1 Kiinoo 15:29 - Kafa Linguistics Project

²⁹ Doono Yeerichi wogee taabooto Daawiti Katemooch giyii bi beetaa, Saaꞌooli bushee Mikaali mallee kelloona ciinnaa beehan. Taatoo Daawiti emiriꞌi capphi duubbii bi beetaa beeggaꞌa, bi mulloona biin hoxahan.

1 Kiinoo 15:29 ပူးပေါင်းရင်းမြစ်များ

2 Saameeli 6:16

Doono Yeerichi taabooto Daawiti Katemooch giyii bi beetaa, Saaꞌooli bushee Mikaali mallee kelloona ciinnaa beehan. Taatoo Daawiti taabootee aafooch capphii duubbii bi beetaa beeggaꞌa, bi mulloona biin hoxahan.

1 Kiinoo 15:28

Ebiyoommi gommona Israꞌeeleenaꞌo bulli emirii ililiibee, tiroonaa shametoonon huggiibee, qaaxilloon, giishi ximboonaa ooge ximboonon yexxii kaachiibee, Doono Yeerichi taabootoon Yerusaalem deebiyeete.

1 Kiinoo 17:1

Daawiti bi taatee kexooch bi kotetoyee gubb, keemechi Naataanich ishichiye: “Ta, yigee mixoochee hakkeeti kexooch beeto taane. Tunebaani Doono Yeerichi wogee taabooto duukkaanoochiye bi beeto” iye.

Shoddo 149:3

Duuttoona bi shigoon galletebeete; kamboonaa ooge ximboona biin galletebeete.

Shoddo 150:4

Kamboona, duuttoonoo biin galletebote; maqqechi shoddee qiicoona, tiroonoo biin galletebote.

Shoddo 30:11

Ne, ta eefon emiree duuttoona shaddihine; ta dookoon shoottaꞌa emiroon taach tajjihine.

Keyo 15:20

Aroochee Haroonichi qaabbe manee keemechi Miiriyami kamboon yechahan; maacheenaꞌo bulliyoo kamboon yexxii capheebee biin dabbiyeete.

Dojjecho 3:4

eefoyich gooroo beete; miicoyich gooroo beete; goppii eefoyich gooroo beete; shuurii duuboyich gooroo beete;

Erimiyaasi 3:16

Showee toommooch haddoona ittoshi meetiyooba, ebiyooba, Doono Yeerichi wogee taabootee mooyon tiijjii yibbaato qaawiyaachemmone; biyoo batteeto tunemmone; gabeyaachemmone; ciroonoo shalligeyaachemmone; ebi taabootoo wochinnoon shuuneyaachemmone.

Erimiyaasi 30:19

Boonoshi waanee galletee shoddoonaa emiree ililoona waayeyemmone. Boonoshin meechemmo taane; boonoshiyoo shappaachemminaꞌone; ta boonoshin oogiyemmo taane; boonoshiyoo giisheyaachemminaꞌone.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Haddoo 10:33

Asheenaꞌo Doono Yeeri guudoochee tiyii keejje qemi gommon qaxiriyeete. Doono Yeeri wogee taabooto boonoshi kashemmi xaaꞌoon qaawiibee, ebi keejje qemi gommon boonoshi aafooch shiichiye.

Mishiraachechinaꞌo 2:13

Tunebaani bareenaꞌo “Uchii masheꞌiniye” iibee cooqqirii cooneheete.

1 Qorontoosi 2:14

Yaafe Ayaano biich aalli asho Yeerichi Yaafe Ayaanee mooyon duubo bi tunii beetoyich, danoon hakkaache; shalligoonoo hakkaache; shalligoon hakkoo bi qajjiibeeto, ebi moochi gaacoon maqqiꞌi ariyoon hakkemmo, Yaafe Ayaano biich beeti asho baach bi tunetoyichiye.

2 Qorontoosi 5:13

No yibbaataabeeti yibbaatoona geyechon no shaahigaata, Yeericha iyaꞌaniye; woyee shalligechon no shaahigaata, ittoshicha iyaꞌaniye.

Yibbaatoo 31:26

“Hini Sheeree Macaafoon daamiree, ittoshi Nuggishoo Doono Yeerichi wogee taabootee gaꞌooch kotiibote. Ittoshi toommooch miixoo tuneree ebi arooch beebe.

Hibireena'o 9:4

Ebi are xaaꞌooch ixaano shookkeebeeti deejjee qiico beetone; ebi deejjee qiico aachoona dikkeetone; wotta bi guude gawo bulli aachoona dikkeeti wogee taaboote beetine; ebi taabootee daggooch mannoo beeti aachee qullo, atee waajjeti Haroonichi gumbeenaa Yeerichi sheeroo kooreeti gutte xaqqeenaꞌona beetinaꞌone.

Yaasi 4:7

boonoshich Yoordaanoosi aaco Doono Yeerichi wogee taabootee aafooch bi neexoon, ebiyoo taabootoon shaaggitinaꞌo Yoordaanoosin kimiyooba, wocaanoon bi neexoon, boonoshich gettemmo ittoshine. Ebina ebi xaqqeenaꞌo Israꞌeeleenaꞌoyich bulli yemeenee shalligicheenaꞌo tunemminaꞌone” iye.

Woraaferasheenaꞌo 20:27

Arooba Yeerichi wogee taabooto arooch beetone. Harooni bushoochi bushoo, Elazaari bushoo Finihaasi arooch maddee beetone. Israꞌeeleenaꞌo “No maneenaꞌo tuneti Biiniyaameenaꞌona koyoyich wochinnoon hambonaa, illa echeba?” iꞌi Doono Yeerin echeheete. Doono Yeeriyoo “Hami koyebote; yaach boonoshin ittoshi kishooch beshiiree immemmo taane” iye.

1 Saameeli 25:44

Tunebaani Saaꞌooli, Daawiti mechee tuneti bi bushee Mikaalin Galiimi katemee asho tuneti, Layishi bushoo Feliixich shaakkiitone.

1 Saameeli 4:3

Echeti Israꞌeelee ginee naayinaꞌo kaambooch boonoshi wottemmona, Israꞌeeleenaꞌon qeejjiibeeti geeneenaꞌo ishichiyeete: “Doono Yeeri noon Filsixeemeenaꞌo kishooch bi duppito, amoyichiye? Noonna tookki bi hammemmonaa no etteenaꞌo kishoochee noon bi wodiyemmonoyich, Doono Yeerichi wogee taabootoon Shiloohee deebone” iyeete.