1 Kiinoo 22:9 - Kafa Linguistics Project

⁹ tunebaani diggee asho tunemmi bushoo neech shiijjemmone; bi guudoona beeti bi etto bulliichee biin kashiyemmo taane; bi taatee yemeeno bulliich Israꞌeeleenaꞌoyich diggoonaa tooqqii kashoonon immemmo ta tunetoyich, bi shigo Solomooni getteyemmone.

1 Kiinoo 22:9 ပူးပေါင်းရင်းမြစ်များ

1 Taateenaꞌo 1:13

Kaate taatoo Daawit waan hamiree, ‘Taatoo ta doonocho, ne gonnee taach “Ne bushoo Solomooni ta hillooch taatemmone; ta taatee qeenoochoo kotemmone” iyaa wogeyaano neene? Ishigaata, amoyich Adoniyaasi taatehe?’ gete.

1 Taateenaꞌo 2:15

Adoniyaasiyoo “Taatittino taacho bi tunoon, Israꞌeeleenaꞌo bulli taatoo ta tunemmoyich, boonoshi aafoon ta waan boonoshi wochoonoo ariyaabeeti neene. Tunebaani mooyo Doono Yeer waanaa bi maachetoyich, taatittino ta waanee besheꞌi ta manoyich tunetone.

1 Taateenaꞌo 3:7

“Andoo ta Nuggishoo Doono Yeero, ne guuno ta, ta nihoo Daawitichi xaaꞌooch kereeree ta taatemmoyich tuniito neene. Tunebaani ta batt giisheche bushoo taane; gimo keyon ariyaano taane.

1 Taateenaꞌo 4:20

Yihudee asheenaꞌonaa Israꞌeeleenaꞌona baharee gasheexi qacoochoommon meettiyeete; maa uchiibee emiroona beeheete.

1 Taateenaꞌo 4:24

Tifisaahi katemoochee tiijjii Gaaza beddaahaa, Efiraaxisi aacoochaa aabi-gimo waan beeti showoo bulliich beeti taatoo bulli biich hajjeehe; bi guudoona beeti taatee showoo bullina tookkiinoo diggoona beehe.

1 Taateenaꞌo 4:25

Solomooni kashoona bi beeti yemeeno bulliich, Daanee tiijjiꞌi Beershaab beddaahaa beeti Yihudee ashoonaa Israꞌeelee ashoona bi ikkikkoona bi woyinee yiiroonaa bi balaasee yiiroonooch diggoona kotee beehe.

1 Taateenaꞌo 5:4

Tunebaani and ta Nuggishoo Doono Yeeri ta guudo bullina beetinaꞌo waanee taan kashiitone; etto tuneba, irite mooyo taach aalloone.

1 Taateenaꞌo 8:56

“Bi gibenikkiti gibenoommon bi asheenaꞌo tuneti Israꞌeeleenaꞌon kashiiti Doono Yeeri galleteebe. Bi guuno Muusina bi gibenikkiti gaawe gibeno bulliichee ikke qaaroonona shappayaanoone.

1 Kiinoo 17:11

Qitaꞌa ne qaabbechinaꞌo waan ne xaꞌeehooba, ne bushiisheenaꞌo daggoochee ikkoon taatiyemmo taane; bi taatittinoonoo manjiyemmo taane.

1 Kiinoo 22:18

“Ittoshi Nuggishoo Doono Yeeri and beddaahaa ittoshina tookkiiniye. Ittoshi etto bulli waanee ittoshin kashiitone. Hini showooch beeti asheenaꞌon ta kishooch beshiiꞌi immitone. Showoo Doono Yeerinaa bi asheenaꞌonoyich hajjeetone.

2 Kiinoo 6:15

Ne guuno tuneti, ta nihoo Daawitich ne gibenikkiti gibenoon quyeto neene; ne gibenikkiti gibeno bullin hanaach ceechito neene.

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Shoddo 72:1

Yeero, taatoo dayinnetoona nallemmoyich, taatoochi bushoo cadiqoona bi qeejjemmoyich, hakkoon imbe.

Shoddo 72:7

Bi yemeenooch cadiqittino gamine; agenee bi kotoochee aallemmi wottoon diggoo woddebe.

Isiyaasi 26:12

Doono Yeero, diggoon nooch immeto neene; no shuunoo bullin nooch kaachito neene.

Isiyaasi 45:7

Manderoonaa bekkoonon hallito taane; deꞌe yemeenoonaa gonde yemeenoonon deebaabeetoo taane; ebi bulli mooyon tuniyaabeeto Doono Yeeri taane.

Isiyaasi 57:19

Boonoshi noonoochee galletoon aafiyemmo taane; wohonaa katinoonooch beetinaꞌoyich diggoo tunebe; boonoshin wodiyemmo taane” iye Doono Yeeri.

Isiyaasi 66:12

Doono Yeeri ishichiye: “Diggoon woce aacochoommon biich woddiyemmo taane; aageteenaꞌo gaannoonoo ceeni aacochoommon bi waan wochemmo taane; aroochee xammemmo ittoshine; bi sheenooch tiqqeyemmo ittoshine; bi doshee toommoochaa capphemmo ittoshine.

Haagi 2:9

Hini yaafee kechi oogee yiiroo aafichoyee beshoon tunemmone. Hini xaaꞌoochaa ta asheenaꞌoyich mashaamiti beemonaa diggoonon immemmo taane’ itone Beshe Mawe Doono Yeeri” iye.

Woraaferasheenaꞌo 6:24

Geediyooni arooch Doono Yeerich deejjee gudoon shuuneꞌi, Doono Yeeri Diggee Nuggishoo iꞌi shigiihe. Ebi deejjee gudo hanaach beddaahaa Abezeerichi yareenaꞌo showoo tuneti Ofira neexeꞌi beetone.