1 Kiinoo 17:9 - Kafa Linguistics Project

^9-10 Ta asheenaꞌo tuneti Israꞌeeleenaꞌoyich xaaꞌoon immemmo taane; boonoshinoo arooch manjiyemmo taane. Keqqaalloon boonoshi hajjee xaaꞌooch kotemminaꞌone. Ebiyee aafichoommon, ta asheenaꞌo tuneti Israꞌeeleenaꞌo toommooch woraaferasheenaꞌon ta ukkiriiti yemeenoochoommon, gonde asheenaꞌo boonoshin neexi hajjaachemminaꞌone. Ne etto bullin neech hajjiyemmo taane. “ ‘Andoo daakkaꞌa Doono Yeeri ta, taatoo tunemmi shiijjeroon neech immemmo taane.

1 Kiinoo 17:9 ပူးပေါင်းရင်းမြစ်များ

1 Kiinoo 17:8

Ne hammeti gommo bulliich neenna tookkaa tunehoye. Ne etteenaꞌo bullin ne aafoochee aalliihoye. Andoo ne shigoon, showee toommooch beeti ogooge iraasheenaꞌochoommon aricheton tuniyemmo taane.

Shoddo 44:2

Aageteenaꞌon ne mochoona yookkaa kichihine; tunebaani no qaabbechinaꞌon bechihine; macceenaꞌon yiikkehine; tunebaani no qaabbechinaꞌochi mooyon kaachihine.

Shoddo 89:22

Bi etto bi toommooch sharaachemmone; gonde asho biin giishiyaachemmone.

Shoddo 92:13

Doono Yeerichi kexooch becheetinaꞌone; no Nuggishoochi addibaabooch waarwaariyemminaꞌone.

Keyo 2:23

Meeti natoyee gubb, Gibitsee taatoo qitiye. Israꞌeeleenaꞌo guuchitinoochee tiyitona boonoshi toommooch shaggiibeeti xuuxoona gaashillii beeheete. Guuchittinoochee boonoshin bi gaachemmoyich boonoshi cookiti cookoo Yeerich waayeehe.

Isiyaasi 49:17

Ne bushiisheenaꞌo kaateree wottemminaꞌone; neen happitinaꞌo ne waanee woce aallemminaꞌone.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Erimiyaasi 24:6

Deꞌe mooyoyich ta aafoon boonoshi waan wochemmo taane; hini showooch boonoshin wochi deebemmo taane; boonoshin hagishalli ta gettemmo happaachemmo taane; boonoshin bechishalli ta gettemmo waaxaachemmo taane.

Erimiyaasi 32:41

Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.

Hiziqeeli 28:4

Ne ariyoona, ne shalligoonoo gaannoon neech daneto neene; aachoonaa birewoonon ne ginjabeetooch kicito neene.

Hiziqeeli 34:13

Aageteenaꞌo daggoochee boonoshin kichemmo taane; boonoshi hajjee showooch boonoshin deebemmo taane; Israꞌeelee guudinaꞌochi toommoochaa, aacinaꞌochi gashoochaa, asheenaꞌo gafiti showee toommo bulliichaa boonoshin quye maanjemmo taane.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Amootsi 9:15

Boonoshi hajjee showooch daamiree, mixo bechoommon boonoshin bechemmo taane; boonoshich ta immeti showoochee, boonoshin waaxxemmo koniyoona aalloone” iye ittoshi Nuggishoo Doono Yeeri.

Efesooni 5:6

Eboshi naboona Yeerichi kaaree shiixxoo biich deꞌa getaaneenaꞌo toommooch kindemmone; ebich koniyoona duube yibbaatoona ittoshin dachaaye.

Yaaꞌoo 21:4

Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.