1 Kiinoo 17:6 - Kafa Linguistics Project

⁶ Israꞌeeleenaꞌo bullina tookkaa ta shaꞌeti xaaꞌoo bulliichaa, ta asheenaꞌo tuneti Israꞌeeleenaꞌon boonoshi quyemmoyich ta ukkiriiti ukkireenaꞌo daggoochee “Yigee mixoochee kexon taach ittoshi hago qajjito, amoyichiye?” iyaꞌa ta echeto beete?’ itone gete.

1 Kiinoo 17:6 ပူးပေါင်းရင်းမြစ်များ

2 Saameeli 7:7

Israꞌeeleenaꞌo bullina tookkaa ta shaꞌeti xaaꞌoo bulliichaa, ta asheenaꞌo tuneti Israꞌeeleenaꞌon boonoshi quyemmoyich ta getteti ukkireenaꞌo daggoochee, “Yigee mixoochee kexon taach ittoshi hago qajjito, amoyichiye?” iyaꞌa ta echeto beete?’ gete.

1 Kiinoo 11:2

Besheti yemeenooch, Saaꞌooli taateꞌi beehooba, Israꞌeeleenaꞌon ginee koyee xaaꞌoochaa yaabito neene. Ne Nuggishoo Doono Yeeriyoo neech, ‘Ta asheenaꞌo tuneti Israꞌeeleenaꞌon qiddemmo neene; boonoshichoo iraashoo tunemmo neene’ itone” iyeete.

1 Kiinoo 17:7

“Andoo ta guuno Daawitich ishichibe: Beshe Mawe Doono Yeeri ishichiye: ‘Neen gaddoochee, bagee quyoochee daammaꞌa, ta asheenaꞌo tuneti Israꞌeeleenaꞌo toommooch ne iraashemmoyich tuniihoye.

Erimiyaasi 23:4

Boonoshin shiimeree qiddemmi qiddeenaꞌon boonoshich ukkiriyemmo taane; wochinnoon shataachemminaꞌone; keqqaachemminaꞌone; boonoshiichee ikkolla aalleyaachemmone” iye Doono Yeeri.

Hiziqeeli 34:2

“Ashi bushoocho, keemoon keembe; Israꞌeelee qiddeenaꞌochi toommooch keemoon keembe; boonoshichoo ishichibe: ‘Nuggishoo Doono Yeeri ishichiye: Bageenaꞌon shiimee yeshon qajjiichii boonoshi qelloon shiimeebeeti qiddeenaꞌoyich woowo! Qiddeenaꞌo bagoon shiim bedaacheete?

Mikiyaasi 5:4

Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone.

Mishiraachechinaꞌo 13:20

Boonoshiyoo Gibits boonoshi giyitoochee tiijjiꞌi, hini showoon boonoshi bullemmi wottoon awudde ballaa aache natt bedoone. “Ebiyee gubb, keemechi Saameelichi yemeenooch beddaahaa, woraaferasheenaꞌon boonoshich immiye.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

Yibbaatoo 23:14

Ne Nuggishoo Doono Yeeri neen wodiiya, ne etteenaꞌonoo ne kishooch beshii imma, ne kaambee daggoona shaꞌeebeeto bi tunetoyich, gonde mooyon beegiree, neen qayi wotte bi hamaachemmoyich, ne kaambo xalloo tunebe” iye.

Yaaꞌoo 2:1

“Efesooni kittinnee guuphi maraakoyich ishichi kooribe: Shabaatte xojjeneenaꞌon bi qanne kishoona yechito, aachoochee shuuneeti shabaatte maqirajjeenaꞌo daggoona shaꞌeebeeto ishichiye:

1 Saameeli 12:11

Doono Yeeriyoo Geediyoonin, Baraaqin, Yofitaahin, wotta taanoo deejjiꞌi ittoshi etteenaꞌo kishoochee ittoshin wodiihe. Ittoshiyoo keqqaalloon kotehote.