1 Kiinoo 22:2 - Kafa Linguistics Project

² Israꞌeelee showooch beeti shiqqeenaꞌo ikkooch boonoshi kiceyemmoyich Daawiti gettiye. Boonoshi daggoocheenoo yaafee kexo shuuneyemmi xaqqoon baddemminaꞌon kichiye.

1 Kiinoo 22:2 ပူးပေါင်းရင်းမြစ်များ

2 Saameeli 5:11

Arooba Xiroosi taatoo Kiraami Daawit waan wocheyechinaꞌon deejjiye; ebiyoommon wotta yigee mixon, anaaxeenaꞌonaa xaqqee xarechinaꞌonon deejjiye. Boonoshiyoo Daawitich taatee kexon haggiyeete.

1 Taateenaꞌo 6:7

Yaafee kexo shuuneeto, iiyaa bi kechiti xaaꞌoochaa qanniti xaqqoona bi tunetoyich, bi shuunee beehooba, modooshee, qofichi, woyee bare xuuree qaaro yaafee kexoochee ciroona waayeyaanoone.

2 Taateenaꞌo 12:12

xaqqee xarechinaꞌonaa xaqqee qiicechinaꞌonoyich qoccii beeheete; ebiyoommon wotta Doono Yeerichi yaafee kexo wochinnoon shuuneyemmi booree xareeti mixon, xareeti xaqqoonaa kechi shuunoyich qaawiibeeti, baribare mooyonoyich qoccii beeheete.

2 Taateenaꞌo 22:6

Boonoshi qoccemmo, anaaxeenaꞌoyich, gimbenyeenaꞌonaa xaqqoon baddee beetinaꞌonoyichiye. Ebiyoommon wotta yaafee kexon wochinnoon shuunoyich booree xareeti mixonaa xareeti xaqqeenaꞌonon kemebeete.

1 Kiinoo 14:1

Arooba Xiroosi taatoo Kiraami Daawit waan wocheyechinaꞌon deejjiye; ebiyoommon wotta yigee mixon, taatee kexon boonoshi haggemmoyich, xaqqee xarechinaꞌonaa anaaxeenaꞌonon deejjiye.

1 Kiinoo 29:1

Taatoo Daawiti iitoo bullich ishichiye: “Doono Yeeri kaacciti ta bushoo Solomooni batt ariyaani bushoone; ebi hakkeyemmi kexo ashi taatee kexo tuneyaanoon Nuggishoo Doono Yeerichi yaafee kexo bi tunetoyich, shuunoo maggoone.

2 Kiinoo 2:16

Nowoo ne qaawimmi wottoon mixon Libanoosi guudoochee kuxi cuyiree, baharee toommona deebi, Yoopphi katemooch beddaahaa bi shaggemmoyich tuniyemmo noone. Ebina newoo Yerusaalem bi hammemmoyich tuniyemmo neene” iye.

2 Kiinoo 2:17

Solomooni bi nihoo Daawitichoommon Israꞌeelee showooch beeti shiqqeenaꞌon haddiye. Boonoshiyoo balli aachaa keejje humaa shiritte balleenaꞌone.

Iziri 3:7

Aroochee xaqqoon xarii tachii beetinaꞌonaa anaaxeenaꞌonoyich gijjoon immiyeete. Faariisee taatoo Qiroosi daaggitoommon, yigee mixon Libanoosee showoochee baharoona Yooppha boonoshi deebemmoyich, Sidoonee asheenaꞌonaa Xiroosee asheenaꞌonoyich maayoon, uyoonaa zayitoonon immiyeete.

Efesooni 2:12

Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.