1 Kiinoo 19:6 - Kafa Linguistics Project

⁶ Hanuuninaa Amooneenaꞌona Daawitina tiyaareetinaꞌo boonoshi tunoon ariiꞌi, Mesopotaamee, Araam Maꞌakinaa Tsobaahinoochee gaarinaꞌonaa hareshechinaꞌonon kirayoyich shaashaa awudde hume kiilo giraamee birewoon daachiiheete.

1 Kiinoo 19:6 ပူးပေါင်းရင်းမြစ်များ

Halloo 34:30

Yaaqobiyoo Simooninaa Lewinoyich ishichiye: “Hini showooch beeti Kanaaneenaꞌonaa Ferizeenaꞌona waanaa ta shigo gondemmoyich tuniiꞌi, ta toommooch xuuxoon deebiyote. No, haddoona giishecho noone. Ikkottee ta toommooch boonoshi tiyigaata, taannaa ta kechi asheenaꞌona aallesh toone no gettemmo?” iye.

2 Saameeli 10:6

Amoonee asheenaꞌo Daawiti boonoshin bi tiyaaroon ariiheete; ebich Beet Rehoobinaa Tsobaahinoochee hiye hume Sooriyee ginee naayinaꞌon, Maꞌaki taatoon ikke hume bi asheenaꞌona tookkii, wotta Xoobee aaraa gutte hume asheenaꞌon kiraayiyeete.

2 Saameeli 8:3

Daawiti Efiraaxisi aachi gaꞌooch beeti showoon wochi yecha hammii beehe. Hammiibee gommoochaa, Sooriyeenaꞌo beeti, Tsobaahee taatoo tuneti, Rehoobi bushoo Hadadezeerin kochii wochiye.

1 Kiinoo 18:5

Damaasiqa beeti Sooriyeenaꞌo Tsobaahee taatoo Hadadezeerin gaacheya waataa, Daawiti boonoshi daggoochee hiyaa gutte hume asheenaꞌon wuxiye.

1 Kiinoo 18:9

Hamaatee taatoo Tooꞌi, Daawiti Tsobaahee taatoo Hadadezeerichi ginee naayinaꞌo bullin kochii bi wochoon waayehe.

1 Kiinoo 19:5

Boonoshiyoo oogichiꞌi yeelleheete. Daawiti ebin waayeꞌi, wocheyechinaꞌon boonoshi waan daachiihe. Biyoo, “Ittoshi ishaanoo diccimmi wottoon, Yaarika yagibote; aroyee gubb wottemmo ittoshine” iye.

2 Kiinoo 18:3

Israꞌeelee taatoo Akaabi Yihudee taatoo Yoshafaaxin, “Gilaadee showooch beeti Ramootin no kochemmoyich, taanna tookki hammenne?” iꞌi echehe. Yoshafaaxiyoo Israꞌeelee taatoyich, “Tawoo neenoommo taane; ta ashoo ne ashoommone; koyooch neenna tookki hammemmo noone” iye.

2 Kiinoo 18:5

Aroochee Israꞌeelee taatoo keemechi awudde balle asheenaꞌon ikkooch kiciꞌi, “Gilaadee showooch beeti Ramootin koyoyich hambotee, qayote?” iꞌi boonoshin echehe. Boonoshiyoo “Hambe; Yeeri ne kishooch beshiiree immemmone” iyeete.

2 Kiinoo 18:9

Israꞌeelee taatoonaa Yihudee taatoo Yoshafaaxina taatee tahoon taheꞌi, Shamaari uxeree kellee gaꞌooch beeti maayi buchi xaaꞌooch boonoshi taatee qeeni qeenooch kotee beeheete. Keemechinaꞌo bulliyoo boonoshi aafoochaa keemoon keemmii beeheete.

2 Kiinoo 25:6

Biyoo daakkiꞌi, keejje humaa awudde balle kiilo giraamee birewoona ginee anaaminaꞌo tuneti, ikke balle hume Israꞌeelee ginee naayinaꞌon kiraayiye.

2 Kiinoo 27:5

Biyoo Amoonee taatoonaa bi ginee naayinaꞌona koyeꞌi boonoshin kochii wochiye. Aroobee natooch, Amoonee asheenaꞌo keejje humaa awudde balle kiilo giraamee xure birewoon, aashire hume xaanee teepphoonaa aashire hume xaanee sheqoonon biich immiyeete. Amoonee asheenaꞌo ebiyoommon guttinnee natonaa keejjinnee natonooch tuniiheete.

Shoddo 14:3

Bulliyona muriccitinaꞌone; ikkittinoona duubetinaꞌone; gaawe mooyon tuniibeeto ikkolla aalloone.

Shoddo 46:9

Koyoon showee toommo bulliichee wokkiihe; maꞌoon tiichiye; ginoonoo tiichii aalliihe; gaachoonoo qaaqqoona michiye.

Keyo 5:21

ishichiyeete: “Doono Yeeri ittoshich gaace! Ittoshi toommoochoo nallibe! Farooninaa bi iraasheenaꞌona noon ciigemmoyich tuniiꞌi, noon boonoshi wuxemmoyich goraadoon boonoshich immito ittoshine” iyeete.

Luqaasi 10:16

Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

1 Saameeli 13:4

Ebina Israꞌeeleenaꞌo bulli “Saaꞌooli Filsixeemeenaꞌon kochii wochite. Wotta Israꞌeeleenaꞌo Filsixeemeenaꞌo aafoochaa tiyaareetinaꞌo tuneteete” getaa bi getteyoon waayeheete. Ebich asheenaꞌo Saaꞌoolin dabbiya Galigala kiceeheete.

1 Saameeli 14:47

Saaꞌooli Israꞌeeleenaꞌo toommooch bi taatittinoon bi manjiitoyee gubb, bi guudoona beeti bi etteenaꞌo bullina koyehe. Eboshiyoo Moꞌabeenaꞌo, Amooneenaꞌo, Edoomeenaꞌo, Tsobaahee taateenaꞌonaa Filsixeemeenaꞌone. Bi hammito, aabiichona beetinaꞌo bullin kochii wochiye.

1 Saameeli 27:12

Akiishiyoo Daawitin gibenehe. Ebiyoo “Bi asheenaꞌo tuneti Israꞌeeleenaꞌona tiyaareeto bi tunetoyich, bulli aaboon taach maddemmone” iꞌi bi gabitoyichiye.