13 Doono Yeeri Muusina bi immiti sheeroonaa qociyoonon manjiyaꞌa ne quyegaata, mooyo neech kaamemmone. Kupphebe; maac kuxo tunebe; shattaahine; ne gibenoon kuxxaahine.
“Ebiyoche, ta qitemmi aabo katinnitone. Illa kupphebe; maac kuxe asho tunebe.
Ne Nuggishoo Doono Yeerichi getoon quyebe. Ne tuniyaabeeti mooyonaa ne hammaabeeti gommo bullina neech bi kaamemmoyich, bi gommona hambe; Muusichi Sheerooch bi kooreetoommon, bi doyeenaꞌon, bi geteenaꞌon, bi sheereenaꞌonaa bi qociyeenaꞌonon quyebe.
Illa and, Doono Yeeri yaafee kexon biich ne haggemmoyich neen bi kaacon batteyaahine; kuppheree shuunebe” iye.
Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.
And bi tunii beetoommon, ta geteenaꞌonaa ta sheereenaꞌonon kuxaanoon ceechii bi quyegaata, bi taatittinoon bulli yemeenoon manjiyemmo taane’ itone.
Showoo diggoon bi danetoyich, Yihudee showooch mishigechi katemeenaꞌon shuunehe. Doono Yeeri bi yemeenoon diggoo bi tuniitoyich, aroobee yemeenooch tiyiti koyo aalloone.
Asheenaꞌo maaddoona tiyiꞌi, Teqoꞌi barahooch qaxiriyeete. Boonoshi hammiibeeta, Yoshafaaxi boonoshich, “Yihudee asheenaꞌonaa Yerusaalemi asheenaꞌonote, ellebote; ittoshi Nuggishoo Doono Yeerin gibenebote; kupphemmo ittoshine. Bi keemechinaꞌon gibenebote; mooyo ittoshich kaamemmone” iye.
Yeerin shaton biich dojjiti Zakaariyaasi kashoona beeti yemeenooch Yeerich gibeneeton tunehe. Doono Yeerich gibeneeton bi tunetooba, Yeeri mooyon biich mashaamiihe.
“Kupphebote; maaci kuxoonoo tunebote. Noonna tookkii beeto, boonoshina tookkii beetoyee besho bi tunetoyich, Asooree taatoonaa biinna tookkii beeti meeti ginee naayinaꞌonon shattaahote; keqqiyaahote.
Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.
Ne getoochee ta aafoon bariyoo ta qayigaata, yeelleyaachemmo taane.
Yeero, taatoo dayinnetoona nallemmoyich, taatoochi bushoo cadiqoona bi qeejjemmoyich, hakkoon imbe.
Illa and Zerubabeelo, kupphebe. Yehotsedeeqichi bushoo, qeeshee guudo Yaaso, kupphebe. Hini showeexi asheenaꞌote, kuppheree shuunebote. Beshe Mawe Doono Yeeri ta, ittoshina tookkaa taane.
Beshe Mawe Doono Yeeri ishichiye: “Beshe Mawe Doono Yeeri ta yaafee kechi heco hecheehooba keemechinaꞌo keemmiti keemoon and beddaahaa waayeebeeti ittoshi, yaafee kexon shuunoyich ittoshi mochoon kupphiibote.
Yesuusiyoo wochiꞌi, “And qajje gettaaye; ebin tuniyoona Yeeri aafooch kaamoo tuneto bullin shuuno nooch qaawiihe” iye. Arooba Yowannisi tunebe iye.
Biin bi kindiitoyee gubb, Daawiti boonoshi toommooch bi taatemmoyich kaacciye. Biichon ishichiꞌi miixehe: ‘Ta mullooch giyiti ashoon daneto taane; biyoo ta gaboo bullin ceechemmi, Iseyichi bushoo Daawitine’ iye.
Ittoshi qelloon ariibote; Kiristoosi toommooch beeti ittoshi mullee tooꞌiyoona manjiree neexebote; shattaayi kupphebote;
Ittoshi daggoochee ikkoo baroochi shaagoon shaagi gaachebe; ebiyoommona Kiristoosi dojjiti sheeroon ceechiibeeto ittoshine.
Illa and, Doono Yesuusinaa bi ooge giidoona kupphebote.
Illa ta bushoochoo, Kiristoos Yesuusina daneebeeti wojjoona kupphebe.
Yaafe Macaafoochaa “Neenoommi ne manoon neenna tachiree shune” ii beeti Taatoo Yeerichi sheeroon ittoshi ceechigaata, gaaweton shuuneebeeto ittoshine.
Ne geto bullin qajjimmo, ne getaa waayeyaano bulli qitibe. Ne baach kupphebe; maac kuxoonoo tunebe” iyeete.