1 Kiinoo 17:2 - Kafa Linguistics Project

² Naataaniyoo Daawitich, “Yeeri neenna tookkii bi tunetoyich, ne mullooch beeto bullin tuniibe” iye.

1 Kiinoo 17:2 ပူးပေါင်းရင်းမြစ်များ

2 Saameeli 7:3

Naataaniyoo taatoyich “Doono Yeeri neenna tookkii bi tunetoyich, ne mullooch beeto bullin tuniibe” iye.

1 Taateenaꞌo 8:17

“Ta nihoo Daawiti Israꞌeelee Nuggishoo Doono Yeerichi shigoyich kexon hagoyich bi mulloona gabiye.

1 Kiinoo 17:1

Daawiti bi taatee kexooch bi kotetoyee gubb, keemechi Naataanich ishichiye: “Ta, yigee mixoochee hakkeeti kexooch beeto taane. Tunebaani Doono Yeerichi wogee taabooto duukkaanoochiye bi beeto” iye.

1 Kiinoo 17:3

Tunebaani aroobee xum Doono Yeeri Naataanich ishichiye:

1 Kiinoo 22:7

Daawitiyoo Solomoonich ishichiye: “Ta bushoocho, ta Nuggishoo Doono Yeerichi shigoyich kexon hagga ta mulloona gabiyoye;

1 Kiinoo 28:2

Aroochee taatoo Daawiti tiyii neexeechii ishichiye: “Ta maneenaꞌonaa ta asheenaꞌonote, hach ellebote; Doono Yeerichi wogee taabooto kotemmonaa no Nuggishoochi baatoo kashemmonoyich kexon hagga ta mulloona gabiyoye; shuunoyichoo qaawii beeton qanniihoye.

Shoddo 20:4

Ne mullee qaatoon neech imbe; ne gaboo bullin neech ceechibe.

Zakaariyaasi 8:23

Beshe Mawe Doono Yeeri ishichiye: “Ebiyooba baribare noonoona yibbaateebeeti aageteenaꞌoochee, aashire asheenaꞌo ikke Ayihudo waan waa, bi qoreddee caappoon yeshiichi, ‘Yeeri ittoshina tookkii beeto bi tunoon no waayetoyich ittoshina tookki hambone’ gettemminaꞌone” iye.

Luqaasi 1:28

Are maraakoo bi waan waaꞌi, “Doono Yeeri gaawe aafoona ciinnitine! Diggoo neech tunebe! Doono neenna tookkii beetone. [Ne, maacheenaꞌo daggoochee diireeti neene]” iye.

1 Qorontoosi 13:9

Ebiyoo no ariyoo ceenaani shappoo, keemoon no keemo ceenaani shappoo bi tunetoyichiye.

Yaasi 9:14

Israꞌeeleenaꞌo ebi mooyoyich Doono Yeerin echeyaanoon, ebi asheenaꞌona tookkii ikkotteꞌi boonoshi shohoochee deqqii maaheete.

1 Saameeli 10:7

Ebi malleteenaꞌo ceeniyooba, Yeeri neenna tookkii bi tunetoyich, ne tuniiya bede mooyo bullin tuniibe.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.