin shiyihe.

1 Kiinoo 4:9

Yaabeetsi getteebeeti ikke uro beehe; biyoo bi maneenaꞌo oogiibeeti uroone. Bi indee, “Oogichaa maaxoo manjaꞌa biin shiyeti taane” iyaꞌa bi shigoon Yaabeetsi iyan.

Iyoobi 12:4

“Yeeri ta qolloon waayeti ta, ta nuucheenaꞌona cooneeto taane; kaamoonaa cadiqoona tuneti taan, cooneheete.

Shoddo 119:173

Ne geteenaꞌon ta kaaccetoyich, ne mochoona taan gaachebe.

Shoddo 121:7

Doono Yeeri gondo bulliichee neen quyemmone; ne kashoon quyemmone.

Shoddo 145:19

Biin shattii beetinaꞌochi qaatoon ceechemmone; boonoshi cookoon waayeꞌi boonoshin wodiihe.

Shoddo 21:4

Kashoon ne waanee qollehe; kashee genjoon, bulli yemeenooch biich immehine.

Shoddo 51:12

Taan ne wodiihooba ne emirikkoommon, andoo taan emirikkibe; neech deꞌa ii beeti ayaanoon taach imbe.

Shoddo 51:8

Ta emiremmonaa emiroona wucwuccemmonoyich tuniibe; ne tiicheti ta shaawusheenaꞌo emiremmoyich tuniibe.

Shoddo 55:16

Tunebaani ta, Yeer waan cookemmo taane; Doono Yeeriyoo taan wodiyemmone.

Shoddo 65:2

Corootoon waayaa beetocho, meeno taheto bulli ne waan woyemmone.

Shoddo 72:17

Bi shigo bulli yemeenoon manjiree beebe; bi mooyo getteebee aabo yagoommon yagibe. Aagetoo bulli biinna diireebe; aagetoo bulli biin “Diireetone” gete.

Shoddo 99:6

Muusinaa Haroonina bi qeesheenaꞌo daggooch beetinaꞌone; Saameeliyoo bi shigoon ceeggii beetinaꞌo daggooch beetone; boonoshiyoo Doono Yeer waan cookaa, boonoshi cookoon waayehe.

Shaahiyoo 10:22

Doono Yeerichi diiroo gaannechon tuniihe; ayinoonoo arooch daakkaache.

Shaahiyoo 30:8

Koote mooyonaa koote yibbaatoonon ta waanee wokkiibe; girechon woyee gaannechon taan tuniyaahine; tunebaani taach qaawiibeeti maayoon taach imbe.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 41:17

“Girechinaꞌonaa iritechinaꞌona aacon mucceheete; aacon qaawii mucceꞌi, shachewoona boonoshi heciyoo shuuqqiye; Doono Yeeri ta, boonoshi qolloon waayemmo taane; Israꞌeelee Nuggishoo ta, boonoshin dufaachemmo taane.

Erimiyaasi 33:3

“Ta waan cookibe; neech wochemmo taane; beggaa ne ariyaani giidechi mooyon neech bekkiyemmo taane.

Maatiyoosi 26:75

Pheexiroosi “Baakkoo kuukkaahaa, keejje wottoon taan nookkemmo neene” Yesuusi iti qaaroon gabiꞌi maaxooch kechii tiittee eeppiye.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Luqaasi 19:42

“Diggoo daneebeeti gommon hanaachi ittoshi shalligito gaata, gaawetone; tunebaani bi aricheyaachemmoyich ittoshich aacheetone.

Yowannisi 10:28

Tawoo boonoshich bulli yemeenee kashoon immemmo taane; boonoshiyoo cir aalleyaachemminaꞌone. Boonoshin ta kishoochee boggemmo koniyoona aalloone.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Mishiraachechinaꞌo 3:26

Yeeri bi Bushoon kaacciꞌi, ittoshi ikkikkoon gonde ittoshi shuunoochee bi wochoona bi diiremmoyich, shiichiꞌi ittoshich deejjitone” iye.

Roomi 12:9

Ittoshich beeti shuno qettoyee damboo tunaaye. Gonde mooyon tiyaarebote; gaawe mooyona tookki ikkottebote.

Roomi 16:19

Mishiraachee qaaroyich ittoshi deꞌa geto asho bullich waayeetone. Ebich ittoshi mooyo taan emirikkitone; gaawe mooyon shuunoyich ariyechon, gonde mooyon shuunoyich tuushoon ittoshi tunemmoyich shunnoye.

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich:

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Efesooni 3:20

Illa noonna bi shuuneebeeti bi giidoommon no qollaa beetoyee woyee no gabaabeeto bulliyee beshaa beshiiꞌi tuniyoon hakkiibeeti Yeerich,

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

2 Ximootiyoosi 4:18

Doono Yesuus Kiristoosi gonde mooyo bulliichee taan echiyemmone; wodiiree shimaajji bi taatittineech taan giijjemmone; bulli yemeenoon oogee yiiroo biich tunebe. Ameena.

Yaaꞌoo 3:19

“Ta shunnaabeeti asho bullin kaaraa ciiccaabeeto taane; sheeraanoo beeto taane. Illa gaamiton tunebe; axaaxee gommoocheenoo Yeer waan wottebe.

1 Saameeli 1:17

Eeliyoo “Diggoona hambe! Israꞌeelee Nuggishoo ne qolleton neech imbe” iye.

1 Saameeli 1:20

Ebina Haanni xifaꞌa, anaami bushoon shiyahan. “Doono Yeer waanee ta qolletone” iyaꞌa, bi shigoon Saameeli iyan.

1 Saameeli 1:26

Haanniyoo Eelich ishichiyan: “Ta doonocho, hini xaaꞌooch ne aafooch neexaꞌa Doono Yeer waan corootiti ure ta tunoyich, ne kashoona wogehoye.

1 Saameeli 1:27

Hini bushoon taach bi immemmoyich qollehoye. Doono Yeeriyoo ta qolleton taach immiye.