1 Kiinoo 14:2 - Kafa Linguistics Project

² Daawitiyoo Doono Yeeri biin Israꞌeelee taatoo tuniiꞌi bi manjiyoon, bi asheenaꞌo tuneti Israꞌeeleenaꞌoyicha iꞌi bi taatittinoon oogichii bi oogiyoonoo ariihe.

1 Kiinoo 14:2 ပူးပေါင်းရင်းမြစ်များ

2 Saameeli 7:16

Ne kexonaa ne taatittinoona ta aafooch bulli yemeenoon manjiree beeyemmone. Ne taatee qeenoo bulli yemeenoon manjiree beeyemmone’ itone gete” iye.

2 Saameeli 7:8

“Andoo ta guuno Daawitich ishichibe: Beshe Mawe Doono Yeeri ishichiye: ‘Neen gaddoochee, bagee quyoochee daammaꞌa, ta asheenaꞌo tuneti Israꞌeeleenaꞌo toommooch ne iraashemmoyich tuniihoye.

1 Taateenaꞌo 10:9

Neenna emiriꞌi, Israꞌeelee taatee qeenooch neen kotiiti, ne Nuggishoo Doono Yeeri diireebe. Doono Yeeri Israꞌeeleenaꞌon bulli yemeenoon shunniꞌi, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.

1 Kiinoo 14:1

Arooba Xiroosi taatoo Kiraami Daawit waan wocheyechinaꞌon deejjiye; ebiyoommon wotta yigee mixon, taatee kexon boonoshi haggemmoyich, xaqqee xarechinaꞌonaa anaaxeenaꞌonon deejjiye.

1 Kiinoo 14:3

Daawiti Yerusaalemaa mecheenaꞌon daakkii shaaggiꞌi anaami bushiisheenaꞌonaa maache bushiisheenaꞌonon daakkiꞌi shiyihe.

1 Kiinoo 17:17

Ta Nuggishoocho, ebi ne tuniiti mooyo ne aafoochaa giisheche mooyon tuneꞌi bekkehe; gubb woyemmi ta shiijjereenaꞌochon gibenikkihine. Nuggishoo Doono Yeero, taanoo moogeeti ashoon tuniyaꞌa ciinnehine.

2 Kiinoo 2:10

Shuunoon shuuneebeeti ne asheenaꞌoyich hiye hume xaanee teepphoon, hiye hume xaanee sheqoon, awudde balle hume neetiree woyinee uyoonaa awudde balle hume neetiree zayitoonon immemmo taane” iye.

2 Kiinoo 2:11

Aroochee Xiroosi taatoo Kiraami koorichoon kooriꞌi Solomoonich ishichiꞌi daachiihe: “Doono Yeeri bi asheenaꞌon bi shunnitoyich, boonoshi toommooch neen taatiitone” iye.

Asteeri 4:14

Ebiyoommi aabooba ne cikkii qayigaata, Ayihudeenaꞌoyich gaachoonaa wodoona bare xaaꞌoochee woyemmone; tunebaani neennaa ne nihoochi kechi asheenaꞌona aallemmo ittoshine. Ne, gennee abeeti tunoyich ne beddeto, diqqich ebiyoobee aaboyich gaata, koni ariihe?” iye.

Daaneeli 2:30

Ebi aacheeti mooyo taach gaxxeeꞌi bi bekketo, ashoyee beshe shalligecho ta tunetoyich tuneyaanoon, ne gumo ama geto gaata ne ariyemmoyich, wotta ebi wochii wochii ne gabiibeeti mooyonoo ne ariyemmoyichiye.

Haddoo 24:7

Boonoshi gaanneenaꞌoochee aaco kechemmone; boonoshi yareenaꞌoo wodde aacon danemminaꞌone. “Boonoshi taatoo, Agaagiyee beshemmone; boonoshi taatittinoo oogemmone.

Yibbaatoo 28:1

Muusi Israꞌeeleenaꞌoyich ishichiye: “Ne Nuggishoo Doono Yeerichi qaaroon ne waayegaata, hanaach neech ta gettaabeeti bi geteenaꞌon manjii ne quyegaata, ne Nuggishoo Doono Yeeri showee toommooch beeti aageteenaꞌo bulliyee beshiiree neen oogiyemmone.