1 Kiinoo 3:1 - Kafa Linguistics Project

¹ Taatoo Daawiti Kebiroon beechii bi shiyiti anaami bushiisheenaꞌo eboshine: Yezireelechee Akinoꞌam waanee shiijjeti bi gutenee bushoo Aminooni; guttinnoo Qermeloosechi Abigel waanee shiijjeti Daaneeli;

1 Kiinoo 3:1 ပူးပေါင်းရင်းမြစ်များ

2 Saameeli 13:1

Daawiti bushoo Abisoloomich Tamaari getteyaabeeti mallet gaawe manee beehan. Biinoo Daawiti bushoo Aminooni shunniye.

2 Saameeli 13:29

Ebina Abisoloomi aafee bushiisheenaꞌo Abisoloomi boonoshich gettitoommon tuniiꞌi Aminoonin wuxiyeete. Echeti taatoochi bushiisheenaꞌo bulli boonoshi biceroon yebbeꞌi woceheete.

2 Saameeli 3:1

Saaꞌoolichi dabbeenaꞌonaa Daawitichi dabbeenaꞌonochi daggooch beeti koyo meeti yemeenoon yagiye. Daawitiyoo kupphee kupphee hammiye; tunebaani Saaꞌoolichi dabbeenaꞌo niree niree hammiyeete.

2 Saameeli 5:13

Daawiti Kebiroonee Yerusaalem bi hammitoyee gubb, bare mecheenaꞌonaa naamacheenaꞌonon daakkiye. Biyoo anaami bushiishoonaa maache bushiishoonon daakkiꞌi shiyihe.

1 Kiinoo 2:55

Tirateenaꞌo, Shimaateenaꞌonaa Sukateenaꞌona getteebeeti, koorechinaꞌochi yareenaꞌo Yaabeetsi katemooch beeheete. Eboshiyoo Rekaabichi qaabbechi Hamaat waanee shiijjeti Qeenee asheenaꞌone.

1 Kiinoo 28:5

Doono Yeeri meeti bushiishoon taach immitone; ta bushiishoo bulliichee Israꞌeelee showooch taateree Doono Yeerichi taatittinee showoon bi qeejjemmoyich Solomoonin kaaccitone.

1 Kiinoo 3:2

keejjinnoo Geshuuree taatoo Talimayi bushee Maꞌak waanee shiijjeti Abisoloomi; awuddinnoo Hagiit waanee shiijjeti Adoniyaasi;

1 Saameeli 27:3

Daawitinaa bi asheenaꞌona boonoshi kechi asheenaꞌona tookkii Akiish waan, Gaat koteheete. Daawitiyoo bi gutte mecheenaꞌona tookkii beehe. Eboshiyoo Yezireelechee Akinoꞌaminaa Naabaali mechee, Qermeloosechi Abigelinane.