1 Kiinoo 15:16 - Kafa Linguistics Project

¹⁶ Daawitiyoo shoddee qiicoona, ebiyoo giishi ximboona, ooge ximboonaa qaaxilloona, emiroona qaaroon oogichiree shoddemmi, boonoshi maneenaꞌon boonoshi ukkiriyemmoyich Leweenaꞌochi ukkireenaꞌoyich gettiye.

1 Kiinoo 15:16 ပူးပေါင်းရင်းမြစ်များ

1 Kiinoo 13:8

Daawitinaa Israꞌeeleenaꞌo bullina boonoshi giidoon qoophaanoon, Yeerin oogiyoyich, giishi ximboon, ooge ximboon, kamboonaa qaaxilloonon yexxii kaachiibee, tiroon (waaringoon) huggiibee shoddee beeheete.

1 Kiinoo 15:12

boonoshich ishichiye: “Ittoshi, Lewee yoodee yareenaꞌochi ukkiroo ittoshi tunetoyich, ittoshinaa Leweenaꞌo tuneti ittoshi maneenaꞌona ittoshi qelloon yaafibote. Ebiyee gubb, Israꞌeelee Nuggishoo Doono Yeerichi taabootoon biich ta qanniiti xaaꞌooch deebote.

1 Kiinoo 16:42

Hemaaninaa Yedutuunina shumbureenaꞌochi, qaaxilleenaꞌonaa galletee shoddee beegaata kaacheebeeti shoddee qiiceenaꞌonochi toommooch ukkireheete. Yedutuuni bushiisheenaꞌoo kellechinaꞌo tuneheete.

1 Kiinoo 16:5

Boonoshi wulloo Asaafine; biyee deshoo Zakaariyaasi, Yeꞌeeli, Shemiramooti, Yehiꞌeeli, Matitiyi, Eliyaabi, Beenayi, Obeed Edoominaa Yeꞌeelina ukkireheete. Boonoshiyoo ooge ximboonaa giishi ximboona shoddee beetaa, Asaafi qaaxilloon yexxii beehe.

1 Kiinoo 23:5

awudda humoon kellechinaꞌo, wotta awudda humoon aroyicha iꞌi bi qanniiti shoddee qiicoona Doono Yeerin galletechinaꞌo tuniihe.

1 Kiinoo 6:16

Lewichi anaami bushiisheenaꞌo: Gerishooni, Qohaatinaa Meraarinane.

2 Kiinoo 20:19

Qohaatichi yareenaꞌonaa Qoraahichi yareenaꞌona tuneti Leweenaꞌo tiyii neexeechii, boonoshi qaaroon oogichiꞌi Israꞌeelee Nuggishoo Doono Yeerin galleteheete.

2 Kiinoo 30:12

Wottoo Doono Yeerichi qaaroommon, taatoonaa iraasheenaꞌona boonoshich gettiton boonoshi tuniyemmoyich, ikke mulloon boonoshich imona, Doono Yeeri Yihudee asheenaꞌo daggooch shuunee beehe.

2 Kiinoo 5:12

Shoddechi Leweenaꞌo bulli, eboshiyoo Asaafi, Hemaani, Yedutuuni, boonoshi anaami bushiisheenaꞌonaa boonoshi maneenaꞌona muttee tuppoochee cicii yokketaa shippeti tahoon tahee, qaaxilloon, ooge ximboonaa giishi ximboonon yexxii kaachiibee, deejjee gudee gaꞌooch, aabi-keyo waanaa neexee beeheete. Boonoshina tookkiinoo balli hiye qeesheenaꞌo tiroon (waaringoon) huggii beeheete.

2 Kiinoo 5:13

Tiroon huggii beetinaꞌonaa shoddechinaꞌona Doono Yeerin galletee oogiibee: “Deꞌo bi tunetoyich, bulli yemeenoon shoodecho bi tunetoyich, Doono Yeerin galletebote” iibee ikke kashoona qaaroon oogichiꞌi, tiroona, qaaxilloonaa shoddee qiico bullina Doono Yeerin galleteheete. Boonoshi galletemmona, qubo Doono Yeerichi yaafee kexooch ceenniye.

2 Kiinoo 7:6

Qeesheenaꞌo boonoshi xaaꞌooch neexeheete. Leweenaꞌoo wotta, wonna Daawiti shoddoona Doono Yeerin galletoyich bi shuuneti shoddee qiicoon yexxii kaachiibee, “Bulli yemeenoon shoodechone; Doono Yeerin galletebote” iibee shoddoona Doono Yeerin galletee beeheete. Qeesheenaꞌo boonoshi ciinoochaa tiroon huggii beetaa, asheenaꞌo bulla neexee beeheete.

Nehimi 12:27

Yerusaalemi uxeroo diireehooba, uxeree diiree baaroon galletee shoddoona, qaaxilloona, ooge ximboonaa gishiishi ximboona, emiroona boonoshi baaremmoyich, Leweenaꞌo boonoshi beeti beeto bulliichee Yerusaalem boonoshi woyemmoyich ceekkeheete.

Nehimi 12:36

bi xibeenaꞌo Shemayaahi, Azareli, Milaalayi, Gilaalayi, Maꞌayi, Netaaneli, Yihudinaa Hanaanina Yeer asho Daawitichoommi shoddee qiicoon yechii dabbiyeete. Sheeree dojjechi Iziriyoo boonoshi bulli aafooch shiichii hammiye.

Nehimi 12:43

Yeeri oogichiꞌi boonoshin bi emirikkitoyich, aroobee aabooch meeti deejjoon deejjiyeete; oogichiꞌinoo emiriyeete; maacheenaꞌonaa bushiisheenaꞌonoo emiriyeete. Ebina Yerusaalemi emiree qaaro wohooch beddaahaa waayeehe.

Nehimi 12:46

Wonna Daawitinaa Asaafinochi yemeenooboo, Yeerin shoddoona oogiyoonaa galletoonoyich, shoddechinaꞌochi ukkireenaꞌo beetinaꞌone.

Shoddo 100:1

Showee toommo bulliich beetinaꞌote, Doono Yeerich ililibote.

Shoddo 149:3

Duuttoona bi shigoon galletebeete; kamboonaa ooge ximboona biin galletebeete.

Shoddo 150:5

Qaaxilloona biin galletebote; shaalliibeeti qaaxilloona galletebote.

Shoddo 81:1

No giidoo tuneti Yeerich emiroona shoddebote; Yaaqobichi Nuggishoyich ililibote.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.

Shoddo 87:7

Duubbechinaꞌonaa duuttechinaꞌona “Nooch aachi xuupho bulli xuupphiibeeto Tsiyooneeniye” gettemminaꞌone.

Shoddo 95:1

Ittoshi waataa Doono Yeerich shoddebone; noon wodiiti no xaqqee guudoyich ililibone.

Keyo 15:20

Aroochee Haroonichi qaabbe manee keemechi Miiriyami kamboon yechahan; maacheenaꞌo bulliyoo kamboon yexxii capheebee biin dabbiyeete.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Amootsi 6:5

Daawitichoommon andire shoddoon kichiꞌi, ooge ximboon yexxii kaachiibeeti,

Mishiraachechinaꞌo 14:23

Are katemeenaꞌooch beeti kittinnee guuphinaꞌo bulli toommooch geeneenaꞌon kaacciꞌi boonoshi ukkiriitoyee gubb, coomii corootiꞌi, boonoshi mulloon bi toommooch boonoshi tooꞌiiti Doono Yesuusich beshii immiyeete.

2 Ximootiyoosi 2:2

Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.

Titoosi 1:5

Qerixeesee showooch neen ta echiiti naboo, neech ta gettetoommon echeti shuunoon ne ceechemmonaa katemoo bulliich beeti kittinnee guuphoyich geeneenaꞌon kaaciree shuunooch ne neechemmonoyichiye.