1 Kiinoo 25:1 - Kafa Linguistics Project

¹ Daawitinaa bi ginee iraasheenaꞌona giishi ximboona, ooge ximboonaa qaaxilloona degeebee keemoon keemmemminaꞌon Asaafichi, Hemaaninaa Yedutuuninochi yaroochee kaacciꞌi shuunoon yechiiheete. Ebi maddoon maddemmi asheenaꞌochi shigo:

1 Kiinoo 25:1 ပူးပေါင်းရင်းမြစ်များ

1 Taateenaꞌo 10:12

Taatoo naddee mixoochee Doono Yeerichi yaafee kexonaa bi taatee kexonochi daabboon, wotta shoddechinaꞌoyich giishi ximboonaa ooge ximboonon shuunehe. Hanaach beddaahaa ebiyoommi naddee mixo ciroona waataanoone; bekkeenoo ariyaanoone.

2 Taateenaꞌo 3:15

Andoo ooge ximboon yexxii beeton taach deebote” iye. Ooge ximboon yexxiibeeto bi yexximmona, Doono Yeerichi giidoo Elisayi toommooch kindiye.

1 Kiinoo 12:28

ginee anaamo tuneti gurimaashoo Sadooqinaa bi yareenaꞌo tuneti hiyaa gutte ginee iraasheenaꞌona,

1 Kiinoo 13:8

Daawitinaa Israꞌeeleenaꞌo bullina boonoshi giidoon qoophaanoon, Yeerin oogiyoyich, giishi ximboon, ooge ximboon, kamboonaa qaaxilloonon yexxii kaachiibee, tiroon (waaringoon) huggiibee shoddee beeheete.

1 Kiinoo 15:28

Ebiyoommi gommona Israꞌeeleenaꞌo bulli emirii ililiibee, tiroonaa shametoonon huggiibee, qaaxilloon, giishi ximboonaa ooge ximboonon yexxii kaachiibee, Doono Yeerichi taabootoon Yerusaalem deebiyeete.

1 Kiinoo 23:2

Biyoo Israꞌeelee ukkiroo bullin, qeesheenaꞌonaa Leweenaꞌo bullinon ikkooch kiciye.

1 Kiinoo 25:2

Asaafichi anaami bushiisheenaꞌoochee: Zakuuri, Yooseefi, Netaaninaa Asharelaahinane. Eboshiyoo boonoshi beeto taatoochi getoona keemoon keemmiibeeti Asaafi kishoochiye.

1 Kiinoo 25:3

Yedutuunichi anaami bushiisheenaꞌoochee: Gedaliyi, Tseeri, Yeshaayi, Shimeꞌi, Hashabiyinaa Matitiyinane. Ebi shiritteenaꞌo boonoshi beeto masinqoona Doono Yeerin galleteebee, moogeebeenoo keemoon keemmiti boonoshi nihoo Yedutuuni kishoochiye.

1 Kiinoo 25:9

Batti batti ixoo Asaafi gumbo tuneti Yooseefich kechiye. Guttinnee ixoo Gedaliyich kechiye; biin, bi anaami bushiisheenaꞌonaa bi maneenaꞌonon geddii aaraa gutteenaꞌone.

1 Kiinoo 6:16

Lewichi anaami bushiisheenaꞌo: Gerishooni, Qohaatinaa Meraarinane.

1 Kiinoo 6:33

Ebi maddeebee echeti asheenaꞌonaa boonoshi bushiisheenaꞌona eboshine: Qohaati yaroochee shoddechi Hemaanine. Biyoo Israꞌeeli bushoo, Lewi bushoo, Qohaati bushoo, Yitsaari bushoo, Qoraahi bushoo Ebiyasaafi bushoo, Asiiri bushoo, Tahaati bushoo, Sofoniyaasi bushoo, Azariyaasi bushoo, Yoꞌeeli bushoo, Eliqaani bushoo, Amasayi bushoo, Mahaati bushoo, Eliqaani bushoo, Tsuufi bushoo, Toꞌaahi bushoo, Eleli bushoo, Yerohaami bushoo, Eliqaani bushoo, Saameeli bushoo, Yoꞌeeli bushoone.

1 Kiinoo 6:39

Bi qanne badd neexeto bi manoo Asaafine. Biyoo Lewi bushoo, Gerishooni bushoo, Yahaati bushoo, Shimeꞌi bushoo, Zimaahi bushoo, Etaani bushoo, Adaayi bushoo, Zaari bushoo, Etaani bushoo, Malikiyi bushoo, Baꞌaseyi bushoo, Mikaꞌeeli bushoo, Shimeꞌi bushoo, Beraakiyi bushoone.

1 Kiinoo 6:44

Bi yooche badd neexeti, Meraari bushiisheenaꞌo tuneti boonoshi maneenaꞌoochee Etaanine. Biyoo Lewi bushoo, Meraari bushoo, Muushi bushoo, Mahili bushoo, Shemeeri bushoo, Baniyi bushoo, Amitsi bushoo, Hiliqiyi bushoo, Amasiyaasi bushoo, Hashabiyi bushoo, Maluuki bushoo, Abidi bushoo, Qiishi bushoone.

1 Kiinoo 9:33

Ikkikke Leweenaꞌochi yareenaꞌo Yeerichi yaafee kexoochaa shoddoon shoddechinaꞌone. Xumoonaa areddoonon maddoo boonoshich bi qaawii beetoyich, bare maddoochee kasheꞌi, yaafee kechi daggooch boonoshich qanniti gateenaꞌooch beeheete.

2 Kiinoo 23:1

Shabaattinnee natooba Yoyaadi aafoon kupphehe. Biyoo balle ginee iraasheenaꞌo tuneti, Yerohaami bushoo Azariyaasi, Yehohanaani bushoo Ishmaꞌeeli, Obeedi bushoo Azariyaasi, Adaayi bushoo Maseyaahinaa Zikiri bushoo Elishafaaxina tookkii wogoon giyiye.

2 Kiinoo 23:13

Biyoo taatoo kelleexi giimbee gaꞌooch neexeꞌi beemon, bi gaꞌoochoo iraasheenaꞌonaa tiree huggechinaꞌona neexeꞌi beemon beeggahan; asheenaꞌo bulliyoo emirii, tiroonoo huggii beeheete. Shoddechinaꞌoo shoddee qiicoon yechiꞌi, shoddoon yaggii beeheete. Ataaliyi bi tahoon keexxaꞌa, “Hukkoone, hukkoone!” iyaꞌa cookiyan.

2 Kiinoo 23:18

Yoyaadi qeesheenaꞌonaa Leweenaꞌonon Doono Yeerichi maddooch ukkiriihe; boonoshi shuunoo Daawiti gettiti mooyinaꞌon tuniyoonaa Muusichi Sheerooch bi kooreetoommon micciibeeti deejjoon Doono Yeerich giddiyoonane. Ebiyoommon wotta Daawiti gettitoommon, emiroonaa shoddoona baaroon baaroone.

2 Kiinoo 23:9

Qeeshoo Yoyaadi Yeerichi yaafee kexooch beeti Daawitichi gineenaꞌon, ogooge gaacheenaꞌonaa gishiishi gaacheenaꞌonon ballee iraasheenaꞌoyich immiye.

2 Kiinoo 29:13

Elitsafaani yaroochee Shimiirinaa Yeꞌeelina; Asaafi yaroochee, Zakaariyaasinaa Mataniyina;

2 Kiinoo 29:14

Hemaani yaroochee, Yehiꞌeelinaa Shimeꞌina; Yedutuuni yaroochee, Shemayaahinaa Uzeelinane.

2 Kiinoo 31:2

Hiziqiyaasi qeesheenaꞌonaa Leweenaꞌonon boonoshi kuxi kuxona, boonoshi maddi maddooch neechiye. Doono Yeerichi kechi kelloochaa micciibeeti deejjoonaa ikkittinee deejjoonon boonoshi giddiyemmoyich, boonoshi maddemmoyich, boonoshi galletemmonaa boonoshi oogiyemmonoyich, qeesheenaꞌonaa Leweenaꞌonon boonoshi maddi maddoommon neechiye.

2 Kiinoo 34:12

Asheenaꞌo shuunoon gibeneeton tunoona shuuneheete. Boonoshi toommooch ukkireti, shuunoonoo shuuniibeeti Leweenaꞌo, Meraari gumboochee Yahaatinaa Abidiyina, wotta Qohaati gumboochee Zakaariyaasinaa Meshulaaminane. Leweenaꞌoochee shoddee qiicoona shoddoon ariyecho bulli,

2 Kiinoo 35:15

Daawiti, Asaafi, Hemaaninaa taatoochi yaaꞌechi Yedutuunina qociitoommon, Asaafi yareenaꞌo tuneti shoddechinaꞌo boonoshi xaaꞌooch beetinaꞌone. Kello bulliich beeti kellechinaꞌo quyeebeeti xaaꞌoochee baroo boonoshich qaawiyaanoone; ebiyoo boonoshi maneenaꞌo tuneti Leweenaꞌo boonoshich qannii beetoyichiye.

2 Kiinoo 5:12

Shoddechi Leweenaꞌo bulli, eboshiyoo Asaafi, Hemaani, Yedutuuni, boonoshi anaami bushiisheenaꞌonaa boonoshi maneenaꞌona muttee tuppoochee cicii yokketaa shippeti tahoon tahee, qaaxilloon, ooge ximboonaa giishi ximboonon yexxii kaachiibee, deejjee gudee gaꞌooch, aabi-keyo waanaa neexee beeheete. Boonoshina tookkiinoo balli hiye qeesheenaꞌo tiroon (waaringoon) huggii beeheete.

2 Kiinoo 8:14

Bi nihoo Daawiti dojjiti doyoommon qeesheenaꞌon boonoshi maddi maddooch, Leweenaꞌon wotta shoddoona boonoshi galletemmonaa qeesheenaꞌon boonoshi gaachemmonon tuniihe. Yeer asho Daawiti gettitoommon, kellechinaꞌon boonoshi kaalli kaalloona kelleenaꞌo bullin boonoshi quyemmoyich tuniihe.

Iziri 2:41

Wotteti shoddechinaꞌochi haddoo ebine: Asaafi yaroochee balli hiyaa shimittoone.

Iziri 6:18

Muusichi macaafooch bi kooreetoommon, Yerusaalem beeti Yeerichi kechi maddoyich, qeesheenaꞌon boonoshi maddee guuphi guuphooch, Leweenaꞌon boonoshi shuunee guuphi guuphooch neechiyeete.

Nehimi 11:17

shoddee galletoonaa corootoona aaf shiichii yaabiibeeti, Asaafi yaroochee tuneti Zabidi bushoo, Miki bushoo Mataniyi, bi maneenaꞌo daggooch guttinnee ukkiroo tuneti Bakbukiyinaa Yedutuuni bushoo, Galaali bushoo, Shamuꞌi bushoo Abidahinane.

Nehimi 12:24

Leweenaꞌochi ukkireenaꞌo Hashabiyi, Sherebiyi, Qadimeeli bushoo Yaasi, Yeer asho Daawiti gettitoommon, boonoshi maneenaꞌo ciinooch neexeꞌi, kaalli kaalloona Yeerin galletee naadii beeheete.

Nehimi 12:27

Yerusaalemi uxeroo diireehooba, uxeree diiree baaroon galletee shoddoona, qaaxilloona, ooge ximboonaa gishiishi ximboona, emiroona boonoshi baaremmoyich, Leweenaꞌo boonoshi beeti beeto bulliichee Yerusaalem boonoshi woyemmoyich ceekkeheete.

Shoddo 81:2

Shoddoon yagote; kamboon yexote; ooge ximboona, masinqoonoo gaawe qaaroon waayiibote.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.

Hiziqeeli 40:44

Aroochee maaci addibaabooch taan daammiye; aroochoo gutte kexinaꞌo beetinaꞌone; areexi ikkoo bi beeto dambi-waani kellee gaꞌooch tuneechii bi kelloon deshi-waan wochiꞌiniye; wotta baroo bi beeto deshi-waani kellee gaꞌooch tuneechii bi kelloon dambi-waan wochiꞌiniye.

1 Saameeli 10:5

“Aroyee gubb, Filsixeemee ginee kaambo beeti, Yeerichi geppooch, Gibaaha shaggemmo neene. Aroochee katemooch shagiichi, ooge ximboon, giishi ximboon, kamboonaa shumburoonon yechiꞌi, keemmiibee guudi toommeexi goyinnee xaaꞌoochee kindiibeeti, ikke guuphi keemechinaꞌona danemmo neene.