1 Kiinoo 15:26 - Kafa Linguistics Project

²⁶ Doono Yeerichi wogee taabootoon shaaggiti Leweenaꞌon Yeeri gaachetoyich shabaatte wuronaa shabaatte ogooge bagee baaddoonon deejjiyeete.

1 Kiinoo 15:26 ပူးပေါင်းရင်းမြစ်များ

2 Saameeli 6:13

Doono Yeerichi taabootoon shaaggii daammiibeeti asheenaꞌo shiritte shaaddoon hammimmona, ikke gattoonaa ikke gubbenoonon deejjiye.

1 Kiinoo 29:14

“Bulliyona daneto ne waaneeniye. Neech no immetoo ne kishoochee no deqqeton baachiye. Ebi bullin no giddiyemmoyich ta koni taane? Ta asheenaꞌochi konoshine?

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Hiziqeeli 45:23

Baaroo baareebeeti shabaatte qemooch, qemi qemona, bachaalli shabaatte gubbenoonaa shabaatte bagee baaddoonon micciibeeti deejjoyich Doono Yeerich giddiibe; axaaxee deejjoyichoo qemi qemona ikkikke emmishee baaddoon giddiibe.

Haddoo 23:29

Balaamiyoo Balaaqin “Shabaatte deejjee gudoon taach shuunebe. Shabaatte wuronaa shabaatte bagee baaddoonon taach qanniibe” iye.

Haddoo 29:32

“ ‘Shabaattinnee qemooba shabaatte wuron gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe.

Mishiraachechinaꞌo 26:22

Tunebaani and beddaahaa Yeeri taan gaachetaa, ‘Keemechinaꞌonaa Muusina “Kiristoosi xuuxoon beeggemmone; qitoocheenoo shiichoo tuneree tiyemmone; ebina Ayihudeenaꞌonaa Aageteenaꞌonoyich wodee bekkoon gettemmone” iꞌi boonoshi gettito ceennemmone’ iꞌi oogoyichoo tuneba giishoyich miixoyee damba bare ta getteti mooyo aalloone” iye.

2 Qorontoosi 2:16

Aallooch hammii beetinaꞌoyich wuxiibeeti qitee cinno, wotta wodii beetinaꞌoyich wodiibeeti kashee cinno noone. Illa ebi shuunoyich beddito konine?

2 Qorontoosi 3:5

Ebi shuunoon shuuno no hakkemmoyich hakkoon no daneto Yeer waaneenalli, no qelloona no, amoonolla tuniyoyich “Hakkoo nooch beete” geton ciroona hakkaachone.

1 Saameeli 7:12

Aroyee gubb Saameeli ikke xaqqoon daammiꞌi, Mitsiphinaa Sheeninochi gutte daggooch neechiye. Biyoo “Hanaach beddaahaa Doono Yeeri noon gaachetone” iꞌi, aroon Ebenezeeri iꞌi shigiihe.