1 Kiinoo 27:1 - Kafa Linguistics Project

¹ Nati daggooch beeti ageno bulliich, agen agenoona kaallo giyiꞌi, taatoonaa asheenaꞌonoyich bulli mooyona maddeebeeti, Israꞌeelee qaabbechi yaree iraasheenaꞌo, humee iraasheenaꞌonaa ballee iraasheenaꞌona eboshine: Ikkikke kaallooch hiyaa awudde hume kaallechinaꞌo beetinaꞌone.

1 Kiinoo 27:1 ပူးပေါင်းရင်းမြစ်များ

2 Saameeli 23:8

Daawitichi ginee anaami asheenaꞌo shigo ebine: Takimoonee asho Yosheeb Beshebeti, keeminaꞌo toommooch ukkiroone. Biyoo ikke koyoochaa bi ginoon tiijjiꞌi, shimitte balle asheenaꞌon wuxitone.

1 Taateenaꞌo 4:27

Iraasheenaꞌo boonoshi kaalli kaallee agenooch taatoo Solomooninaa bi madoochee maabeeto bullinoyich maayoon giddii beeheete; amoonolla shappiiyaaneenaꞌone.

1 Taateenaꞌo 4:7

Taatoonaa bi kechi asheenaꞌonoyich maayoon Israꞌeelee showoo bulliichee kiciibeeti, aaraa gutte iraasheenaꞌo Solomoonich beetinaꞌone. Eboshiyoo boonoshi ikkikkoona nati daggooch beeti agenee maayoon giddii beetinaꞌone.

1 Taateenaꞌo 5:14

Eboshinoo aashiri aashire humoon ikkooch tuniiꞌi keejj beera qoodiye; ikke agenoon Libanoosi guudinaꞌooch boonoshi shuunemmoyich, gutte agenoon wotta boonoshi kexooch boonoshi kashemmoyich, kaalloon qociihe. Adoniraamiyoo ebi maddechinaꞌochi ukkiroone.

1 Kiinoo 11:10

Daawitichi ginee anaaminaꞌochi iraasheenaꞌo eboshine; boonoshiyoo Israꞌeeleenaꞌo bullina tookkii tuneꞌi, Israꞌeeleenaꞌochon Doono Yeeri gibenikkiti gibenoommon Daawiti taatemmoyich tuniiheete; bi taatittino manjemmoyichoo biin gaacheheete.

1 Kiinoo 13:1

Daawiti humee iraasheenaꞌona, ballee iraasheenaꞌonaa iraashoo bullina tookkii boyeehe.

1 Kiinoo 26:32

Daawitiyoo gutte humaa shabaatte balle beelleenaꞌo tuneti yaree ukkireenaꞌon Yeriyichi xibeenaꞌoochee kaacciꞌi, Roobeeli, Gaadinaa Minaasinochi yoodee qatochi showooch beeti, Doono Yeerichonaa taatoochona tuneti moochi toommooch iraashiihe.

1 Kiinoo 27:2

Batti batti agenooch kaallechinaꞌochi ukkiroo, Zabideli bushoo Yashobaamine. Bi kishooch hiyaa awudde hume ginee naayo beetone.

1 Kiinoo 28:1

Daawiti Israꞌeelee iraashoo bullin, Yerusaalem kiciye. Eboshiyoo: Yoodee iraasheenaꞌo, taatee showee shuunoon shuuneebeeti iraasheenaꞌo, humee iraasheenaꞌo, ballee iraasheenaꞌo, taatoonaa bi bushiisheenaꞌonochi yaaphoonaa gijjoonochi toommooch iraasheti iraasheenaꞌo, taatee kechi iraasheenaꞌonaa giidechi beelle ginee naayinaꞌonone.

1 Kiinoo 29:6

Aroochee yaree ukkireenaꞌo, yoodee iraasheenaꞌo, humee iraasheenaꞌo, ballee iraasheenaꞌonaa taatoochi shuunee iraasheenaꞌona boonoshi mullee daaggoona immiyeete.

2 Kiinoo 1:2

Solomooniyoo Gibeꞌoon boonoshi hammemmoyich Israꞌeelee asho bullich, humee iraasheenaꞌoyich, ballee iraasheenaꞌoyich, nallechinaꞌoyich, Israꞌeelee showoo bulliich beeti woraaferasheenaꞌonaa qaabbechi yaree ukkireenaꞌonoyich gettiye. Doono Yeerichi guuno Muusi barahoochaa shuuneti, Yeerichi danee duukkaanoo beeto Gibeꞌoon bi tunetoyich, arooch beeti guudi toommeexi goyinnee xaaꞌooch Solomooninaa biinna tookkii beeti iitoo bullina hammiyeete.

Keyo 18:25

Israꞌeeleenaꞌo daggoochee ariyechi asheenaꞌon kaacciꞌi, asheenaꞌo toommooch ukkiriihe; boonoshinoo humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiꞌi ukkiriihe.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Yibbaatoo 1:15

“Ebina tawoo yiiteenaꞌonaa arichetinaꞌona tuneti, ittoshi yoodi yoodee iraasheenaꞌon daammaa, humee iraasheenaꞌon, ballee iraasheenaꞌon, aachee iraasheenaꞌonaa aashire iraasheenaꞌonon tunii ukkiriihoye; wotta bare iraasheenaꞌon ittoshi yoodi yoodo bulliich ukkiriihoye.

Yaasi 23:1

Meeti yemeeno beshetoyee gubb, Doono Yeeri Israꞌeeleenaꞌon boonoshi guudoona beeti etteenaꞌo bulli kishoochee bi kashiitoyee gubb, Yaasi oogeton geenee baayehe.

1 Saameeli 8:12

boonoshin hume ginee iraasheenaꞌonaa aache ginee iraasheenaꞌonon tuniyemmone; bi goyoon gochechinaꞌonaa bi maayoon qeccechinaꞌonon tuniyemmone; wotta ginee qiicoonaa gaarichi qiicoonon shuunechinaꞌon tuniyemmone.