1 Kiinoo 21:8 - Kafa Linguistics Project

⁸ Aroochee Daawiti Yeerich ishichiye: “Ebi mooyon tuniyoona oogeti axaaxoon shuuneto taane; ne guuno ta gondoon ne maaremmoyich neen qollehoye. Mullaalli ashi shuunoon shuuneto taane” iye.

1 Kiinoo 21:8 ပူးပေါင်းရင်းမြစ်များ

Halloo 34:7

Yaaqobi bushiisheenaꞌo ebi tuneti mooyon waayeꞌi gaddoochee bekkech waaheete. Shekeemi Yaaqobi busheen giidoona bi yeshona tun bedaani, yeelliibeeti mooyon Israꞌeelee yareenaꞌo toommooch bi tuniitoyich, oogeton ayiniyeete; oogetonoo ippee shineheete.

2 Saameeli 12:13

Daawitiyoo Naataanich, “Doono Yeerin xuqqeto taane” iye. Naataaniyoo Daawitich ishichiye: “Doono Yeeri neen maaritone; ne, qitaachemmo neene.

2 Saameeli 13:13

Tawochi aabichireeshiye ashi aafoon ta ciinnemmo? Wotta newoo Israꞌeeleenaꞌo daggooch cooneeshiye ne gettemmo. Taatoyich ne gettemmoyich neen qollehoye. Biich ne getaa, taan neech bayaachemmone” iyan.

2 Saameeli 24:10

Asheenaꞌo haddeyemmon bi tuniitoyee gubb, Daawit mullo biin ittibatehe. Biyoo Doono Yeerich ishichiye: “Ebi ta tuniiti mooyona oogeti axaaxoon shuuneto taane. Doono Yeero, ne guuno ta gondoon maaribe; mullaalli ashi shuunoon shuuneto taane” iye.

1 Kiinoo 21:7

Ebi mooyo Yeerin emirikkaano bi tunetoyich Yeeri Israꞌeeleenaꞌon naxehe.

2 Kiinoo 10:9

Biyoo boonoshich, “ ‘Ne nihoo no toommooch minjiti waanjoon nooch kettiibe’ ii beeti asheenaꞌoyich ta wochemmoyich taach ittoshi ciiccemmo, amooniye?” iye.

Shoddo 25:11

Doono Yeero, ta axaaxoo woddoo bi tunetoyich, ne shigoyicha getiree taan maaribe.

Shoddo 32:5

Ta axaaxoon neech arichiiho; ta gondoonoo aachaano taane; “Ta xuꞌoon Doono Yeerich aannemmo taane” iyoye; newoo ta axaaxoon maarihine.

Erimiyaasi 3:13

‘Ne Nuggishoo Doono Yeeri toommooch hukkoon tiijjoona ne gondeti gondoon, waajjechi michi baatoo bulliichaa dallaawe nuggisheenaꞌoyich goyinnoona shunee ne mamon, ta qaaroonoo waayee ne qayon, ebi ne gondoon baach ariibe’ iye Doono Yeeri.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.

1 Saameeli 13:13

Saameeliyoo Saaꞌoolich ishichiye: “Tun bedaani mooyoniye ne tuniito. Ne tuniyemmoyich ne Nuggishoo Doono Yeeri gettiti getoon tuniyaano neene. Ebin ne tuniito gaata, Doono Yeeri ne shiijjeroo Israꞌeeleenaꞌo toommooch bulli yemeenoon bi taatemmoyich tuniyeshone.

1 Saameeli 26:21

Saaꞌooliyoo “Gondeto taane. Ta bushoo Daawito, wottebe; hanaach ta kashe ne aafoochaa aaxxe tunaꞌa bekketine. Ebich ebiyee damba ne toommooch gonde mooyon tuniyaachemmo taane. Tuushe ashi shuunoon shuuneto taane. Oogichaꞌa muricceto taane” iye.