1 Kiinoo 29:10 - Kafa Linguistics Project

¹⁰ Daawiti iitoo bulli aafoochaa Doono Yeerin ishichiꞌi galletehe: “No qaabbechi Israꞌeelichi Nuggishoo Doono Yeero, bulli yemeenoochee bulli yemeenooch, galleto neech bede.

1 Kiinoo 29:10 ပူးပေါင်းရင်းမြစ်များ

Halloo 32:28

Uroo “Ebiyee bekk ne shigo Yaaqobi getteyaaye; Yeerinoo ashoonoo qiiccaꞌa ne wochitoyich, ne shigo Israꞌeeli getteebe” iye.

Halloo 33:20

Aroochoo deejjee gudoon shuuneꞌi, aroon El Eloohee Israꞌeeli ii shigiihe.

1 Taateenaꞌo 8:15

Ishichiinoo iye: “Israꞌeelee Nuggishoo Doono Yeeri galleteebe! Biyoo ‘Ta asheenaꞌo tuneti Israꞌeeleenaꞌon Gibitsee kichaa ta deebeti aaboochee tiijjaꞌa, ta shigo arooch beeyemmi yaafee kexo hakkemmoyich, Israꞌeelee yoodo bulli daggoochee katemoo aabinona kaacaano taane; tunebaani ta asheenaꞌo tuneti Israꞌeeleenaꞌo toommooch ukkiroo bi tunemmoyich, Daawitin kaacceto taane’ iꞌi, ta nihoo Daawitich bi gibenikkiti gibenoon ceechitone.

1 Kiinoo 29:11

Doono Yeero, shimaayoonaa showoonooch beeto bulli neecho bi tunetoyich, oogo, giidoo, oogee yiiroonaa wudoona neechone; taatittinoo neechone. Newoo bulliyee beshiti taatoo neene.

1 Kiinoo 29:20

Aroochee Daawiti iitoo bullin, “Ittoshi Nuggishoo Doono Yeerin galletebote” iye. Ebina iitoo bulli boonoshi qaabbechinaꞌochi Nuggishoo Doono Yeerin galleteheete; Doono Yeerinaa taatoonochi aafooch guufeꞌi goyinneheete.

1 Kiinoo 29:9

Asheenaꞌo boonoshi hajjee daaggoona boonoshi immitoyich, boonoshi ceeni mulloona Doono Yeerich boonoshi giddiitoyich, emiriyeete. Taatoo Daawitiyoo oogichii emiriye.

2 Kiinoo 31:8

Hiziqiyaasinaa iraasheenaꞌona waa guteeti wojjoon beeggiꞌi, Doono Yeerinaa bi asheenaꞌo tuneti Israꞌeeleenaꞌonon diiriyeete.

2 Kiinoo 6:4

Ishichiinoo iye: “Israꞌeelee Nuggishoo Doono Yeeri galleteebe! Biyoo ‘Ta asheenaꞌon Gibitsee kichaa ta deebeti aaboochee tiijjaꞌa, ta shigo arooch beeyemmi yaafee kexo hakkemmoyich, Israꞌeelee yoodo bulli daggoochee katemoo aabinona kaacaano taane; ta asheenaꞌo tuneti Israꞌeeleenaꞌo toommooch ukkiroo bi tunemmoyichoo asho koninolla kaacaano taane. Tunebaani and ta shigo arooch bi beeyemmoyich, Yerusaalemin kaacceto taane; ta asheenaꞌo tuneti Israꞌeeleenaꞌon bi qeejjemmoyichoo Daawitin kaacceto taane’ iꞌi ta nihoo Daawitich bi gibenikkiti gibenoon ceechitone.

Iziri 7:27

Yerusaalem beeti Doono Yeerichi kexo ebiyoommon bi gaawemmoyich, ebiyoommi mooyon taatoochi mullooch kotiiti, taatoo aafooch, bi mikkirechinaꞌonaa hakkechi bi naayinaꞌo bullinochi aafoochoo bi ariqqoon taach bekkiiti, no qaabbechinaꞌochi Nuggishoo Doono Yeeri diireebe. Tawoo, ta Nuggishoo Doono Yeeri gaawe aafoona taan bi ciinnitoyich, kuppheho; Israꞌeeleenaꞌo daggoocheenoo yaree ukkireenaꞌo taanna tookki boonoshi hammemmoyich kiciyo.

Nehimi 8:6

Iziriyoo ooge Nuggishoo Doono Yeerin galletehe. Asheenaꞌo bulliyoo boonoshi kishoon kaama yaggiꞌi, “Ameena, ameena” iibee ceechiyeete; boonoshi qelloon yittiiheete; baroona guufeꞌi Doono Yeerich goyinneheete.

Shoddo 138:1

Doono Yeero, ceeni mulloona neen galletehoye; nuggisheenaꞌo aafoochaa galletee shoddoon shoddemmo taane.

Shoddo 146:2

Ta kashee yemeeno bulliich, Doono Yeerin galletemmo taane; kashoona ta beemmi yemeeno bullin, ta Nuggishoyich shoddemmo taane.

Shoddo 22:26

Girechinaꞌo maaree michemminaꞌone; Doono Yeerin qaawii beetinaꞌo biin galletemminaꞌone; ittoshi mullo bulli yemeenoon emiroona beebe.

Shoddo 57:6

Ta etteenaꞌo taan yeshoyich shaachoon shaachiyeete; xuuxoona goobeto taane. Ta gommooch oppoon iijjiyeete; tunebaani boonoshi qelloona arooch dihiyeete.

Shoddo 89:52

Doono Yeeri bulli yemeenoon diireebe! Ameena, ameena.

Isiyaasi 63:16

Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.

Hiziqeeli 3:12

Aroochee Yeerichi Ayaano kaama taan tiijjiye; ta gubbaanoo “Doono Yeerichi oogo bi xaaꞌoochaa diireebe” iibee gigeebeeti qaaroon waayeho.

Daaneeli 2:20

ishichiinoo iye: “Yeeri ariyechonaa giidechonane; biyoo bulli yemeenoochee bulli yemeenooch galleteebe.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Luqaasi 11:3

Heeyi koshon qemi qemona nooch imbe!

Roomi 1:7

Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

Roomi 8:15

Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Yibbaatoo 32:3

“Doono Yeerichi shigoon awaajjemmo taane. No Nuggishoyich oogoon imbote.

Filipphisiyoosi 4:20

No Nuggishoo tuneti Nihoo Yeerich bulli yemeenoon oogee yiiroo tunebe. Ameena.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

Yaaꞌoo 5:12

oogeti qaaroona “Guureeti Bagoyich giidoo, gaanno, ceeni shalligoo, hakkoo, oogo, oogee yiiroonaa galletoona tuno bede mooyone” iyeete.