1 Kiinoo 18:11 - Kafa Linguistics Project

¹¹ Taatoo Daawiti Edoomeenaꞌochi, Moꞌabeenaꞌochi, Amooneenaꞌochi, Filsixeemeenaꞌonaa Amaleeqeenaꞌonochi taatoo bulli waanee bi kecciti aachoonaa birewoona tookkii ebi qiiceenaꞌon wotta Doono Yeerich kichiye.

1 Kiinoo 18:11 ပူးပေါင်းရင်းမြစ်များ

1 Taateenaꞌo 7:51

Ebiyoommi gommona Solomooni Doono Yeerichi yaafee kexooch bi shuuneti shuunoo bulli ciirehe. Biyoo bi nihoo Daawiti Doono Yeerich kichiti birewoon, aachoonaa qiico bullinon deebiꞌi yaafee kechi ginjabeetooch kotiihe.

2 Taateenaꞌo 12:18

Yihudee taatoo Yoꞌaashi biyee aafi taateenaꞌo, ebi geto, Yoshafaaxi, Yehoraaminaa Akaziyaasina Doono Yeerich kichii boonoshi kotiiti, yaafeeti wojjoonaa bi wojjiti wojjoonon, yaafee kechi ginjabeetoonaa taatee kechi ginjabeetoonooch beeti aachoo bullinoo kicii, wojjoo tuniiꞌi, taatoo Hazaheelich daachiihe. Hazaheeliyoo ebin deqqiꞌi, bi ginee naayinaꞌon Yerusaalemee wochiye.

1 Kiinoo 18:10

Hadadezeeri Tooꞌina tookkii meeti aaboon koyeebee echetone. Biyoo taatoo Daawitin bi diggiyemmonaa Hadadezeerin kochii bi wochitoyich biin bi galletemmonoyich bi bushoo Hadoraamin daachiihe. Hadoraamiyoo aachoochee, birewoonaa gooshoonoochee shuuneeti qiiceenaꞌon Daawitich deebiye.

1 Kiinoo 18:12

Tseruuyi bushoo Abishayi aaraa shimitte hume Edoomee asheenaꞌon Kiikki bamboochaa wuxiye.

1 Kiinoo 22:14

“Doono Yeerichi yaafee kexoyich bi tunemmoyich, keejje miiliyoonaa awudde balle hume kiilo giraamee aachoon, shaashaa awudde miiliyoonee kiilo giraamee birewoon, bi meetoochee tiyitona machoona qocaa hakkeyaani gooshoonaa xuuroonon qanniito taane; ebichi toommooch wotta xareeti mixonaa xaqqoonon qanniito taane. Newoo arooch daakkibe.

1 Kiinoo 26:20

Leweenaꞌo daggoochee Akiyi, Nuggishoo Yeerichi yaafee kechi ginjabeetoonaa yaafeeti qiiceenaꞌo koteebeeti kexinaꞌonooch ukkiroone.

1 Kiinoo 29:14

“Bulliyona daneto ne waaneeniye. Neech no immetoo ne kishoochee no deqqeton baachiye. Ebi bullin no giddiyemmoyich ta koni taane? Ta asheenaꞌochi konoshine?

2 Kiinoo 5:1

Ebiyoommi gommona Solomooni Doono Yeerichi yaafee kexooch bi shuuneti shuunoo bulli ciirehe. Biyoo bi nihoo Daawiti Yeerich kichiti birewoon, aachoonaa qiico bullinon deebiꞌi yaafee kechi ginjabeetooch kotiihe.

Keyo 35:5

Ittoshich beeto bulliichee Doono Yeerich wojjoon imbote. Bi mullo tiyaa imoyich daaggito koniyoona, aachoon woyee birewoon woyee gooshoon wojjoo tuniiree Doono Yeerich deebe.

Mikiyaasi 4:13

Doono Yeeri ishichiye: “Yerusaalemi asheenaꞌote, tiyiree ittoshi etteenaꞌon maayo bushoommon bushote! Bi qaro xuuroo, bi shanekkoo gooshoo tuneti gattoochoommon ittoshin kupphiyemmo taane; meeti aageteenaꞌon yiikkemmo ittoshine; ashoon xuꞌona boonoshi kiciti boonoshi gaannoon showoo bullichi Doono tuneti Doono Yeeri taach giddiyemmo ittoshine” iye.

Yaasi 6:19

Aachoo, birewoo, gooshoonaa xuuroonoochee shuuneeti qiico bulli Doono Yeerich yaafeeto bi tunetoyich, Doono Yeerichi kechi ginjabeetooch gedote” iye.

Yaasi 6:24

Aroochee Israꞌeelee ginechinaꞌo katemoo bullinaa bi daggooch beeto bullinon michiyeete; tunebaani birewoonaa aachoonon, gooshoonaa xuuroonoochee shuuneeti qiicoon daammii Doono Yeerichi kechi ginjabeetooch geddiyeete.

1 Saameeli 30:13

Daawitiyoo biin “Ne doono, konine? Ne showoo, aabiichiye?” iꞌi echehe. Biyoo “Ta Gibitsee asho taane. Wotta ikke Amaleeqoochi guuno taane. Ta biiyetoyich keejje qemoyee aaf ta doono hiniich taan duppiichii hammiye.

1 Saameeli 30:20

Ebiyoommon wotta Daawiti bageenaꞌon, emmisheenaꞌonaa miiminaꞌonon dihiiꞌi wochiye. Bi asheenaꞌo eboshin boonoshiyee aaf gasheebee, “Ebi Daawitichone” iyeete.