1 Kiinoo 14:1 - Kafa Linguistics Project

¹ Arooba Xiroosi taatoo Kiraami Daawit waan wocheyechinaꞌon deejjiye; ebiyoommon wotta yigee mixon, taatee kexon boonoshi haggemmoyich, xaqqee xarechinaꞌonaa anaaxeenaꞌonon deejjiye.

1 Kiinoo 14:1 ပူးပေါင်းရင်းမြစ်များ

2 Saameeli 7:2

keemechi Naataanich ishichiye: “Ta, yigee mixoochee hakkeeti kexooch beeto taane. Tunebaani Yeerichi taabooto duukkaanoochiye bi beeto” iye.

1 Taateenaꞌo 5:1

Xiroosi taatoo Kiraami bi yemeeno bulliich Daawitich shunecho bi tunetoyich, Solomooni bi nihoochi keroon taatoo tunoyich bi huutteyoon bi waayehooba, bi wocheyechinaꞌon Solomoon waan daachiihe.

1 Taateenaꞌo 5:15

Solomoonich xaqqoon shaaggii qacciibeeti shabe hume asheenaꞌonaa xaqqoon xariibeeti shinne hume asheenaꞌona geppe showooch beetinaꞌone.

1 Taateenaꞌo 5:18

Kechi haggechi, Solomooninaa Kiraaminochi asheenaꞌonaa Gebaalee asheenaꞌona yaafee kechi shuunoyich qaawiibeeti mixon boorii xariꞌi, xaqqoonoo baddeꞌi qanniiheete.

1 Taateenaꞌo 5:6

“Andoo ta asheenaꞌoochee Sidoonee asheenaꞌochoommon mixo kuxon ariibeeto aallo bi tunoon ariyaabeeto neene. Libanoosi guudinaꞌoochee yigee mixon taach boonoshi kuxxemmoyich, ne asheenaꞌoyich gete; ta asheenaꞌoo ne asheenaꞌona tookki shuunebeete. Ne asheenaꞌochi shumaayoon ne gettetoommon qoccemmo taane” iye.

1 Kiinoo 14:2

Daawitiyoo Doono Yeeri biin Israꞌeelee taatoo tuniiꞌi bi manjiyoon, bi asheenaꞌo tuneti Israꞌeeleenaꞌoyicha iꞌi bi taatittinoon oogichii bi oogiyoonoo ariihe.

1 Kiinoo 17:1

Daawiti bi taatee kexooch bi kotetoyee gubb, keemechi Naataanich ishichiye: “Ta, yigee mixoochee hakkeeti kexooch beeto taane. Tunebaani Doono Yeerichi wogee taabooto duukkaanoochiye bi beeto” iye.

1 Kiinoo 22:2

Israꞌeelee showooch beeti shiqqeenaꞌo ikkooch boonoshi kiceyemmoyich Daawiti gettiye. Boonoshi daggoocheenoo yaafee kexo shuuneyemmi xaqqoon baddemminaꞌon kichiye.

2 Kiinoo 2:2

Biyoo qiicoon qaccemmi shabe hume asheenaꞌon, geppoochaa xaqqoon xaremmi shinne hume asheenaꞌon, wotta shuunoon ciini shuuniyemmi keejje humaa shiritte balle asheenaꞌon shuunooch neechiye.

2 Kiinoo 2:3

Xiroosi taatoo Kiraamichoo ishichiꞌi wochoon daachiihe: “Ta nihoo Daawiti, bi beeyemmi taatee kexon bi hagiyooba yigee mixon biich ne deejjoommon, taachoo ebiyoommon deejjibe.

Iziri 3:7

Aroochee xaqqoon xarii tachii beetinaꞌonaa anaaxeenaꞌonoyich gijjoon immiyeete. Faariisee taatoo Qiroosi daaggitoommon, yigee mixon Libanoosee showoochee baharoona Yooppha boonoshi deebemmoyich, Sidoonee asheenaꞌonaa Xiroosee asheenaꞌonoyich maayoon, uyoonaa zayitoonon immiyeete.