1 Kiinoo 15:15 - Kafa Linguistics Project

¹⁵ Doono Yeerichi qaaroona Muusi gettitoommon, Leweenaꞌo Doono Yeerichi taabootoon yaroona boonoshi gogooch shaaggiyeete.

1 Kiinoo 15:15 ပူးပေါင်းရင်းမြစ်များ

2 Saameeli 6:12

Arooba ebi Yeerichi taabootee naboona Doono Yeeri Obeed Edoominaa bi kechi asheenaꞌonon, biich beeto bullinoo bi diiroon taatoo Daawiti waayehe. Ebich Daawiti hammiꞌi, Yeerichi taabootoon Obeed Edoomi kexoochee Daawiti Katemooch oogeti emiroona deebiye.

2 Saameeli 6:13

Doono Yeerichi taabootoon shaaggii daammiibeeti asheenaꞌo shiritte shaaddoon hammimmona, ikke gattoonaa ikke gubbenoonon deejjiye.

1 Taateenaꞌo 8:8

Ebi yareenaꞌo genjeenaꞌo boonoshi tunetoyich, Yaafe Xaaꞌeexi Yaafoyee aaf beeti, Yaafe Xaaꞌoochaa bekkee beeheete; tunebaani yaafee kexoyee maachaa bekkeyaaneenaꞌone. Ebi yareenaꞌo hanaach beddaaha arooch beetinaꞌone.

1 Kiinoo 13:10

Uuzi taabootoon bi kishoona bi yechitoyich Doono Yeeri oogichii kaareꞌi biin wuxiye; ebich Yeeri aafoochaa qitiye.

2 Kiinoo 5:9

Yareenaꞌo genjeenaꞌo boonoshi tunetoyich, Yaafe Xaaꞌeexi Yaafoyee aaf beeti Yaafe Xaaꞌoochaa bekkee beeheete; tunebaani yaafee kexoyee maachaa bekkeyaaneenaꞌone. Ebi yareenaꞌo hanaach beddaahaa arooch beetinaꞌone.

Keyo 40:20

Aroochee wotta sheeroo kooreeti, gutte yalle xaqqoon daammiꞌi, taabootee maac geddiye; yareenaꞌonoo taabootooch beeti qalibeteenaꞌooch giijjiye; axaaxoon maariyee guufoonoo bi toommooch geddiye.

Haddoo 4:15

“Kaamboon waaxxii hamma ittoshi tiyiyooba, Harooninaa bi bushiisheenaꞌona yaafee duukkaanee qiicoonaa baribare bi qiico bullinon kaappii boonoshi ciichitoyee gubb, ebi qiicoon shaagoyich Qohaateenaꞌo wobeete. Tunebaani boonoshi qitaachemmoyich, ebi yaafeeti qiicoon ciroona yechaayeete. Illa danee duukkaanoo tiyimmi haddoona Qohaati yareenaꞌo shuunoo ebine.

Haddoo 7:9

Tunebaani Qohaatichi yareenaꞌo boonoshich icheti yaafeeti qiico gogooch shaakkeebeeto bi tunetoyich, amoonolla boonoshich imaanoone.

Yibbaatoo 10:8

Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.