1 Kiinoo 21:15 - Kafa Linguistics Project

¹⁵ Aroochee wotta Doono Yeeri Yerusaalemin bi aalliyemmoyich maraakoon deejjiye. Maraakoo katemoon aalliiya bi geton Doono Yeeri beeggiꞌi, ebi tuneebeeti gonde mooyoyich ayiniye. Ebi aalliibeeti maraakoon, “Beddiye; ne kishoon wochibe” iye. Areegaata, are maraakoo neexeꞌi bi beeto Yebusee asho Orinaanichi maayi buchi xaaꞌoochiye.

1 Kiinoo 21:15 ပူးပေါင်းရင်းမြစ်များ

Halloo 6:6

ashoon showee toommooch bi hallitoyich ayiniye; bi mulloonoo tuummiye.

2 Saameeli 24:16

Doono Yeerichi maraakoo Yerusaalemin aalliiya bi kishoon bi yaggimmona Doono Yeeri ebi qaaꞌi mooyoyich ayiniꞌi, ebi aalliibeeti maraakoon, “Beddiye; ne kishoon wochibe” iye. Areegaata, are maraakoo beeto, Yebusee asho Orinaani maayi buchi xaaꞌee gaꞌoochiye.

2 Saameeli 24:18

Arooba Gaadi Daawit waan waaꞌi biich ishichiye: “Damba Yebusee asho Orinaanichi maayi buchi xaaꞌooch tiyi hamiree, deejjee gudoon Doono Yeerich shuunebe” iye.

1 Taateenaꞌo 19:4

Biyoo ikke heeyi gommon barahee daggoona hammiye. Aroochee ikke michi baatooch koteechii, “Doono Yeero, taach beddiye. Ta qaabbechinaꞌoyee beshaano taane. Ta kasheen daambe” iꞌi qollehe.

2 Kiinoo 3:1

Yerusaalem, Doono Yeeri bi nihoo Daawitina daneti Mooriyi guudooch, Yebusee asho Orinaanichi maayi buchi xaaꞌooch, Daawiti qanniiti xaaꞌooch Doono Yeerichi yaafee kexon Solomooni wonniye.

Shoddo 78:38

Ebi tunetaanoona bi boonoshich ariqqehe; boonoshi axaaxoon maariyani boonoshin aalliyaanoone. Bi kaaroon meeti aaboon shuuchehe; kupphe bi kaaro bullin kindiyaanoone.

Shoddo 90:13

Doono Yeero, noon ne kaare beeyemmo aati wottooniye? Ne guuno no waan wotteree, nooch ariqqebe.

Keyo 32:14

Doono Yeeriyoo bi gaboon shaddiꞌi, bi asheenaꞌo toommooch deeba bi gabiti mooyon deebaanoon qajjiye.

Keyo 9:28

Xeeyoonaa baderoona no toommooch woddetone; ebich Doono Yeerin qollebote. Ittoshi hammemmoyich gawukkemmo taane; ebiyee bekk hiniich ittoshin yagiyemmi mooyo aalloone” iye.

Erimiyaasi 26:18

“Moreshetee asho Mikiyaasi Yihudee taatoo Hiziqiyaasichi taatee yemeenooch, Yihudee asho bullich ishichiꞌi keemoon keemmitone: ‘Beshe Mawe Doono Yeeri ishichiye: Tsiyooni, budochoommon gocheyemmine; Yerusaalemi, buricee gutoon tunemmine; Yeerichi yaafee kexo shuuneeti geppoochoo eho collemmone’ itone.

Erimiyaasi 26:9

‘Shiloohi katemee toommooch tunetoommo hini Yeerichi yaafee kexooch tunemmone; hini katemoo shokkoonaa onoonon tunemmone’ iyaꞌa Doono Yeerichi shigoona amoyich keemoon keemmenne?” iyeete. Asho bulliyoo Doono Yeerichi yaafee kexoochaa kiceeꞌi Erimiyaasi toommooch tiyiye.

Erimiyaasi 7:12

“ ‘Ta shigo arooch beeyemmoyich batti batt ta kaacceti, Shiloohi katemooch beeti xaaꞌooch hambote; ta asheenaꞌo tuneti Israꞌeeleenaꞌo gondoochee tiyitona ta tuniiton beegote!

Amootsi 7:3

Ebich Doono Yeeri bi gaboon shaddiꞌi, “Ishigaata, illa ebi ne beeggeti mooyo tuneyaachemmone” iye.

Amootsi 7:6

Ebich Doono Yeeri bi gaboon shaddiꞌi, “Ishigaata, ebiyoo wotta tuneyaachemmone” iye.

Yoonaasi 3:10

Yeeriyoo ebi boonoshi tuniiti mooyon beeggiye; boonoshi gonde qocoochee boonoshi wottoon beeggiye; biyoo boonoshich ariqqehe. Ebich boonoshin wuxi aalliiya bi gabiti gaboon qajjiye.

Yoonaasi 4:2

Doono Yeer waan ishichiꞌi corootiye: “Doono Yeero, ta showooch beechaa, ta getteto ebin toone? Kaataꞌa Tarishesh maxxiya ta tiyeto, ebichiye. Ne, ariqqechonaa deꞌe Nuggishoona, kaaroyich nibbecho, wodde shoodechonaa maarechona, naxoon kindiyoochee qajjaa wottaabeetoo ne tunoon ariito taane.

Maariqoosi 14:41

Daakkii keejjinnoon wottee waaꞌi, “Andoo batt tokketee kasheꞌiniye ittoshi beeto? Beddiye! Saato bedditone. And Ashi Bushoon axaaxechinaꞌo kishooch beshiiree immemminaꞌone.

1 Qorontoosi 10:10

Boonoshichoommon guruuxaayone; boonoshi daggoochee ikkikkeenaꞌo guruuxaa, aalliyecho kindiꞌi boonoshin aalliitone.

Woraaferasheenaꞌo 10:16

Aroochee dallaawe nuggisheenaꞌon boonoshi daggoochee wokkiichii, Doono Yeerich goyinnee maddeheete. Doono Yeeriyoo Israꞌeeleenaꞌochi duꞌoyich oogeton ayiniye.

Woraaferasheenaꞌo 2:18

Doono Yeeri woraaferashoon tiijjiꞌi, are woraaferashoo kashoona beemmi yemeeno bullin biinna tookkii tunee bi asheenaꞌon boonoshi etteenaꞌo kishoochee wodii beehe. Boonoshi etteenaꞌo boonoshin xuqqii duꞌiitaa boonoshi maaceremmona, Doono Yeeri boonoshich ariqqee beehe.

1 Saameeli 15:11

“Saaꞌoolin ta taatiitoyich ayinito taane. Biyoo taan dabboon qajjitone; ta getoonoo ceechemmon qajjitone” iye. Saameeliyoo ippehe; xumo bullinoo Doono Yeer waan cookiye.