1 Kiinoo 18:13 - Kafa Linguistics Project

¹³ Biyoo Edoomee showooch ginee kaamboon kotiihe. Edoomeenaꞌo bulliyoo taatoo Daawitich hajjeeheete. Doono Yeeriyoo Daawiti bi hammito aabiichaanona wudoon bi danemmoyich tuniihe.

1 Kiinoo 18:13 ပူးပေါင်းရင်းမြစ်များ

Halloo 25:23

Doono Yeeriyoo biich ishichiye: “Ne maacoochee shiijjemmi, gutte aageteenaꞌo tunemmi bushiisheenaꞌo gubb boonoshinaa boonoshina shixemmi aageteenaꞌon tunemminaꞌone; ikkoo baroyee beshe giidecho tunemmone; qaabboo guuchoyich hajjeyemmone” iye.

Halloo 27:29

Aageteenaꞌo neech hajjeebeete; aagetee asheenaꞌo neech goyinnebeete. Ne maneenaꞌo toommooch doonon tunebe. Ne indee shiyetinaꞌo neech yiti goyinnebeete. Neen uppimmo koniyoona uppeto tunebe; neen diirimmo koniyoona diireeto tunebe” iye.

Halloo 27:37

Yisaaqiyoo wochii Esayich ishichiye: “Ebiyoche, ne toommooch biin doonjiito taane; bi maneenaꞌo bulli biich hajjeyemmoyich, maayoonaa woyinee uyoona biich abbetemmoyich diirito taane. Ta bushoocho, illa neech amoon hallibote?” iye.

Halloo 27:40

Ginoona beeyemmo neene; ne manoyichoo hajjeyemmo neene. Tunebaani bi toommooch ne tiyihooba, bi waanjoon ne qettoochee duppemmo neene” iye.

2 Saameeli 23:14

Ebiyooba Daawiti mishigooch bi beetaa, Filsixeemee ginee naayinaꞌo Beetilehemin yechitinaꞌone.

1 Taateenaꞌo 11:15

Ebiyee aaf Daawiti Edoomeenaꞌona bi koyehooba, qititinaꞌon duukka waati, bi ginee iraashoo Yoꞌaabi Edoomee showooch beeti anaamo bullin wuxitone.

1 Kiinoo 18:12

Tseruuyi bushoo Abishayi aaraa shimitte hume Edoomee asheenaꞌon Kiikki bamboochaa wuxiye.

1 Kiinoo 18:14

Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.

1 Kiinoo 18:6

Aroochee Sooriyee showooch beeti Damaasiqa bi ginee kaamboon kotiihe. Ebina Sooriyeenaꞌo Daawitich hajjeeꞌi biich gibiroon qocciyeete. Doono Yeeriyoo Daawiti, bi hammito aabiichaanona wudoon bi danemmoyich tuniihe.

Shoddo 121:7

Doono Yeeri gondo bulliichee neen quyemmone; ne kashoon quyemmone.

Shoddo 144:10

Ne, taateenaꞌoyich wudoon immehine; ne guuno Daawitin gonde goraadoochee wodiihine.

Haddoo 24:18

Edoomin koyi wochemmone; bi etto Seyirinoo koyi yechemmone; Israꞌeeli kupphe kupphe hammemmone.

2 Qorontoosi 11:32

Damaasiqa ta beehooba, taatoo Aretaasiyee desh tuneꞌi qeejjiibeeti Damaasiqi katemeexi iraashoo taan yecha qaawiꞌi katemee kelloon quyii beehe;

1 Saameeli 10:5

“Aroyee gubb, Filsixeemee ginee kaambo beeti, Yeerichi geppooch, Gibaaha shaggemmo neene. Aroochee katemooch shagiichi, ooge ximboon, giishi ximboon, kamboonaa shumburoonon yechiꞌi, keemmiibee guudi toommeexi goyinnee xaaꞌoochee kindiibeeti, ikke guuphi keemechinaꞌona danemmo neene.

1 Saameeli 13:3

Yonaataani Geeba beeti Filsixeemeenaꞌon kochii wochiye. Filsixeemeenaꞌo ebin waayeheete. Saaꞌooliyoo “Hibireenaꞌo ebin waayebeete” iꞌi showoo bulliich tiroon (waaringoon) hukkiihe.

1 Saameeli 14:1

Ikke areddoon Saaꞌooli bushoo Yonaataani bi ginee qiicoon shaaggiibeeti gurimaashe bi naayon, “Ne waataa okk ebi Filsixeemeenaꞌo kaambooch hambone” iye. Tunebaani ebin bi nihoo Saaꞌoolich getaanoone.

1 Saameeli 18:14

Doono Yeeri Daawitina tookkii tunehe. Ebich biinnaa bi ginee naayinaꞌona boonoshi koyeti xaaꞌoo bulliichaa kochii wochii beeheete.