1 Kiinoo 17:21 - Kafa Linguistics Project

²¹ Ne hajjee asheenaꞌon tuniyoyicha iyaꞌa guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogetonaa worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.

1 Kiinoo 17:21 ပူးပေါင်းရင်းမြစ်များ

1 Kiinoo 17:20

“Doono Yeero, neen shaahemmo koniyoona aalloone. No waamona no waayetoommon, neyee bare nuggishoo aalloone.

1 Kiinoo 17:22

Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo tuniito neene. Doono Yeero, newoo boonoshich Nuggishoon tunehine.

Nehimi 9:10

Boonoshi toommooch coodditinaꞌo boonoshi tunoon ne ariitoyich, Farooni toommooch, bi naayinaꞌo bullinaa bi showooch beeti bi asheenaꞌo bullinochi toommooch worganikkiti malletoonaa gaakkechi shuunoonon bekkiihine; hanaach beddaahaa ne shigo oogemmoyich tuniihine.

Shoddo 111:9

Bi wodiyoon bi asheenaꞌoyich deejjiye; bi wogoonoo bulli yemeenooch manjiihe; bi shigoo yaafoonaa shattiitonane.

Shoddo 147:20

Ebin bare aagetoyich tuniyaanoone; boonoshiyoo bi sheeroon ariyaacheete. Haleluya!

Shoddo 65:5

Yeeri noon Wodiyechocho, worganikkiti cadiqe mooyon tuniyoona no corootoon waayehine. Showee tuggooch beddaahaa, wohooch beeti baharooch beddaahaa, beetinaꞌoyich gibeno neene.

Shoddo 77:15

Yaaqobinaa Yooseefinochi yareenaꞌo tuneti ne asheenaꞌon, ne mochoona biisheto neene.

Keyo 6:6

“Ebich Israꞌeeleenaꞌoyich ishichi gete: Doono Yeeri ishichitone: ‘Ta, Doono Yeeri taane. Gibitseenaꞌochi guuchittinee waanjoochee ittoshin kichemmo taane; boonoshich guuno tunoochee ittoshin biishemmo taane. Qaaꞌi naxoon boonoshi toommooch deeboyich giidechi ta mochoon boonoshi toommooch tiijjemmo taane; ittoshinoo biishemmo taane.

Isiyaasi 48:9

Ta shigoyicha geti ta kaaroon yagiyemmo taane; ta galletoyicha geti ittoshin aalliyoon qayiree, tooqqemmo taane.

Isiyaasi 63:12

Ooge bi mochoon Muusichi qanne kishee toommooch tuniito, bi shigo bulli yemeenoon bi arichemmoyich baharoon boonoshi aafooch qoodito,

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Isiyaasi 64:3

Ebiyee aaf waaꞌa, tunemmone iyaꞌa no gabaani, oogeton shattiiti mooyinaꞌon ne tuniihooba, guudinaꞌo neen beeggiꞌi shatona qewetinaꞌone.

Erimiyaasi 32:21

Worganikkiti malletoonaa gaakkechi shuunoona, kupphe ne kishoonaa yaggeeti ne mochoona, shattiiti ne yiiroonoo ne asheenaꞌo tuneti Israꞌeeleenaꞌon Gibitsee kichito neene;

Yibbaatoo 15:15

Newoo ne qelloona guuno tunaꞌa Gibits ne beemon, ne Nuggishoo Doono Yeeri aroochee neen biisheꞌi bi kichoonoo batteyaahine. Hanaach ebi getoon neech ta gettaabeeto ebichiye.

Yibbaatoo 4:7

“No Nuggishoo Doono Yeeri bi waan no cookaa no waan bi katinoommon, bi nuggishoo bi waan katinniibeeti aricheti aagetoo, konine?

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Yaasi 10:42

Israꞌeeleenaꞌo Nuggishoo Doono Yeeri Israꞌeeleenaꞌo qoodoon koyeto bi tunetoyich, Yaasi ebi taateenaꞌo bullinaa boonoshi hajjiibeeti showoonon ikkinnee hamona kochii yechiye.