1 Kiinoo 23:13 - Kafa Linguistics Project

¹³ Amiraami anaami bushiisheenaꞌo: Harooninaa Muusinane. Harooninaa bi yareenaꞌona bulli yemeenooch yaafee kechi qiicoon yaafoyich, Doono Yeeri aafooch ixaanoon shoohoyich, bi aafoochaa maddoonaa bi shigoona bulli yemeenoon asheenaꞌon diiroonoyich bariyeete.

1 Kiinoo 23:13 ပူးပေါင်းရင်းမြစ်များ

1 Kiinoo 23:12

Qohaatichi awudde anaami bushiisheenaꞌo: Amiraami, Yitsaari, Kebirooninaa Uzeelinane.

1 Kiinoo 6:3

Amiraami bushiisheenaꞌo: Harooni, Muusinaa Miiriyaminane. Haroonichi anaami bushiisheenaꞌo: Nadaabi, Abiihi, Elazaarinaa Itamaarinane.

Shoddo 106:16

Kaambooch beechii, Muusina, Doono Yeerich yaafeeti Haroonina, qanaateheete.

Shoddo 99:6

Muusinaa Haroonina bi qeesheenaꞌo daggooch beetinaꞌone; Saameeliyoo bi shigoon ceeggii beetinaꞌo daggooch beetone; boonoshiyoo Doono Yeer waan cookaa, boonoshi cookoon waayehe.

Keyo 28:36

“Xalle aachoochee ikke shashoon shuunebe. Bi toommooch ‘Doono Yeerich Yaafeeto’ ii beeton maatemoochoommon qiici kooribe.

Keyo 29:44

“Ebina danee duukkaanoonaa deejjee gudoonon yaafemmo taane; wotta qeesheenaꞌo tuneree taach boonoshi maddemmoyich, Harooninaa bi anaami bushiisheenaꞌonon yaafemmo taane.

Keyo 6:20

Amiraami bi nihoo manee Yokebeedin shaaggiye. Biyoo Harooninaa Muusinon shiyahan. Amiraami yagiti yemeeno balli shaashaa shabaatte natone.

Leweenaꞌo 10:10

Ebin tuniiree yaafoonaa yaafeyaanoonochi daggooch, wotta eeꞌoonaa xalloonochi daggooch barbaremmo ittoshine.

Haddoo 18:1

Doono Yeeri Haroonich ishichiye: “Yaafe xaaꞌoochaa shuuneebeeti xuꞌoyich ne, ne bushiishoonaa ne yareenaꞌona echeyemmo ittoshine. Neennaa ne bushiishoona qeeshittinee maddeexi xuꞌoyich echeyemmo ittoshine.

Haddoo 26:59

Amiraami mechee shigo Yokebeedi getteehe. Biyoo Lewi busheene. Bi shiijjeto Gibitsee showoochaa Leweenaꞌochi shiijjeroocheeniye. Biyoo Amiraamich Haroonin, Muusinaa boonoshi manee Miiriyaminon shiyahan.

Haddoo 3:27

Qohaatichi asheenaꞌoyich Amiraami gumbee asheenaꞌo, Yitsaari gumbee asheenaꞌo, Kebirooni gumbee asheenaꞌonaa Uzeeli gumbee asheenaꞌona beetinaꞌone. Eboshiyoo Qohaatichi gumbeenaꞌone.

Luqaasi 1:9

qeesheenaꞌochi doyoommon Doonochi yaafee kexooch giyiꞌi ixaanee shookki ixoo biin yechiye.

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Galaati 1:15

Tunebaani ta indee maacooch ta beetaa taan biich bariiꞌi bi wojjoona taan ceeggito Yeerine.

Yibbaatoo 10:8

Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.

Yibbaatoo 21:5

Lewichi shiijjereenaꞌo tuneti qeesheenaꞌo wotta arooch hambeete. Ebiyoo asho ikkoo baroon xuꞌaa, taggeebeeti taggoon nallemminaꞌo boonoshi tunetoyichiye; wotta ne Nuggishoo Doono Yeeri biich boonoshi maddemmonaa bi shigoona boonoshi diiremmonoyich boonoshin bi kaaccitoyichiye.

Hibireena'o 5:4

Haroonin qeeshee guudo bi tunemmoyich kaaccito, Yeerine; Yeeri kaaccitoyee beshetaa, koniyoona qeeshee guudoon tunee oogoon bi qellich qaawi danemmo aalloone.

Yaaꞌoo 8:3

Bare maraakoo ixaano shookkeebeeti aachee qiicoon yechii waaꞌi, deejjee gudee gaꞌooch neexehe. Taatee qeechi aafooch beeti, aachoochee shuuneeti deejjee gudee toommooch yaafeenaꞌo bullichi corootoona tookki bi giddiyemmi dofee ixaano biich ichehe.

1 Saameeli 2:28

Ta qeeshoo bi tunemmoyich, ta deejjee gudooch bi giddemmoyich, ixaanoon taach bi shookkemmoyich, ta aafoochoo efoodoon bi tahemmoyich, Israꞌeelee yoodeenaꞌo bulli daggoochee biin kaaccoye. Wotta Israꞌeeleenaꞌo taach deejjiibeeti deejjoo bulliichee qoodoo bi kechi asheenaꞌoyich bi beeyemmoyich tuniihoye.