1 Kiinoo 21:13 - Kafa Linguistics Project

¹³ Aroochee Daawiti Gaadich ishichiye: “And oogeton xuuxeto taane. Bi wodde maarecho bi tunetoyich, Doono Yeerichi kishooch dihoo taach gaawiye. Tunebaani ashi kishooch dihoon qaawaache” iye.

1 Kiinoo 21:13 ပူးပေါင်းရင်းမြစ်များ

2 Taateenaꞌo 6:15

Yeer ashoochi aafee bushoo harooch tiyiꞌi maach bi kechaahaa, ebiyoche, ginee naayinaꞌo haresheenaꞌonaa gaarinaꞌona tookkii katemee guudoona giichiꞌi beeteete. Aroochee Elisayi waan wotteꞌi, “Aalleto nowoche! Ta doonocho, aabichishiye no gettemmo?” iye.

2 Taateenaꞌo 7:4

‘Katemooch gibone’ no getaachemmoyich, katemooch shaacoo giyitone; aroochaa qitemmo noone. Hiniich no kotetaanoo wotta, qitecho noone. Ebich tibote; Sooriyeenaꞌo kaambooch hambone. Kashoona noon boonoshi gedeenoo, beeyemmo noone; boonoshi wuxeenoo, qitemmo noone” iyeete.

2 Kiinoo 28:9

Are Shamaara Odeedi getteebeeti Doono Yeerichi keemecho beehe. Shamaara waabeeti ginee naayinaꞌona daneya hammiꞌi, boonoshich ishichiye: “Ittoshi qaabbechinaꞌochi Nuggishoo Doono Yeeri Yihudee asheenaꞌon bi kaaretoyich, ittoshi kishooch boonoshin beshiiꞌi immiye. Ittoshiyoo ariqqaalloon boonoshin wuxiyote.

Asteeri 4:11

“Taatoochi naayinaꞌo bullinaa bi woraafeenaꞌooch beeti asheenaꞌo bullina ariibeeti mooyo beetone. Anaamo tuneba maachee koniyoona ceekkeyaanoon, taatoo beeti maaci kexooch giyimmoo bullich ikke sheeroo baachiye beeto; ebiyoo ‘Ebin tuniiti asho bulli qitibe’ ii beetone. Ikke asho ebi qitoochee wodoon bi hakkemmo, taatoo bi kisheexi aachee gumboon bi yaggigaata baachiye. Tawoo shaashe qemi daggooch taatoo waan ceekkeyaane taane” iyan.

Asteeri 4:16

“Hamiree Suusa beeti Ayihudeenaꞌo bullin ikkittinoona kicibe; taachoo coomibote; keejje areddoonaa keejje xumoonon amoonolla maayaahote; uchaahote; taannaa ta naayinaꞌo tuneti maache bushiisheenaꞌona ebiyoommon coomemmo noone. Aroyee gubb, sheeroona bacheto bi tunetaanoona, taatoo waan giyemmi taane; ta qitenoo qitibona” iyan.

Shoddo 103:8

Doono Yeeri maarechonaa ariqqechonane; kaaroyich nibbechonaa wodde shoodechonane.

Shoddo 106:7

No qaabbechinaꞌo Gibitsee showooch beebee, worganikkiti ne shuunoon shalligaaneenaꞌone; wodde ne shoodoon gabaaneenaꞌone; Ceelle baharoochaa ne toommooch tiyiyeete.

Shoddo 119:156

Doono Yeero, ne ariqqo woddoone; ne dayinnetoommona kashoona taan neechibe.

Shoddo 130:4

Tunebaani ne waan maaroo beetone; ebich oogoon neech immehone.

Shoddo 130:7

Bi shoodo bulli aabeecho tunetoyich, beshiti wodiyoo bi waan beetoyich, Israꞌeelo, Doono Yeerin gibenebe.

Shoddo 5:7

Tunebaani ta, wodde ne shoodoona ne kexooch giyemmo taane; yaafoo tuneti ne yaafee kexo waan, neen shatibee goyinnemmo taane.

Shoddo 69:13

Doono Yeero, tunebaani ta, ne shunneti aabooba ne waan corootiyoye. Yeero, ne shoodee woddoona, xiisheeti ne wodiyoona, ta qolloon waayebe.

Shoddo 69:16

Doono Yeero, ne gaawe shoodoona ta qolloon waayebe; wodde ne ariqqoommona ta waan wottebe.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Shaahiyoo 12:10

Cadiqo bi gijjee kashoyich ariqqehe; tunebaani gonde ashi ariqqo, mullee manjoone.

Isiyaasi 46:7

Tiijjiꞌi boonoshi gogooch shaggiyeete. Ikke xaaꞌooch boonoshi neechigaata, arooch neexehe; bi beeti xaaꞌoochee shuuroon hakkaache. Ikke asho bi waan bi corootigaata, waayee wochaache; bi iritoochee wodiyoon hakkaache.

Isiyaasi 47:6

Ta asheenaꞌon kaarehoye; boonoshin ne kishooch beshiyaa imona, ta hajjee asheenaꞌo giishemmoyich tuniihoye; newoo boonoshich ariqqeyaane neene; geeneenaꞌo toommooch waanjoon maggiihine.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Isiyaasi 63:15

Doono Yeero, yaafoonaa oogee yiirechona tuneti ne beeyi xaaꞌoo, shimaayoochaa dugilla ciine; ne qanaatoonaa ne giidoona aaye? Noon ne sharaatoonaa ne ariqqoona noyee wokkitone.

Isiyaasi 63:7

Doono Yeerichi shoodoon, Doono Yeerichi galletoon, Doono Yeeri nooch tuniito bullin, bi ariqqoon, oogeti bi shoodoonoo, Israꞌeeleenaꞌoyich bi deeti deꞌoon, gettemmo taane.

Shoosho 3:32

bi ayinikkiteenona beshaa beshe bi shoodoona ariqqemmone.

Yoonaasi 3:9

Diqqich Yeeri nooch ariqqeree bi kaaree shiixxoochee wottemmo tunemmone; nowoo qitaanoon wodemmo noone” ii beetone.

Yoonaasi 4:2

Doono Yeer waan ishichiꞌi corootiye: “Doono Yeero, ta showooch beechaa, ta getteto ebin toone? Kaataꞌa Tarishesh maxxiya ta tiyeto, ebichiye. Ne, ariqqechonaa deꞌe Nuggishoona, kaaroyich nibbecho, wodde shoodechonaa maarechona, naxoon kindiyoochee qajjaa wottaabeetoo ne tunoon ariito taane.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Imbaaqoomi 3:2

Doono Yeero, worganikkiti ne shuunoon waayaꞌa, oogichii shatteto taane; ebi shuunoon no yemeenooch wochinnoon shuunebe; no yemeenooch bi arichemmoyich tuniibe; ne kaarooba noon maaroon batteyaahine.

Yowannisi 12:27

“And ta kashe xuuxetine; ama getote? ‘Ta Nihoocho, hanaach ta toommooch woyemmi xuuxoochee taan wodiibe’ getote? Tunetaa hini hanaachi xuuxoon beegoyichiye ta waato.

Filipphisiyoosi 1:23

Ebi gutte mooyona shaammehoye; hamma Kiristoosina tookkiree beeya sharaatehoye; ebiyoo bulliyee beshaa beshe gaawetone.

Hibireena'o 10:31

Beeyechi Yeerichi kishooch dihoo am shaahe shattiiti mooyone!