1 Kiinoo 22:5 - Kafa Linguistics Project

⁵ Daawiti ishichiye: “Ta bushoo Solomooni batt ariyaani giisheche bushoone; Doono Yeerich shuuneyemmi yaafee kexo oogiichi worganikkito, showee toommo bulliich bi woroo waayeeto tuno qaawiihe. Ebich bulli mooyon biich qanniyemmo taane” iye. Ebina Daawiti bi gettitoommon bi qitoyee shiichiꞌi wodde mooyon qanniihe.

1 Kiinoo 22:5 ပူးပေါင်းရင်းမြစ်များ

1 Taateenaꞌo 3:7

“Andoo ta Nuggishoo Doono Yeero, ne guuno ta, ta nihoo Daawitichi xaaꞌooch kereeree ta taatemmoyich tuniito neene. Tunebaani ta batt giisheche bushoo taane; gimo keyon ariyaano taane.

1 Taateenaꞌo 9:8

Hini yaafee kexo happeeree xaqqee gutoo tunemmone. Aroona beshee beetinaꞌo bulli worganemminaꞌone; cooqqiribee, ‘Doono Yeeri hini showoonaa hini yaafee kexonochi toommooch ebiyoommi mooyon bi tuniito, amoyich tunehe?’ gettemminaꞌone.

1 Kiinoo 29:1

Taatoo Daawiti iitoo bullich ishichiye: “Doono Yeeri kaacciti ta bushoo Solomooni batt ariyaani bushoone; ebi hakkeyemmi kexo ashi taatee kexo tuneyaanoon Nuggishoo Doono Yeerichi yaafee kexo bi tunetoyich, shuunoo maggoone.

2 Kiinoo 13:7

Gaacaalli gonde asheenaꞌoo bi waan kiceeheete. Solomooni bushoo Roboꞌami batt ariyaani bushoo tunee bi beehooba, boonoshin kochii wochoon hakkaani bi beehooba, bi toommooch tiyiyeete.

2 Kiinoo 2:4

Israꞌeeleenaꞌo, bulli yemeenoon boonoshi tuniyemmoyich getteetoommon, Doono Yeerich gaawe cinnechi ixaanoon shoohoyich, kuxaanoon yaaree koshon giddiyoyich, micciibeeti deejjoon maaddoona, womikkoona, shambetoona, agenee keyi baaroobinaa maacheti baari baaree aaboobina giddiyoyich, ta Nuggishoo Doono Yeerichi shigoyich kexon hagiree biich yaafiya iyaabeeto taane.

2 Kiinoo 2:5

“No Nuggishoo nuggisheenaꞌo bulliyee beshe oogoo bi tunetoyich, ebi ta hagga ii beeti kexo ooge kexone.

2 Kiinoo 2:8

“Ne asheenaꞌo Libanoosi guudoochee mixon kuxona arichetinaꞌo boonoshi tunoon ariyaabeeto taane. Ebich Libanoosi guudoochee yigee mixon, ciidee mixonaa naddee mixonon taach deejjibe; ta asheenaꞌoo arooch hamiree boonoshin gaachemminaꞌone.

2 Kiinoo 7:21

Hini yaafee kexo and worganeeto bi tunetaanoona, bi gaꞌoona beshee beetinaꞌo bulli worganeebee, ‘Doono Yeeri hini showoonaa hini yaafee kexonochi toommooch ebiyoommi mooyon bi tuniito, amoyich tunehe?’ gettemminaꞌone.

Iziri 3:12

Aafi Yeerichi kexon beeggiti, geeneenaꞌo tuneti, meeti qeesheenaꞌo, Leweenaꞌonaa yaree ukkireenaꞌona hini yaafee kechi xaqqo hecceyoon boonoshi beeggiyooba, qaaroon oogichiꞌi eeppiyeete; tunebaani meetinaꞌo emiroona qaaroon oogichiꞌi ililii beeheete.

Shaahiyoo 4:3

Ta nihoo kexooch batt dellidellaa ta beehooba, ta indeyichoo ikke mixxe bushoo ta beehooba,

Dojjecho 9:10

Ebi ne hamma iyaabeeti maash shuunoonaa gaboona, ariyoonaa shalligoona aallo bi tunetoyich, ne shuunoo bullin neech beeti hakkoona shuunebe!

Isiyaasi 64:11

Wonnee qaabbechi no niheenaꞌo neen aroochaa boonoshi galleteebee echeti, yaafoonaa mallet gaawoona tuneti ne yaafee kexo qaaqqoona miccitone; no emiraabeeti xaaꞌeenaꞌo bulli happaa aalletinaꞌone.

Hiziqeeli 7:20

Gaawe boonoshi aachoonaa birewoona geecitinaꞌone; ebi aroona shixxii ciigiiti shahalloon shuuneheete; ebich ebi shashoon boonoshich eeꞌo tuniito taane.

Haagi 2:3

Haagiyoo “Doono Yeeri ishichiye: ‘Hini kexo ebiyee aaf am shaahe oogee yiirecho gaata beeggiti ashoochee echeto ittoshi daggoochee konine? And amoon tuneꞌi ittoshich bekkeebeete? Ebi and ittoshi ciinnich am bedaano toone?

Haagi 2:9

Hini yaafee kechi oogee yiiroo aafichoyee beshoon tunemmone. Hini xaaꞌoochaa ta asheenaꞌoyich mashaamiti beemonaa diggoonon immemmo taane’ itone Beshe Mawe Doono Yeeri” iye.

Luqaasi 21:5

Ikkikke asheenaꞌo yaafee kechi mooyon tiijjiꞌi, “Yeerich giddeti wojjoonaa aaxxe xaqqeenaꞌona hakketi hini yaafee kechi malleto am shaahoon gaawehe” iꞌi yibbaatee boonoshi beetaa,

Yowannisi 13:1

Beshee Baaroyee aaf, Yesuusi hini alemoochee Nihoo Yeer waan bi hammemmi aabo shagon ariihe. Hini alemooch beeti bi dabbeenaꞌon shunniye; ciirooch beddaahaanoo boonoshin shunniye.

Yowannisi 3:30

Bi oogo beshibe; ta oogo giishebe; ebi tunibede mooyone” iye.

Yowannisi 9:4

Areddoo beetaa, taan wocheti Yeerichi shuunoon tuniyoo nooch qaawiihe; koniyoona shuunoon hakkaachemmi xumo woyemmone.