1 Kiinoo 22:19 - Kafa Linguistics Project

¹⁹ Andoo ittoshi Nuggishoo Doono Yeer waan wottoyich ittoshi mulloonaa ittoshi gaboonon ikkochibote; tiyiree Nuggishoo Doono Yeerichi yaafee kexon ittoshi hagaa, Doono Yeerichi wogee taabootoonaa yaafeeti yaafee kechi qiiceenaꞌona Doono Yeerichi shigoyich hakkemmi yaafee kexooch gibeete” iye.

1 Kiinoo 22:19 ပူးပေါင်းရင်းမြစ်များ

1 Taateenaꞌo 5:3

“Ta nihoo Daawiti, Doono Yeeri bi etteenaꞌon bi baatooch dichimmi wottoon, bi guudoona beeti showeexi bi etteenaꞌona koyeebee, kexon bi Nuggishoo Doono Yeerichi shigoyich hagon hakkee bi qayon ariyaabeeto neene.

1 Taateenaꞌo 8:21

Doono Yeeri no qaabbechinaꞌon Gibitsee bi kichiyooba, boonoshina tookkii bi giyiti wogo kooreeti xaqqoo arooch beeti taabootoyich, are kexooch xaaꞌoon qanniito taane” iye.

1 Taateenaꞌo 8:6

Qeesheenaꞌo Doono Yeerichi wogee taabootoon yaafee kexooch beeti bi xaaꞌooch, Yaafe Xaaꞌeexi Yaafooch giijjiꞌi, kiruubeenaꞌochi qoshee dechiich kotiiheete.

1 Kiinoo 16:10

Yaafe bi shigoonoo geecibote; Doono Yeerin qaawiibeeti mullecho emiribe.

1 Kiinoo 16:11

Doono Yeerin, bi kupphiyoonoo qaawibote; bulli aaboon biin qaawibote.

1 Kiinoo 22:16

Aachoon, birewoon, gooshoonaa xuuroonon shuunoona aricheti asheenaꞌo neech beetinaꞌone; tiyiree shuunebe; Doono Yeeri neenna tookki tunebe” iye.

1 Kiinoo 22:7

Daawitiyoo Solomoonich ishichiye: “Ta bushoocho, ta Nuggishoo Doono Yeerichi shigoyich kexon hagga ta mulloona gabiyoye;

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 20:3

Yoshafaaxiyoo oogichii shattiye. Doono Yeeri biin gaachemmoyich qaawiꞌi, bi waan corootiye; Yihudee showoo bulliich coomoon awaajjiye.

2 Kiinoo 5:7

Qeesheenaꞌo Doono Yeerichi wogee taabootoon yaafee kexooch beeti, bi xaaꞌooch, Yaafe Xaaꞌeexi Yaafooch giijjiꞌi, kiruubeenaꞌochi qoshee dechiich kotiiheete.

2 Kiinoo 6:11

Israꞌeeleenaꞌona tookkii bi giyiti wogo kooreeti xaqqo arooch beeti, Doono Yeerichi taabootoon are yaafee kexooch kotiito taane” iye.

Shoddo 119:2

Bi geteenaꞌon quyee beetinaꞌo, boonoshi ceeni mulloona biin qaawii beetinaꞌo, diireetinaꞌone.

Shoddo 14:2

Shalligecho, Yeerinoo qaawiibeeto beegaata beegoyich, Doono Yeeri shimaayoochaa dugilla ashi bushiisheenaꞌo waan ciinniye.

Shoddo 27:4

Doono Yeerin ikke mooyon qollehoye; aroonoo qaawiyoye; ebiyoo, ta kashee yemeeno bullin Doono Yeerichi kexooch beemon, Doono Yeerichi gaawoon ciinnii worganoon, bi yaafee kexoochaanoo corootooniye.

Keyo 25:8

“Boonoshi daggooch ta beeyemmoyich, yaafee duukkaanoon taach boonoshi shuunemmoyich tuniibe.

Isiyaasi 60:1

“Yerusaaleme, ne bekko waatoyich tiyi ceechibe; Doono Yeerichi oogee yiiroo ne toommooch aaxxemmone.

Erimiyaasi 29:13

Taan qaawemmo ittoshine; ittoshi ceeni mulloona taan qaawiree danemmo ittoshine.

Daaneeli 9:3

Ebich dookoon tahaa, tullee toommooch kotaꞌa, coomii, corootii, qollaabee ta aafoon ta Doono, ta Nuggishoo waan wochiyo.

Haagi 1:5

“And illa Beshe Mawe Doono Yeeri ta gettaa beeton waayebote: Eke ittoshi toommooch shaggiti mooyon shalligibote.

Haagi 1:8

Illa and damba geppooch hambote; mixonoo kuxi deebiree yaafee kexon hagote. Doono Yeeri tawoo, ebi aroona emiremmo taane; oogoonoo danemmo taane.

Mishiraachechinaꞌo 11:23

Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.

Mishiraachechinaꞌo 22:16

Andoo yagaanoon tiyiree bi shigoon ceegiree, aacona afaalleebe; ne axaaxoocheenoo xallebe’ iꞌi taach gettiye” iye.

Yibbaatoo 4:29

Tunebaani aroochaa ittoshi Nuggishoo Doono Yeer waan corootemmo ittoshine. Ceeni ittoshi mulloonaa ceeni ittoshi kashoona bi waan ittoshi corootigaata, biyoo ittoshi qolloon waayemmone.