1 Kiinoo 17:22 - Kafa Linguistics Project

²² Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo tuniito neene. Doono Yeero, newoo boonoshich Nuggishoon tunehine.

1 Kiinoo 17:22 ပူးပေါင်းရင်းမြစ်များ

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

2 Saameeli 7:24

Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo boonoshi tunemmoyich manjiito neene. Doono Yeero, newoo boonoshich Nuggishoon tunehine.

1 Taateenaꞌo 10:9

Neenna emiriꞌi, Israꞌeelee taatee qeenooch neen kotiiti, ne Nuggishoo Doono Yeeri diireebe. Doono Yeeri Israꞌeeleenaꞌon bulli yemeenoon shunniꞌi, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.

1 Kiinoo 17:21

Ne hajjee asheenaꞌon tuniyoyicha iyaꞌa guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogetonaa worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.

1 Kiinoo 17:23

“Illa and Doono Yeero, ne guuno taannaa ta shiijjeroonoyich ne gibenikkiti gibeno bulli yemeenoon manjoo tunebe; ne gettetoommonoo tuniibe.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.