1 Kiinoo 29:12 - Kafa Linguistics Project

¹² Gaannoonaa oogoona daneebeeto ne waaneeniye; newoo bullin hajjito neene; asho koninolla oogiyoyich, hakkoonoo imoyich, hakkoonaa giidoona ne kishoochiye.

1 Kiinoo 29:12 ပူးပေါင်းရင်းမြစ်များ

1 Kiinoo 29:13

No Nuggishoocho, andoo neen galletehone; ooge ne shigoonoo naadiyone.

2 Kiinoo 1:12

ebi ne qolleti shalligoonaa ariyoonon neech immemmo taane. Neyee aaf taateti taateenaꞌoochee konichona aalli, neyee gubb taatemmi taateenaꞌoochee koniyoona daneyaachemmi gaannoon, gijjoonaa oogoonon neech immemmo taane” iye.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

2 Kiinoo 20:6

ishichiye: “No qaabbechinaꞌochi Nuggishoo Doono Yeero, shimaayooch beechaa aagetee taatittino bullin qeejjaabeeti Nuggishoo neene. Giidoonaa hakkoona ne kishoochiye. Neen wochoon hakkemmo, koniyoona aalloone.

2 Kiinoo 32:29

Doono Yeeri wodde gaannoon, miimon, bagoonaa emmishoon biich bi immitoyich, meeti katemeenaꞌon shuunehe.

Iyoobi 42:10

Iyoobi bi nuucheenaꞌoyich bi corootitoyee gubb, Doono Yeeri biin wochinnoon gaannechon tuniihe; aafi bi gaannoyee gutte kishoon tuniiꞌi bulli mooyon biich immiye.

Iyoobi 9:19

Giidoona ta qiicceyaachemmoyich, bi giidechone; tagge ta nalleyaachemmoyich, nallee gabberooch biin giddiyemmo konine?

Shoddo 103:19

Doono Yeeri bi taatee qeenon shimaayooch manjiitone; bi taatittino bullin hajjemmone.

Shoddo 28:8

Doono Yeeri bi asheenaꞌochi giidoone; bi huuttitonoo shoobbii wodiyechone.

Shoddo 29:1

Shimaajji halleenaꞌote, Doono Yeerin galletebote; bi oogoonaa giidoonoyich Doono Yeerin galletebote.

Shoddo 29:11

Doono Yeeri bi asheenaꞌoyich hakkoon immemmone; Doono Yeeri bi asheenaꞌon diggoona diiremmone.

Shoddo 62:11

Yeeri ikke wottoon gettiye; tawoo ebin gutte wottoon waayehoye; giidoo Yeerichone.

Shoddo 62:12

Ta Doonocho, shoodo neechone; newoo ashich bi shuuni shuunoommon qoccehine.

Shaahiyoo 10:22

Doono Yeerichi diiroo gaannechon tuniihe; ayinoonoo arooch daakkaache.

Shaahiyoo 8:18

Gaannoonaa oogoona bi beeto ta waaniye; abbetechi adduunoonaa beemi gaawoona taachone.

Dojjecho 5:19

Yeeri ashich gaannoonaa gijjoonon bi immiibeeto, bi maayemmonaa bi qoodoon bi danemmonoyich, bi aajjiti aayonoo bi emiremmoyichiye; ebiyoo Yeerichi wojjoone.

Isiyaasi 40:29

Biyoo maraatetinaꞌoyich hakkoon immii beetone; giidaalloyichoo giidoon daakkiye.

Isiyaasi 43:13

“Wonna beddaahaa, ta Nuggishoo taane; koniyoona ta kishoochee wodiyoon hakkaache; shuunemmo taane; bajjemmo konine?” iye.

Isiyaasi 45:24

“Asheenaꞌo ‘Cadiqoonaa giidoona danemmo Doono Yeer waanaa baachiye’ getiree taachon yibbaatemminaꞌone; ta toommooch tiyitinaꞌo bulli, ta waan waaree yeellemminaꞌone.

Isiyaasi 46:10

Ciirooch tunemmi mooyon shiichaꞌa awaajjito taane; meeti yemeenoyee aaf, amo tunemmo gaata getteto taane. ‘Ta ciico manjoone; ta daaggoo bullin ceechemmo taane’ ito taane.

Daaneeli 2:20

ishichiinoo iye: “Yeeri ariyechonaa giidechonane; biyoo bulli yemeenoochee bulli yemeenooch galleteebe.

Daaneeli 6:26

Ta taatee showoo bullichi daggooch beeti asho bulli Daaneelichi Nuggishoo Yeerin bi shattemmonaa bi oogiyemmonoyich awaajjoon kichito taane. “Biyoo bulli yemeenoon beeti, beeyechi Nuggishoone; bi taatittinoon koniyoona ciroona aalliyoon hakkaanoone; bi hajjiibeetoo ciirooch beddaahaane.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Yowannisi 19:11

Yesuusiyoo wochiꞌi, “Yeeri daaggaan gaata, ta toommooch amoonolla tuniyoon hakkaachesho neene; ebich neech taan beshiiꞌi immitochi axaaxoo beshoone” iye.

Efesooni 3:16

Maaci ittoshi ashittino manjemmoyich, Yeeri worganikkiti bi oogoochee bi Ayaanoona giidoon ittoshich bi wojjemmonaa Kiristoosi bi toommooch ittoshi mullee tooꞌiyoona ittoshi mullooch bi beeyemmonoyich, corootaabeeto taane; Yeerinaa ashoonon ittoshi shunnii beetoyich bulli mooyon tuniibee, yaafeenaꞌo bullina tookki Kiristoosichi shunee gamino, gidoo, neexoonaa duchoona ebine getiree ittoshi shalligemmi hakkoo ittoshich bi beeyemmoyich corootaabeeto taane.

Efesooni 3:20

Illa noonna bi shuuneebeeti bi giidoommon no qollaa beetoyee woyee no gabaabeeto bulliyee beshaa beshiiꞌi tuniyoon hakkiibeeti Yeerich,

Yibbaatoo 8:18

Gaannoon ne danemmoyich neech giidoon immiibeeti ne Nuggishoo Doono Yeerin batteyaahine. Ebin bi tuniibeeto, ne qaabbechinaꞌoyich bi wogeti wogoon ceechoyichiye; ebinoo hanaach beddaahaa tunii beetone.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Yaasi 4:24

Ebin bi tuniito, Doono Yeerichi mochoo giidecho bi tunoon showee toommeexi aageteenaꞌo bulli ariyemmonaa ittoshiyoo, ittoshi Nuggishoo Doono Yeerin bulli yemeenoon ittoshi shattemmonoyichiye” iye.

Yaaꞌoo 11:17

ishichiyeete: “And beeti, aafoo beeti, Beshe Hakkechi Nuggishoo Doono Yeero! Ooge ne giidoon yechaꞌa ne taatetoyich neen galletehone.