1 Kiinoo 26:26 - Kafa Linguistics Project

²⁶ Shelomotinaa bi maneenaꞌona, taatoo Daawiti, yaree ukkireenaꞌo, humee iraasheenaꞌo, ballee iraasheenaꞌonaa bi ginee iraasheenaꞌona kichiꞌi giddiiti yaafeeti qiiceenaꞌochi ukkireenaꞌone.

1 Kiinoo 26:26 ပူးပေါင်းရင်းမြစ်များ

2 Saameeli 8:11

Taatoo Daawiti ebi qiiceenaꞌon, shiichiꞌi kochii bi wochiti asheenaꞌo showoochee bi daneti aachoonaa birewoona tookkii Doono Yeerich kichiye.

1 Kiinoo 18:11

Taatoo Daawiti Edoomeenaꞌochi, Moꞌabeenaꞌochi, Amooneenaꞌochi, Filsixeemeenaꞌonaa Amaleeqeenaꞌonochi taatoo bulli waanee bi kecciti aachoonaa birewoona tookkii ebi qiiceenaꞌon wotta Doono Yeerich kichiye.

1 Kiinoo 22:14

“Doono Yeerichi yaafee kexoyich bi tunemmoyich, keejje miiliyoonaa awudde balle hume kiilo giraamee aachoon, shaashaa awudde miiliyoonee kiilo giraamee birewoon, bi meetoochee tiyitona machoona qocaa hakkeyaani gooshoonaa xuuroonon qanniito taane; ebichi toommooch wotta xareeti mixonaa xaqqoonon qanniito taane. Newoo arooch daakkibe.

1 Kiinoo 26:25

Gerishoomichi manoo Elezeer waanaa Elezeeri bushoo Rehaabiyi, Rehaabiyi bushoo Yeshaayi, Yeshaayi bushoo Yoraami, Yoraami bushoo Zikirinaa Zikiri bushoo Shelomotinane.

1 Kiinoo 26:27

Koyoochee daneti kecoochee qaton, Doono Yeerichi yaafee kexon andiriyoyich kichiyeete.

1 Kiinoo 28:21

Doono Yeerichi yaafee kexooch maddemmi qeesheenaꞌonaa Leweenaꞌona guuphi guuphona qannitinaꞌone. Shuunoo bullin shuunoon ariyechi, wottoo boonoshi daaggoona shuuneebeeti asheenaꞌo bulli neenna tookkii beetinaꞌone. Iraasheenaꞌonaa asheenaꞌona bulli ne getoon ceechemminaꞌone” iye.

1 Kiinoo 9:14

Leweenaꞌoochee Yerusaalem kotetinaꞌo: Meraari bushoo, Hashabiyi bushoo, Aziriqaami bushoo, Hashuubi bushoo Shemayaahi;

2 Kiinoo 23:8

Leweenaꞌonaa Yihudee asheenaꞌo bullina qeeshoo Yoyaadi gettito bullin tuniiheete. Qeeshoo Yoyaadi shambetooba boonoshi kaalloochee kechitinaꞌon batt gawukkaano bi tunetoyich, ginee iraasheenaꞌo boonoshi ikkikkoona kellee quyooch giyii beetinaꞌonaa kellee quyoochee kechii beetinaꞌona tuneti boonoshi ginee naayinaꞌon daammiyeete.

2 Kiinoo 31:2

Hiziqiyaasi qeesheenaꞌonaa Leweenaꞌonon boonoshi kuxi kuxona, boonoshi maddi maddooch neechiye. Doono Yeerichi kechi kelloochaa micciibeeti deejjoonaa ikkittinee deejjoonon boonoshi giddiyemmoyich, boonoshi maddemmoyich, boonoshi galletemmonaa boonoshi oogiyemmonoyich, qeesheenaꞌonaa Leweenaꞌonon boonoshi maddi maddoommon neechiye.

Iziri 2:42

Wotteti kellechinaꞌochi haddoo ebine: Shaluumi yaroochee, Axeeri yaroochee, Xalimooni yaroochee, Aquubi yaroochee, Haxiixichi yaroonaa Shobaayichi yaroonoochee bulla balli shaashaa yiixiyoone.

Nehimi 12:45

Boonoshiyoo, shoddechinaꞌonaa kellechinaꞌonochoommon, boonoshi Nuggishoochi maddoonaa xalliyee maddoonon, Daawitinaa bi bushoo Solomooninochi getoommon, tuniiheete.