1 Kiinoo 24:2 - Kafa Linguistics Project

² Tunebaani Nadaabinaa Abiihina bushoon shiyaanoon beebee boonoshi nihoyee shiichiꞌi qitiyeete. Ebich Elazaarinaa Itamaarina qeeshoon tuneheete.

1 Kiinoo 24:2 ပူးပေါင်းရင်းမြစ်များ

Keyo 24:1

Doono Yeeri Muusich ishichiye: “Ne, Harooni, Nadaabi, Abiihinaa shabe Israꞌeelee ukkireenaꞌona ta waan keyote. Wohooch tuneechi, taach goyinnebote.

Keyo 24:9

Muusi, Harooni, Nadaabi, Abiihinaa shabe Israꞌeelee ukkireenaꞌona guudi toommooch kechiyeete;

Keyo 29:9

Buroon boonoshi maacooch cuye. Aroochee qelli caacoon boonoshi qellooch caace. Ebiyoommi gommona Harooninaa bi anaami bushiisheenaꞌonon qeesheenaꞌo boonoshi tunemmoyich yaafemmo neene. Ebina boonoshinaa gubbi boonoshi shiijjereenaꞌona qeeshoon tuneree, bulli yemeenoon taach maddemminaꞌone.

Keyo 6:23

Harooniyoo Aminadaabi bushoo Nahishooni manee Elisheebin shaaggiye. Biyoo Nadaabin, Abiihin, Elazaarinaa Itamaarinon shiyahan.

Leweenaꞌo 10:12

Muusiyoo Harooninaa echeti bi gutte bushiisheenaꞌo Elazaarinaa Itamaarinoyich ishichiye: “Oogeti yaafoo bi tunetoyich, qaaqqooch michaa Doono Yeerich deejjeeti maayi buuroochee echeton daamiree, shittoo giyaani koshon kachiiree deejjee gudee gaꞌoochaa mamote.

Leweenaꞌo 10:2

Bekkech qaaqqoo Doono Yeer waanee kindiꞌi boonoshin michii wuxiye. Boonoshiyoo Doono Yeeri aafoochaa qitiyeete.

Haddoo 18:7

Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.

Haddoo 26:61

Tunebaani Nadaabinaa Abiihina yaafeyaani qaaqqoon Doono Yeeri aafooch boonoshi giddiihooba qitiyeete.

Haddoo 3:2

Harooni anaami bushiisheenaꞌo shigo: Bi gutenee bushoo Nadaabi, wotta Abiihi, Elazaarinaa Itamaarinane.

Haddoo 3:4

Tunebaani Nadaabinaa Abiihina Siini barahoochaa yaafeyaani qaaqqoon Doono Yeeri aafooch boonoshi deejjiyooba, bi aafoochaa qitiyeete. Boonoshich bushiishoo aalletoyich, Elazaarinaa Itamaarina baach boonoshi nihoo Harooni kashoona beeti yemeenooch, qeesheenaꞌo tuneꞌi maddee beeheete.