1 Kiinoo 17:1 - Kafa Linguistics Project

¹ Daawiti bi taatee kexooch bi kotetoyee gubb, keemechi Naataanich ishichiye: “Ta, yigee mixoochee hakkeeti kexooch beeto taane. Tunebaani Doono Yeerichi wogee taabooto duukkaanoochiye bi beeto” iye.

1 Kiinoo 17:1 ပူးပေါင်းရင်းမြစ်များ

2 Saameeli 12:1

Doono Yeeriyoo Naataanin Daawit waan daachiihe. Naataaniyoo bi waan hammiꞌi ishichiye: “Ikke katemooch gutte asheenaꞌo beeheete. Ikkoo gaannecho tunemmona, baroo girechone.

2 Saameeli 12:25

Doono Yeeri bushoon bi shunnitoyich, Yididiyi getaa bi ceekkemmoyich, Naataanin wochee daachiihe.

2 Saameeli 6:17

Aroochee Doono Yeerichi taabootoon deebii, Daawiti xogiti duukkaanooch giijjiꞌi, bi kotemmoyich qanniti xaaꞌooch kotiiheete. Daawitiyoo micciibeeti deejjoonaa ikkittinee deejjoonon Doono Yeerich deejjiye.

1 Taateenaꞌo 1:23

Taatoyich “Ebiyoche, keemechi Naataani waatone” iꞌi gettiyeete. Biyoo taatoo aafooch waa giyii, showooch guufeꞌi goyinnehe.

1 Taateenaꞌo 1:44

Biinna tookkii qeeshoo Sadooqin, keemechi Naataanin, Yoyaadi bushoo Beenayin, Kereeteenaꞌonaa Feleeteenaꞌonon taatoo daachiitone. Boonoshiyoo biin taatoochi bicereen yebbiitinaꞌone.

1 Taateenaꞌo 1:8

Tunebaani qeeshoo Sadooqi, Yoyaadi bushoo Beenayi, keemechi Naataani, Shimeꞌi, Reꞌinaa Daawitichi quyee naayinaꞌona Adoniyaasina tookkii tuneyaaneenaꞌone.

1 Taateenaꞌo 8:17

“Ta nihoo Daawiti Israꞌeelee Nuggishoo Doono Yeerichi shigoyich kexon hagoyich bi mulloona gabiye.

1 Kiinoo 14:1

Arooba Xiroosi taatoo Kiraami Daawit waan wocheyechinaꞌon deejjiye; ebiyoommon wotta yigee mixon, taatee kexon boonoshi haggemmoyich, xaqqee xarechinaꞌonaa anaaxeenaꞌonon deejjiye.

1 Kiinoo 15:1

Daawiti bi qellich kexinaꞌon Daawiti Katemooch bi shuunetoyee gubb, Yeerichi taabootoyich xaaꞌoon qanniiꞌi, duukkaanoon xogiye.

1 Kiinoo 16:1

Aroochee Yeerichi taabootoon deebii, Daawiti xogiti duukkaanooch giijjiꞌi, kotiiheete; micciibeeti deejjoonaa ikkittinee deejjoonon Yeerich deejjiyeete.

1 Kiinoo 17:2

Naataaniyoo Daawitich, “Yeeri neenna tookkii bi tunetoyich, ne mullooch beeto bullin tuniibe” iye.

1 Kiinoo 17:5

Israꞌeeleenaꞌon Gibitsee ta kichiti aaboochee tiijjaꞌa hanaach beddaahaa, duukkaanoochee duukkaanooch, xaaꞌoochee xaaꞌooch, guuddaa beehoani, kexooch beetaano taane.

1 Kiinoo 22:6

Aroochee bi bushoo Solomoonin ceeggiꞌi, Israꞌeelee Nuggishoo Doono Yeerichi yaafee kexon bi shuunemmoyich gettiye.

1 Kiinoo 22:7

Daawitiyoo Solomoonich ishichiye: “Ta bushoocho, ta Nuggishoo Doono Yeerichi shigoyich kexon hagga ta mulloona gabiyoye;

1 Kiinoo 28:2

Aroochee taatoo Daawiti tiyii neexeechii ishichiye: “Ta maneenaꞌonaa ta asheenaꞌonote, hach ellebote; Doono Yeerichi wogee taabooto kotemmonaa no Nuggishoochi baatoo kashemmonoyich kexon hagga ta mulloona gabiyoye; shuunoyichoo qaawii beeton qanniihoye.

1 Kiinoo 29:29

Taatoo Daawiti shuuneti shuunoo, batti battichoochee tiijjii ciireexooch beddaahaa, yaaꞌechi Saameelichi kiinooch, keemechi Naataanichi kiinoonaa yaaꞌechi Gaadichi kiinoonooch kooreetone.

2 Kiinoo 1:4

Tunebaani Daawiti Doono Yeerichi taabootoon Qiriyaat Yeꞌariimi katemoochee deebiꞌi, Yerusaalem, taabootoyich bi qanniiti duukkaanooch kotiitone.

Keyo 26:1

“Yaafee duukkaanoon muttee tuppoochee ciciitaa yokkeeti, shimaayito, dameroonaa ceelloona tuneti woshiqoona shippeti qoreddoochee shuuneeti aashire maccillaateenaꞌona shuunebe. Ebi maccillaateenaꞌo toommooch kiruubeenaꞌo malletiitaa shippebeete.

Erimiyaasi 22:15

Yigee mixona kexon ne hagoyich taateya gabii beetine? Ne nihoo maataanoone? Uyaanoone? Dayinnetechonaa cadiqoona bi tunetoyich bulli mooyo biich gaawetone.

Daaneeli 4:4

Ta, Nabukadinatsori, bulli mooyo taach mashaamaa, oogeti gaannoona emiriibee, ta taatee kexooch beehoye.

Haagi 1:4

“Ta asheenaꞌote, hini yemeeno, hini kexo happeeꞌi beetaa, malletiitaa hakketi ittoshi kexooch ittoshi beeyemmi yemeenoone?

Haagi 1:9

Meeti maayoon qeccii giijjoyich gibeneto ittoshine; tunebaani giishechoon tunehe. Qeccii kexooch ittoshi giijjiyooba, huggaa ta getaa aallehe. Ebi bi tuneto, amoyichiye? Ebi bi tuneto, ta yaafee kexo tiisheꞌi beetaa, ittoshi bulli ittoshi hajjee kexi kexon hagoyich ittoshi wocee beetoyichiye.

Mishiraachechinaꞌo 7:46

Daawitiyoo Yeerichi aafooch gidoon daneꞌi, Yaaqobichi Nuggishoyich kexon hagga qollehe.