1 Kiinoo 17:16 - Kafa Linguistics Project

¹⁶ Aroochee taatoo Daawiti danee duukkaanooch giyiye; Doono Yeeri aafooch koteechii ishichiye: “Nuggishoo Doono Yeero, ebiich taan ne bechiti ta, halla koni taane? Ta kechi ashoochi, konine?

1 Kiinoo 17:16 ပူးပေါင်းရင်းမြစ်များ

Halloo 32:10

ne gibeneyoona ne guuno taach ne tuniiti deꞌittino bullich beddeti asho toono taane. Yoordaanoosin ta kimiyooba, ta kishooch ta yecheti gumbeyee besh amolla taach aalloone; tunebaani and gutte kuxi ashoonaa gijjoonon yecheto taane.

2 Saameeli 7:18

Aroochee taatoo Daawiti danee duukkaanooch giyiye. Doono Yeeri aafooch koteechii ishichiye: “Nuggishoo Doono Yeero, ebiich taan ne bechiti ta, halla koni taane? Ta kechi ashochi, konine?

2 Taateenaꞌo 19:14

Hiziqiyaasi koorichoon wocheyechinaꞌo waanee deqqiꞌi shemmehe. Yaafee kexooch daammiꞌi, Doono Yeeri aafooch yaggiye.

1 Kiinoo 17:15

Naataani Yeeri biich bekkiiti ebi mooyo bullin Daawitich gettiye.

1 Kiinoo 17:17

Ta Nuggishoocho, ebi ne tuniiti mooyo ne aafoochaa giisheche mooyon tuneꞌi bekkehe; gubb woyemmi ta shiijjereenaꞌochon gibenikkihine. Nuggishoo Doono Yeero, taanoo moogeeti ashoon tuniyaꞌa ciinnehine.

1 Kiinoo 29:14

“Bulliyona daneto ne waaneeniye. Neech no immetoo ne kishoochee no deqqeton baachiye. Ebi bullin no giddiyemmoyich ta koni taane? Ta asheenaꞌochi konoshine?

2 Kiinoo 1:8

Solomooniyoo Yeerich ishichiye: “Ta nihoo Daawitich ooge ne shoodoon bekkiito neene. Bi xaaꞌoochoo keraꞌa taan taatiito neene.

Shoddo 144:3

Doono Yeero, ebi shaahoon biin ne aaxxiyemmoyich asho amoone? Biin ne gabemmoyichoo ashi bushoo amoone?

Mishiraachechinaꞌo 26:22

Tunebaani and beddaahaa Yeeri taan gaachetaa, ‘Keemechinaꞌonaa Muusina “Kiristoosi xuuxoon beeggemmone; qitoocheenoo shiichoo tuneree tiyemmone; ebina Ayihudeenaꞌonaa Aageteenaꞌonoyich wodee bekkoon gettemmone” iꞌi boonoshi gettito ceennemmone’ iꞌi oogoyichoo tuneba giishoyich miixoyee damba bare ta getteti mooyo aalloone” iye.

2 Qorontoosi 1:10

Biyoo ebin shaahiibeeti qitoochee noon wodiihe; andoo wodiyemmone; ittoshiyoo wotta Yeerin qolloona noon ittoshi gaache beetaa, gubboo wotta noon wodiyemmo bi tunoon gibenaabeeto noone; wodde corootoona Yeerichi wojjoon no danetaa, meeti asheenaꞌo no naboona Yeerin galletemminaꞌone.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

Woraaferasheenaꞌo 6:15

Geediyooni wochiꞌi, “Ta Doonocho, Israꞌeeleenaꞌon wodiyoon ta hakkemmo aabichireeshiye? Ta yaroo Minaasi yoodee daggoochee hakka guute yaroone; tawoo wotta ta nihoochi kechi asheenaꞌo daggoochee giisho taane” iye.

1 Saameeli 7:12

Aroyee gubb Saameeli ikke xaqqoon daammiꞌi, Mitsiphinaa Sheeninochi gutte daggooch neechiye. Biyoo “Hanaach beddaahaa Doono Yeeri noon gaachetone” iꞌi, aroon Ebenezeeri iꞌi shigiihe.

1 Saameeli 9:21

Saaꞌooliyoo wochiꞌi, “Ta, Israꞌeelee yoodeenaꞌo daggoochee giishecho tuneti, Biiniyaami yoodee asho taane. Ebi Biiniyaami yoodo bulli daggoochee ta yaroo giishechoone. Ishigaata, aabichaꞌa ishin taach gettenne?” iye.