1 Kiinoo 21:16 - Kafa Linguistics Project

¹⁶ Daawiti kaama ciinniꞌi, Doono Yeerichi maraakoo Yerusaalemi toommooch goraadoon kaaccii yechiꞌi shimaayoonaa showoonochi daggooch neexeꞌi bi beetaa beeggiye. Aroochee Daawitinaa ogoogeenaꞌona dookoon taheꞌi showooch baroona guufeheete.

1 Kiinoo 21:16 ပူးပေါင်းရင်းမြစ်များ

Halloo 3:24

Ashoonoo kichii yookkiye; kashee mixo waan daammiibeeti gommon quyemmi kiruubeenaꞌonaa qaaqqee booddoon taheti, haabuubo guuddiibeeti goraadoonon, Eden beeti mixinaꞌoochaa aabi-keyo waan kotiihe.

1 Taateenaꞌo 21:27

Akaabi ebi qaaroon waayeꞌi, bi tahoon keexxiye; dookoon taheꞌi coomiye; dookoochoo qeyiye. Qumittimiꞌinoo hammii beehe.

2 Taateenaꞌo 19:1

Taatoo Hiziqiyaasi ebin waayeꞌi bi tahoon keexxiye; dookoonoo taheꞌi Doono Yeerichi yaafee kexooch hammiye.

2 Taateenaꞌo 6:17

Aroochee Elisayi ishichiꞌi corootiye: “Ta Doono Yeero, bi ciinnemmoyich bi aafoon gaxxibe” iꞌi qollehe. Ebina Doono Yeeri bi aafee bushoochi aafoon gaxxiye. Biyoo qaaqqee haresheenaꞌonaa gaarinaꞌona guudi toommooch ceenniꞌi, Elisayi guudoona beetinaꞌon beeggiye.

Hiziqeeli 30:25

Baabloonee taatoochi mochoon kupphiyemmo taane; Faroonichi mochoo dihemmone; ta goraadoon Baabloonee taatoo kishooch ta imiyooba, biyoo Gibitsee showee toommooch bi yaggiyooba, boonoshiyoo Doono Yeeri ta tunoon ariyemminaꞌone.

Hiziqeeli 9:8

Wuxii boonoshi beetaa ta ikkeeto echaꞌa, baroona showooch guufeechaa, “Yeeh, Nuggishoo Doono Yeero, Yerusaalemi toommooch ne neboon kindiyoona Israꞌeelee curoon aalliiya inne?” iyaꞌa cookiyo.

Haddoo 14:5

Aroochee Muusinaa Haroonina kiceeti Israꞌeelee iitoo bulli aafooch baroona showooch guufeheete.

Haddoo 16:22

Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.

Haddoo 22:23

Kureyoo Doono Yeerichi maraakoo goraadoon kaaccii bi kishooch yechiꞌi gommooch beeton beeggahan. Aroochee gommoyee bara wottaꞌa goyee daggooch giyahan. Balaamiyoo gommo waan wochoyich kureen yexxiye.

Haddoo 22:31

Doono Yeeriyoo Balaami aafoon qechaa, goraadoon kaaccii yechiꞌi gommooch neexeebeeti maraakoon beeggiye. Ebi maraakoyichoo yittii, baroona showooch guufehe.

Woraaferasheenaꞌo 13:20

Qaaqqee aaxxo deejjee gudoochee shimaayooch kechimmona, Doono Yeerichi maraakoo ebi qaaqqee aaxxoona kaama shimaajj kechiye. Manuuhinaa bi mecheena ebin ciinniꞌi baroona showooch guufeheete.