1 Kiinoo 22:14 - Kafa Linguistics Project

¹⁴ “Doono Yeerichi yaafee kexoyich bi tunemmoyich, keejje miiliyoonaa awudde balle hume kiilo giraamee aachoon, shaashaa awudde miiliyoonee kiilo giraamee birewoon, bi meetoochee tiyitona machoona qocaa hakkeyaani gooshoonaa xuuroonon qanniito taane; ebichi toommooch wotta xareeti mixonaa xaqqoonon qanniito taane. Newoo arooch daakkibe.

1 Kiinoo 22:14 ပူးပေါင်းရင်းမြစ်များ

1 Taateenaꞌo 10:14

Solomoonich nati natooch giyiibeeti aachoo, hiyaa keejje hume kiilo giraam bedoone.

1 Taateenaꞌo 7:47

Gooshoochee shuuneeti, ebi qiico bulli dofoo bi tunetoyich, machoona bi qocceyemmoyich Solomooni tuniyaanoone. Ebich ambiche kiilo giraamo gaata aricheyaanoone.

2 Taateenaꞌo 25:16

Doono Yeerichi yaafee kexooch beeti, ebiyoo taatoo Solomooni shuuniiti gutte giimbeechi gooshoon, gengechi goonee koteenaꞌon, aaco kiceebeeti ooge gamini goonoonochi gooshoonoo daammiye. Ebi qiiceenaꞌochi gooshoo maggee naboona, machoona qoco hakkeyaanoone.

1 Kiinoo 22:15

Meeti shuunechinaꞌo, eboshiyoo xaqqoon xariꞌi kotiyechinaꞌo, anaaxeenaꞌonaa baribare shuunee ariyechinaꞌona neech beetinaꞌone.

1 Kiinoo 22:3

Uxeree kellee shaaqqoo shuuneyemmi misimaaroonaa maaxaafoonoyich tunemmi wodde xuuroonaa bi woddoochee tiyitona machoona qoco hakkeyaani gooshoonon qanniihe.

1 Kiinoo 29:2

Ebich tawoo taach hakkeetoommon ta Nuggishoo kexoyich qiicoon qanniito taane; aachee qiicoyich aachoon, birewee qiicoyich birewoon, gooshee qiicoyich gooshoon, xuuree qiicoyich xuuroon, michi qiicoyich mixon, wodde shohaamoonaa baribare aaxxe xaqqeenaꞌonon, baribare malletechi xaqqeenaꞌon, bi shaahi shaahoochee aaxxe xaqqoonaa nacce xaqqoonon qanniito taane.

Erimiyaasi 52:20

Doono Yeerichi yaafee kexoyich taatoo Solomooni shuuniiti gutte giimboochi gooshoon, aaco kiceebeeti, ooge gamini goonoochi gooshoonaa bi kotoyee dech beeti aaraa gutte gattee misilee gooshoonon daammiye. Ebi qiiceenaꞌochi gooshoo maggee naboona, machoona qoco hakkeyaanoone.

Haddoo 7:85

birewee yalle saano bi ikkikkoona balli balli shaashe sheqeelo, wotta birewee quppe saano bi ikkikkoona shabi shabe sheqeeloone. Ebi bulli birewee qiico yaafee kechi machoona qocaa gutte humaa awudde balle sheqeeloone.

2 Qorontoosi 8:2

Wodde xuuxoon beeggitinaꞌone; tunebaani amoommon boonoshi giretaanona, boonoshi emiroo besho bi tunetoyich, beshaa beshiiꞌi immitinaꞌone.