1 Kiinoo 18:12 - Kafa Linguistics Project

¹² Tseruuyi bushoo Abishayi aaraa shimitte hume Edoomee asheenaꞌon Kiikki bamboochaa wuxiye.

1 Kiinoo 18:12 ပူးပေါင်းရင်းမြစ်များ

2 Saameeli 10:10

Echeti bi ginee naayinaꞌo toommooch bi manoo Abishayin ukkiriiꞌi, Amooneenaꞌo ciinooch neechiye.

2 Saameeli 10:14

Amooneenaꞌo Sooriyeenaꞌo wocee aalloon beeggiꞌi, boonoshiyoo Abishayi aafoochee woceꞌi katemooch wottee giyiyeete. Aroochee Yoꞌaabi Amooneenaꞌona koyoochee wotteꞌi Yerusaalem hammiye.

2 Saameeli 20:6

Ebich taatoo Abishayich, “Bikiri bushoo Sheebi, Abisoloomi tuniitoyee beshe iritoon no toommooch deebemmone; ta asheenaꞌon yeshiree biin yoohi dabbibe. Ebi tuno qayigaata xaqqee uxerechi katemooch giyi aasheree, no waanee muriccemmone” iye.

2 Saameeli 21:17

Tseruuyi bushoo Abishayi Daawitin gaacheya waahe; are Filsixeemoonoo kochii wuxiye. Aroochee Daawitichi ginee naayinaꞌo biich ishichiyeete: “Ne Israꞌeelee showooch aaxxeebeeti ceechoommo neene; ne qitigaata, ne shiijjeroocheenoo koniyoona ne taatittinoon yesho qayigaata, nooch beemo manderemmone. Ebich illa ebiyee damba noonna tookki koyooch hamaachemmo neene” iꞌi wogeheete.

2 Saameeli 23:18

Tseruuyi bushoo, Yoꞌaabi manoo Abishayi shaasheenaꞌochi toommooch ukkiroone. Aroo bi ginoon tiijjiꞌi keejje balle asheenaꞌon wuxiye. Ebina keeminaꞌoyee barii aricheti ashoon tunehe.

2 Saameeli 3:30

Yoꞌaabinaa Abishayinochi manoo Asaheelin Gibeꞌoonaa koyeeti koyoochaa bi wuxitoyich, boonoshiyoo Abeneerin wuxiyeete.

2 Saameeli 7:13

Taach kexon haggemmo, biine. Bi taatittinee qeenonoo bulli yemeenoon manjiyemmo taane.

1 Taateenaꞌo 11:15

Ebiyee aaf Daawiti Edoomeenaꞌona bi koyehooba, qititinaꞌon duukka waati, bi ginee iraashoo Yoꞌaabi Edoomee showooch beeti anaamo bullin wuxitone.

2 Taateenaꞌo 14:7

Biyoo Kiikki bamboo gettee beetoochaa aashire hume Edoomee asheenaꞌon wuxiye. Selaahi katemoon kochii yechiꞌi, bi shigoon Yoqiteeli iꞌi shigiihe. Hanaach beddaahaa ebi shigoona ceekkee beetone.

1 Kiinoo 11:20

Yoꞌaabichi manoo Abishayi shaasheenaꞌochi toommooch ukkiroone. Aroo bi ginoon tiijjiꞌi keejje balle asheenaꞌon wuxiye. Ebina keeminaꞌoyee barii aricheti ashoon tunehe.

1 Kiinoo 18:11

Taatoo Daawiti Edoomeenaꞌochi, Moꞌabeenaꞌochi, Amooneenaꞌochi, Filsixeemeenaꞌonaa Amaleeqeenaꞌonochi taatoo bulli waanee bi kecciti aachoonaa birewoona tookkii ebi qiiceenaꞌon wotta Doono Yeerich kichiye.

1 Kiinoo 18:13

Biyoo Edoomee showooch ginee kaamboon kotiihe. Edoomeenaꞌo bulliyoo taatoo Daawitich hajjeeheete. Doono Yeeriyoo Daawiti bi hammito aabiichaanona wudoon bi danemmoyich tuniihe.

1 Kiinoo 19:11

Echeti bi ginee naayinaꞌo toommooch bi manoo Abishayin ukkiriiꞌi, Amooneenaꞌochi ciinooch neechiye.

1 Kiinoo 2:16

wotta boonoshi maache maneenaꞌo Tseruuyinaa Abigelinon shiyihe. Tseruuyichi keejje anaami bushiisheenaꞌo Abishayi, Yoꞌaabinaa Asaheelinane.

2 Kiinoo 25:11

Amasiyaasiyoo kuppheꞌi, bi ginee naayinaꞌon yechiꞌi, Kiikki bambooch hammiye. Aroochaanoo aashire hume Edoomee ginee naayinaꞌon wuxiyeete.

Shoddo 60:1

Yeero, noon duppetine; noon tiichetine; noon kaareto neene; noon wochiree wodiibe.

Shoddo 60:2

Showoon shuurikkaꞌa gaakketine; showoo tiishetoyich ebi bi gaahoon wochi yeshiibe.

1 Saameeli 26:6

Daawitiyoo Hitee asho Ahimeleekinaa Tseruuyichi bushoo, Yoꞌaabichi manoo Abishayinon “Ittoshi daggoochee Saaꞌoolichi kaambooch taanna tookki hammemmo, konine?” iꞌi echehe. Abishayiyoo “Ta neenna tookki hammemmo taane” iye.

1 Saameeli 26:8

Abishayi Daawitich ishichiye: “Hanaach Yeeri ne ettoon ne kishooch beshiiꞌi immitone. And illa ikke wottoon showoona xaaqqi ginoona koyone. Koshiyoo taach qaawiyaache” iye.