1 Kiinoo 15:28 - Kafa Linguistics Project

²⁸ Ebiyoommi gommona Israꞌeeleenaꞌo bulli emirii ililiibee, tiroonaa shametoonon huggiibee, qaaxilloon, giishi ximboonaa ooge ximboonon yexxii kaachiibee, Doono Yeerichi taabootoon Yerusaalem deebiyeete.

1 Kiinoo 15:28 ပူးပေါင်းရင်းမြစ်များ

2 Saameeli 6:15

Ebiyoommi gommona Daawitinaa Israꞌeeleenaꞌona emirii ililiibee, tiroon huggiibeenoo, Doono Yeerichi taabootoon Yerusaalem deebiyeete.

2 Saameeli 6:5

Daawitinaa Israꞌeeleenaꞌo bullina boonoshi giidoon qoophaanoon, Doono Yeerin oogiyoyich, giishi ximboon, ooge ximboon, kamboon, bare duubbi qiicoonaa qaaxilloonon yexxii kaachiibee, shoddee beeheete.

1 Kiinoo 13:8

Daawitinaa Israꞌeeleenaꞌo bullina boonoshi giidoon qoophaanoon, Yeerin oogiyoyich, giishi ximboon, ooge ximboon, kamboonaa qaaxilloonon yexxii kaachiibee, tiroon (waaringoon) huggiibee shoddee beeheete.

1 Kiinoo 15:16

Daawitiyoo shoddee qiicoona, ebiyoo giishi ximboona, ooge ximboonaa qaaxilloona, emiroona qaaroon oogichiree shoddemmi, boonoshi maneenaꞌon boonoshi ukkiriyemmoyich Leweenaꞌochi ukkireenaꞌoyich gettiye.

1 Kiinoo 15:24

Qeesheenaꞌo tuneti Shebaniyi, Yoshafeexi, Netaaneli, Amasayi, Zakaariyaasi, Beenayinaa Elezeerina Yeerichi taabootee aafoochaa tiroon huggii beeheete. Obeed Edoominaa Yehiyahinoo wotta taabootee kechi kelloon quyechinaꞌone.

1 Kiinoo 15:27

Daawiti muttee tuppoochee shippeti tahoon tahetone; taabootoon shaaggiti Leweenaꞌo bulli, shoddechinaꞌonaa shoddechinaꞌonochi ukkiroo Kananiyina wotta muttee tuppoochee shippeti tahoon tahetinaꞌone. Daawiti wotta muttee tuppoochee shippeti efoodoon tahetone.

1 Kiinoo 15:29

Doono Yeerichi wogee taabooto Daawiti Katemooch giyii bi beetaa, Saaꞌooli bushee Mikaali mallee kelloona ciinnaa beehan. Taatoo Daawiti emiriꞌi capphi duubbii bi beetaa beeggaꞌa, bi mulloona biin hoxahan.

1 Kiinoo 25:1

Daawitinaa bi ginee iraasheenaꞌona giishi ximboona, ooge ximboonaa qaaxilloona degeebee keemoon keemmemminaꞌon Asaafichi, Hemaaninaa Yedutuuninochi yaroochee kaacciꞌi shuunoon yechiiheete. Ebi maddoon maddemmi asheenaꞌochi shigo:

Nehimi 12:27

Yerusaalemi uxeroo diireehooba, uxeree diiree baaroon galletee shoddoona, qaaxilloona, ooge ximboonaa gishiishi ximboona, emiroona boonoshi baaremmoyich, Leweenaꞌo boonoshi beeti beeto bulliichee Yerusaalem boonoshi woyemmoyich ceekkeheete.

Shoddo 47:6

Shoddebote; Yeerich shoddebote; shoddebote; no Taatoyich shoddebote.

Shoddo 68:25

Shoddechinaꞌo aaf, shoddee qiicoon kaachii beetinaꞌo gubb, kamboon yexxiibeeti maache bushiisheenaꞌo dagg, beetinaꞌone.