1 Kiinoo 20:5 - Kafa Linguistics Project

⁵ Wotta wochinnoon Filsixeemeenaꞌona tookkii koyo koyeehe. Yaꞌiiri bushoo Elihanaani qoreddee shippechochi waanjoommi (shobboommi) ginee yaabechi, Gaatee asho Gooliyaadichi manoo Lahimin wuxiye.

1 Kiinoo 20:5 ပူးပေါင်းရင်းမြစ်များ

2 Saameeli 21:19

Wotta wochinnoon Goobaa Filsixeemeenaꞌona tookkii koyo koyeehe. Beetilehemechi Yaꞌiir bushoo Elihanaani qoreddee shippechochi waanjoommi (shobboommi) ginee yaabechi, Gaati katemee asho Gooliyaadin wuxiye.

1 Kiinoo 11:23

Wotta andoo bi neexo uuche hiroo tuneti, ikke hakka ooge Gibitsee ashoon wuxiye. Ebi Gibitsee asho qoreddee shippechochi waanjoommi (shobboommi) yaabechi ginoon yechito bi tunetaanoona, Beenayi gumboon yechiꞌi bi waan hammiye. Biyoo ginoon Gibitsee ashoo kishoochee shottee deqqiꞌi uroon bi hajjee ginoona wuxiye.

1 Kiinoo 20:6

Wotta wochinnoon Gaataa koyo koyeehe. Bi kishoonaa bi baatoonooch shiritti shiritte yapherechi, bulli hiyaa awudde yapherechi, hakka ooge ikke uro beehe. Biyoo Rafayimee yaroone.

1 Saameeli 17:4

Gaatee waati, bi neexo shiritte hiraa ciixon tuneti, Gooliyaadi getteebeeti, aricheti ginee anaamo Filsixeemeenaꞌo kaamboochee kechiye.

1 Saameeli 17:7

Bi ginee yaaboo qoreddee shippechochi waanjoommi (shobboommi) uuroone. Bi ginee aafo shuuneeti xuuroo shabaatte kiilo giraam bedoone. Gaachoon shaaggiibeeti bi naayoo biyee aaf hammii beehe.

1 Saameeli 21:9

Qeeshoo wochiꞌi, “Elaahi bamboochaa ne wuxiti Filsixeemo Gooliyaadi goraado beetone. Aroo qoreddoona kaappeꞌi efoodee gubb beetone. Ne qaawigaata aroon daambe; aroyee damba baroo hiniich aalloone” iye. Daawitiyoo, “Aroon taach imbe; aroommi gaaweto aalloone” iye.

1 Saameeli 22:10

Ahimeleeki Daawiti amoon bi tuniyemmo gaata Doono Yeeri bekkiyemmoyich qollehe. Wotta shohoonaa Filsixeemo Gooliyaadichi goraadoonon biich immitone” iye.