Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kiinoo 28:9 - Kafa Linguistics Project

9 “Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

အခန်းကိုကြည့်ပါ။ ကော်ပီ




1 Kiinoo 28:9
79 ပူးပေါင်းရင်းမြစ်များ  

Doono Yeeriyoo ebi daqqellee tookk neexee beehe; ishichiinoo iye: “Ne nihinihoo Abrahamichi Nuggishoo, ne nihoo Yisaaqichi Nuggishoo, Doono Yeeri taane. Hini ne qeyaabeeti showoon neennaa ne shiijjereenaꞌonoyich immemmo taane.


Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,


Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.


Solomooniyoo ishichiye: “Ne guuno ta nihoo Daawiti, ne aafooch gibeneeto, cadiqoonaa kaame mullechona bi tunetoyich, ooge ne shoodoon bekkiito neene. Ebi ooge ne shoodo bi kuxeyaachemmoyich tuniyaꞌa, bi taatee qeenooch kotemmi bushoon biich hanaach immeto neene.


ne beeyi xaaꞌoo tuneti shimaayoochaa waayebe; maarishoo gete. Asho bullichi mulloon ariyaabeeto ne baach ne tunetoyich, bi mulloon ne ariibeeti asho bullich bi shuuni shuunoommon qoce.


ne beeyi xaaꞌoo tuneti shimaayoochaa waayebe; neen bi qolleto bullin biich tuniibe. Ebiyoo showee toommeexi asheenaꞌo bulli ne shigoon ariiree, ne asheenaꞌo tuneti Israꞌeeleenaꞌo neech boonoshi shatoommon, neech boonoshi shattemmonaa ta haggeti hini kexooch ne shigo beemon boonoshi ariyemmonoyichiye.


Hanaachichoommon bi qociyoona ittoshi hammemmonaa bi getoon ittoshi quyemmonoyich, ceeni ittoshi mulloona no Nuggishoo Doono Yeerich gibeneeto tunebote” iye.


“Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.


Bi qaabbechinaꞌochi Nuggishoo Doono Yeerin qajjiye; Doono Yeerichi gommona hamon qajjiye.


Biyoo Doono Yeeri aafooch kaame mooyon tuniihe. Bi qaabbechi Daawitichi gommon dabboochee qanna yoocha getaanoone.


Andoo ittoshi Nuggishoo Doono Yeer waan wottoyich ittoshi mulloonaa ittoshi gaboonon ikkochibote; tiyiree Nuggishoo Doono Yeerichi yaafee kexon ittoshi hagaa, Doono Yeerichi wogee taabootoonaa yaafeeti yaafee kechi qiiceenaꞌona Doono Yeerichi shigoyich hakkemmi yaafee kexooch gibeete” iye.


“Andoo Doono Yeerichi iitoo tuneti Israꞌeelee asho bulli ciinnii beetaa, Yeeriyoo waayee beetaa, ittoshi Nuggishoo Doono Yeerichi geto bullin ittoshi quyemmoyich ittoshich gettoye. Ebin ittoshi tuniigaata, hini ittoshi woraashiti gaawe showooch beeyemmo ittoshine; ittoshi shiijjeroyichoo woraashiyemmo ittoshine.


Asheenaꞌo boonoshi hajjee daaggoona boonoshi immitoyich, boonoshi ceeni mulloona Doono Yeerich boonoshi giddiitoyich, emiriyeete. Taatoo Daawitiyoo oogichii emiriye.


Aroochee keemechi Shemayaahi Shishaaqin shattiꞌi, Yerusaalem kiceeti, Roboꞌaminaa Yihudee iraasheenaꞌona waan waaꞌi, boonoshich, “Doono Yeeri ishichiye: ‘Taan ittoshi qajjitoyich, tawoo ittoshin Shishaaqichi kishooch duppehoye’ itone” iye.


Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.


ne beeyi xaaꞌoo tuneti shimaayoochaa waayebe; maarishoo gete; ashi mulloon ariyaabeeto ne baach ne tunetoyich, bi mulloon ne ariyaabeeti ashich bi shuuni shuunoommon qoce!


Ebiyee aaf taatoyich “Yeeri biin qaawii beetinaꞌon gaawe aafoona ciinnii beetone; tunebaani biin qajjitinaꞌo bulli toommooch bi kaaree shiixxoon kindiyemmone” iyaꞌa getteto noone. Ebich yeellaꞌa gommeexi etteenaꞌo waanee noon boonoshi quyemmoyich, ginee naayinaꞌonaa hareshechinaꞌonon taatoo waanee echeyaano taane.


Ta gommon xalliyemmo taane; ta waan ne woyemmo aatane? Ta taatee kexoochaa kaamittinoona beeyemmo taane.


Ne, ta timonaa ta kotoonon ariihine; ta gaboo bullin wohoochaa ariihine.


Ta mulloon beeggehine; xumoon ta waan waahine; taanoo phiree beeggehine; ta waanee gondoon daneyaano neene; ta heciyoo muricaanoone.


Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.


Mulli kaameenaꞌon wodiibeeti Yeeri, taach gaachoommone.


Gaboonaa mulloonon ariyaabeeti cadiqe Nuggishoocho, gonde asheenaꞌon gonde shuunoon shuunoochee baye; tunebaani cadiqeenaꞌo manji neexemmoyich tuniibe.


Biyoo ‘Ne ta Nihoo, ta Nuggishoo neene; taan wodiyechi ta deebe xaqqo neene’ geti ceeggemmone.


Tunebaani ne kaacceton and duppaa qajjehine; ne huuttetonoo oogichaa kaarehine.


Doono Yeero, neen gibenee beetinaꞌon dufaano ne tunetoyich, ne shigoon arii beetinaꞌo bulli neen gibeneheete.


Doono Yeeri ta hakkoonaa ta shoddoonane; taach wodoon tunetone. Bi ta Nuggishoone; biin galletemmo taane; ta nihoo Nuggishoone; biin oogiyemmo taane.


“Hamiree Israꞌeelee ukkireenaꞌon kicibe; ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri taach bekkeꞌi ishichitone: “Ittoshi mooyon ciinneto taane; Gibitsaa ittoshi toommooch shaggiton beeggeto taane.


Aachoonaa birewoonon qaaqqoo haattiye; Doono Yeeri ashi mulloon haattiye.


Ne gommo bullina biin ariibe; biyoo ne gommon neech kaachemmone.


ta nihoo ishichiꞌi taan dojjiye: “Ne mullo ta qaaroon yeshe; ta getoonoo quyebe; kashoona beeyemmo neene.


Tunebaani hukkechinaꞌonaa axaaxechinaꞌona ikkittinoona buricemminaꞌone; Doono Yeerinoo qajjii beetinaꞌoo aallemminaꞌone.


Ishichiinoo iye: “Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.


Ta, mandere showoochaa aashoona yibbaateyaano taane; Yaaqobichi yareenaꞌoyich, ‘Duuboon taan qaawibote’ getaano taane; Doono Yeeri ta, iberoon yibbaateho; tate mooyon awaajjiyo.


Mulloonaa eengoonon haattiibeeti, kaachiinoo nalliibeeti Beshe Mawe Doono Yeero, ta mooyon neech arichiiho; boonoshi toommooch ne gaaccemmi nichoon beegone.


Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.


Cadiqe ashoon phiree beeggaabeeti, mulloonaa gaboonon ciinnaabeeti, Beshe Mawe Doono Yeero! Ta taggoon neech ta waayiitoyich boonoshi toommooch nichoon ne kichoon beegone.


Girechonaa iriteetonochi nalloon nallii beehe; ebich biich gaawee beehe; ebi taan ariyoo toone?” iye Doono Yeeri.


Ta, Doono Yeeri ta tunoon ariyemmi mulloon boonoshich immemmo taane; boonoshi ceeni mulloona ta waan wottemminaꞌo boonoshi tunetoyich, ta asheenaꞌon tunemminaꞌone; tawoo boonoshich Nuggishoo tunemmo taane.


Taan qaawemmo ittoshine; ittoshi ceeni mulloona taan qaawiree danemmo ittoshine.


Tawoo ittoshich danemmo taane” iye Doono Yeeri. “Ittoshi kecoon wochemmo taane; aagetoo bulliichee, ittoshin ta yookketi xaaꞌoo bulliichee wochemmo taane” iye Doono Yeeri. “Kecooch ittoshin ta daachiiti showoochee wochi deebemmo taane” iye.


Asho bi ikkikkoona bi giyoon, asho bi ikkikkoona bi manoon ‘Doono Yeerin ariibe’ geti dojjaachemmone; ebiyoo giishoochee oogooch beddaahaa, bulliyona taan ariyemmo bi tunetoyichiye. Boonoshi xuꞌoon maaremmo taane; boonoshi axaaxoonoo gabaachemmo taane” iye Doono Yeeri.


tunebaani degeyemmo, shoodoon, dayinnetoonaa cadiqoonon showee toommooch tuniyaabeeto ta tunoon bi ariyoonaa bi digenoona, ebina degeebe; ebiyoo ebi mooyinaꞌo taan boonoshi emirikkii beetoyichiye” iye.


Doono Yeerichi Ayaano ta toommooch kindiꞌi taach ishichiye: “Doono Yeeri ishichiye gete: Israꞌeelee macceenaꞌote, ebi mooyon gettito ittoshine; tawoo ittoshi mullooch beeton ariibeeto taane.


“ ‘Nuggishoo Doono Yeeri Googich ishichii beetone: Ebiyooba mooyon gabooch giyemmo neene; gonde yamoonoo yamemmo neene;


Israꞌeeleenaꞌote, gibeneyoo, shoodeyoonaa Doono Yeerin ariyoona showee toommoochee bi aalletoyich, showee toommooch beetinaꞌon Doono Yeeri ittibatee beetone. Ebich Doono Yeerichi qaaroon waayebote!


Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.


Naatinaꞌeeli bi waan womon Yesuusi beeggiꞌi ishichiye: “Dawushoon ariyaani ibere Israꞌeelee asho hinine” iye.


Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.


Biyoo bi qelloona ashi mullooch beeti mooyon bi arii beetoyich, ashi mooyon biich ashi miixo amolla qaawiyaanoone.


Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.


Yeeriyoo Ayaanoone; biich goyinnee beetinaꞌo Yaafe Ayaanee hakkoonaa iberittinoona goyinno boonoshich qaawiihe” iye.


Biin ariyaano ittoshine; tunetaa ta ariibeeto taane. ‘Biin ariyaano taane’ ta getigaata, ittoshichoommon kootecho tunesho taane; tunebaani biin ariibeeto taane; bi gettitonoo ceechaabeeto taane.


ishichiꞌi corootiyeete: “Bullichi mulloon ariibeeti no Doonocho, Yihudi bi shuunoon deqqa hammiibee, duppii bi hammiti xaaꞌooch mishiraachechinaꞌona tookki bi shuunemmoyich ne kaacceton hini gutteenaꞌo daggoochee aabi gaata nooch bekkiibe” iyeete.


Ishichaa ta gettaabeeto, ittoshi goyinneebeeti xaaꞌeenaꞌon guuddaa beeggaꞌa, ‘Aricheyaani nuggishoo’ getaa kooreeti deejjee xaaꞌoon ta danetoyichiye. Illa and ittoshich ta gettaabeeto, ‘Aricheyaani nuggishoone’ iꞌi ittoshi goyinneebeeto, koni bi tunooniye.


Illa Yeeri besheti tuushee yemeenoon haddaanoon qajjitone; tunetaa and boonoshi kexi kexooch beeti asheenaꞌo bullin ‘Ittoshi gonde gommoochee ta waan wottebote’ iꞌi gettitone.


Ittoshi mulloon kaachibote. Axaaxoon shuuneyaahote. Ittoshi daggooch Yeerin ariyaani ikkikkeenaꞌo beetinaꞌone. Ta ishichaabeeto, ittoshi yeellemmoyichiye.


“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.


Imoyich daaggiti asho bi beegaata, Yeeri qaawiibeeto, biich beetoochee imonalli, aalloochee toonoone.


Yeeri emiroona immii beeton shunniye; ebich asho bulli ayinoona woyee baroo imbe getaa tuneyaanoon, bi mulloona bi gabitoommon imbe.


“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,


Meeti gonde mooyonaa iritoona boonoshi toommooch waahooba, ebi shoddoon shalligiree, boonoshin sheeraabeeto ta tunoon ariyemminaꞌone. Boonoshi shiijjereenaꞌo mulloochee batteyaachemmone. Boonoshich imma ta wogeti showooch boonoshin batt giijjaan ta beetaa, and boonoshi gabiibeeti gaboo amo gaata ariibeeto taane” iye.


“Ebi mooyon ittoshi beeggemmoyich bi tuniito, Doono Yeeri bi baach Nuggishoo bi tunoonaa biyee damba baroo aallo bi tunoonon ittoshi ariyemmoyichiye.


Ebich shuuraachemmi taatittinoon deqqemmo no tunetoyich, Yeerin galletebone; biin emirikkiibeeti gommona oogii shatibee biich goyinnebone.


Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.


Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.


Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.


Saameeliyoo asheenaꞌoyich ishichiye: “Shattaahote; ebi shaahe axaaxoon shuuneto ittoshi tunetaanoona, Doono Yeerich ceeni ittoshi mulloona goyinne maddebotani, biin dabboon qayiree badd wotteyaahote.


Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ