1 Kiinoo 13:6 - Kafa Linguistics Project

⁶ Daawitinaa Israꞌeeleenaꞌo bullina taabootee toommooch beeti kiruubeenaꞌoyee tookk tuneꞌi taateebeeti, Doono Yeerichi shigoona ceekketi, Yeerichi taabootoon aroochee deeba, Yihudee showooch beeti, Qiriyaat Yeꞌariimi getteebeeti Baali katemooch hammiyeete.

1 Kiinoo 13:6 ပူးပေါင်းရင်းမြစ်များ

2 Taateenaꞌo 19:15

Aroochee Hiziqiyaasi Doono Yeer waan ishichiꞌi corootiye: “Kiruubeenaꞌoyee tookk kotaabeeti, Israꞌeelee Nuggishoo Doono Yeero, ne baach showee taateenaꞌo bullichi Nuggishoo neene. Showoonaa shimaayoonon hallito neene.

Shoddo 80:1

Israꞌeelee Qiddoocho, Yooseefi shiijjeroon bagoochoommon yaabaa beetocho, no qolloon waayebe. Kiruubeenaꞌochi toommooch kotaabeetocho, aaxxe bekkebe!

Shoddo 99:1

Doono Yeeri taatehe; macceenaꞌoo qewebeete; kiruubeenaꞌochi toommeexi bi taatee qeenooch kotehe; showoo shuuribe.

Keyo 20:24

“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane.

Keyo 23:21

Gaawichi elleree bi gettii beeton waayebe. Bi toommooch hukkoon shuuneyaahine. Ta shigo bi toommooch beeto bi tunetoyich, bi toommooch hukkoon ne shuunegaata, neen maaraachemmone.

Keyo 25:22

Taabootee toommooch beeti gutte kiruubeenaꞌochi gutte daggooch, axaaxoon maariyee guufee tookk tuneechi, neenna danemmo taane. Israꞌeeleenaꞌoyich tunemmi ta geto bullin neech gettemmo taane.

Isiyaasi 37:16

“Kiruubenaꞌoyee tookk kotaabeeti, Israꞌeelee Nuggishoo Beshe Mawe Doono Yeero, ne baach showee taateenaꞌo bullichi Nuggishoo neene. Showoonaa shimaayoonon hallito neene.

Haddoo 6:27

“Ebina ta shigoon ceeggiꞌi Israꞌeeleenaꞌon boonoshi diirigaata, tawoo boonoshin diiremmo taane” iye.

Haddoo 7:89

Muusiyoo danee duukkaanoochaa Doono Yeerina yibbaatoyich bi giyiyooba, miixee taabootee toommooch beeti, axaaxoon maariyee guufoyee tookkaa, gutte kiruubeenaꞌochi gutte daggoochaa Doono Yeeri biich yibbaatetaa waayehe.

Yaasi 15:60

Gutte katemeenaꞌo: Qiriyaat Yeꞌariimi getteeti Qiriyaat Baꞌaalinaa Raabinane. Ebi katemeenaꞌochi guudoona gafeenaꞌo beetinaꞌone.

Yaasi 15:9

Aroochee daakkiꞌi guudi toommoochee tiyiꞌi, Nefitoohi aachi xuupheenaꞌooch, wotta Efirooni guudi gaꞌooch beeti katemeenaꞌooch shaggiꞌi, Qiriyaat Yeꞌariimi getteeti Baali katemooch guuddii beetone.

Yaasi 9:17

Ebich Israꞌeeleenaꞌo qaxirii hammiꞌi keejjinnee qemooba, Gibeꞌooni, Kefiraahi, Beerootinaa Qiriyaat Yeꞌariimina getteebeeti Gibeꞌoonee asheenaꞌo beeti katemeenaꞌooch shaggiyeete.

1 Saameeli 4:4

Ebich ginee naayinaꞌo Shilooha asheenaꞌon wocheheete. Kiruubeenaꞌoyee tookk tuneꞌi taateebeeti, Beshe Mawe Doono Yeerichi wogee taabootoon aroochee deebiyeete. Eelichi gutte bushiisheenaꞌo, Hoofininaa Finihaasina, Yeerichi wogee taabootoona tookkii arooch waaheete.

1 Saameeli 6:21

Qiriyaat Yeꞌariimi katemooch beeti asheenaꞌo waan wocheyechinaꞌon daachiiꞌi ishichiyeete: “Filsixeemee asheenaꞌo Doono Yeerichi taabootoon wochitinaꞌone; no waan waaree, damba ittoshi katemooch daambote” iyeete.