1 Kiinoo 15:19 - Kafa Linguistics Project

¹⁹ Shoddechinaꞌoochee gooshee qaaxilloon yexxii kaachiibeeti, Hemaani, Asaafinaa Etaanina ukkireheete.

1 Kiinoo 15:19 ပူးပေါင်းရင်းမြစ်များ

1 Taateenaꞌo 4:31

Biyoo ariyoona bare asheenaꞌo bulliyee beshitone; Iziree asho Etaaniyee, Mahooli bushiishoo Hemaani, Kalikolinaa Daridaahinoyee beshe ariyechon tunetone. Bi guudoona beeti aagetee showoo bulliich bi woroo waayeehe.

1 Kiinoo 13:8

Daawitinaa Israꞌeeleenaꞌo bullina boonoshi giidoon qoophaanoon, Yeerin oogiyoyich, giishi ximboon, ooge ximboon, kamboonaa qaaxilloonon yexxii kaachiibee, tiroon (waaringoon) huggiibee shoddee beeheete.

1 Kiinoo 15:16

Daawitiyoo shoddee qiicoona, ebiyoo giishi ximboona, ooge ximboonaa qaaxilloona, emiroona qaaroon oogichiree shoddemmi, boonoshi maneenaꞌon boonoshi ukkiriyemmoyich Leweenaꞌochi ukkireenaꞌoyich gettiye.

1 Kiinoo 15:18

Boonoshina tookkii boonoshiyee desh Zakaariyaasi, Yazeeli, Shemiramooti, Yehiꞌeeli, Uuni, Eliyaabi, Beenayi, Maseyaahi, Matitiyi, Elifeluuhinaa Mikiniyina, wottoo kellechinaꞌo Obeed Edoominaa Yeꞌeelinoo ukkireheete.

1 Kiinoo 15:20

Zakaariyaasi, Azeli, Shemiramooti, Yehiꞌeeli, Uuni, Eliyaabi, Maseyaahinaa Beenayina ooge qaarechi ximboon yexxii kaachii beeheete.

1 Kiinoo 16:42

Hemaaninaa Yedutuunina shumbureenaꞌochi, qaaxilleenaꞌonaa galletee shoddee beegaata kaacheebeeti shoddee qiiceenaꞌonochi toommooch ukkireheete. Yedutuuni bushiisheenaꞌoo kellechinaꞌo tuneheete.

1 Kiinoo 16:5

Boonoshi wulloo Asaafine; biyee deshoo Zakaariyaasi, Yeꞌeeli, Shemiramooti, Yehiꞌeeli, Matitiyi, Eliyaabi, Beenayi, Obeed Edoominaa Yeꞌeelina ukkireheete. Boonoshiyoo ooge ximboonaa giishi ximboona shoddee beetaa, Asaafi qaaxilloon yexxii beehe.

1 Kiinoo 25:1

Daawitinaa bi ginee iraasheenaꞌona giishi ximboona, ooge ximboonaa qaaxilloona degeebee keemoon keemmemminaꞌon Asaafichi, Hemaaninaa Yedutuuninochi yaroochee kaacciꞌi shuunoon yechiiheete. Ebi maddoon maddemmi asheenaꞌochi shigo:

1 Kiinoo 25:6

Eboshi bulli, boonoshi nihoo kishooch tuneꞌi, Doono Yeerichi yaafee kexooch qaaxilloona, giishi ximboonaa ooge ximboona shoddeebee Yeerichi yaafee kexoochaa maddee beeheete. Asaafi, Yedutuuninaa Hemaanina beeto taatoo kishoochiye.

2 Kiinoo 20:19

Qohaatichi yareenaꞌonaa Qoraahichi yareenaꞌona tuneti Leweenaꞌo tiyii neexeechii, boonoshi qaaroon oogichiꞌi Israꞌeelee Nuggishoo Doono Yeerin galleteheete.

2 Kiinoo 7:6

Qeesheenaꞌo boonoshi xaaꞌooch neexeheete. Leweenaꞌoo wotta, wonna Daawiti shoddoona Doono Yeerin galletoyich bi shuuneti shoddee qiicoon yexxii kaachiibee, “Bulli yemeenoon shoodechone; Doono Yeerin galletebote” iibee shoddoona Doono Yeerin galletee beeheete. Qeesheenaꞌo boonoshi ciinoochaa tiroon huggii beetaa, asheenaꞌo bulla neexee beeheete.

Shoddo 150:5

Qaaxilloona biin galletebote; shaalliibeeti qaaxilloona galletebote.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.