1 Kiinoo 13:11 - Kafa Linguistics Project

¹¹ Doono Yeeri ippoona Uuzin bi wuxitoyich, Daawiti kaarehe. Hanaach beddaahaa are xaaꞌoo “Ferets Uuzi” getteehe.

1 Kiinoo 13:11 ပူးပေါင်းရင်းမြစ်များ

Halloo 32:32

Ebich Israꞌeeleenaꞌo hanaach beddaahaa gallee qumbaafee toommooch beeti biddee meenon maataaneenaꞌone. Ebiyoo Yaaqobichi gallee qumbaafee maqqoon bi yechitoyichiye.

2 Saameeli 6:7

Uuzi taabootoon bi kishoona bi yechitoyich, Doono Yeeri oogichii kaareꞌi biin wuxiye; biyoo aroochaa Yeerichi taabootee aafooch qitiye.

2 Saameeli 6:9

Arooba Daawiti Doono Yeerin bi shattitoyich, “Doono Yeerichi taabooto ta waan bi woyemmo, aabichireeshiye?” iye.

1 Kiinoo 13:10

Uuzi taabootoon bi kishoona bi yechitoyich Doono Yeeri oogichii kaareꞌi biin wuxiye; ebich Yeeri aafoochaa qitiye.

1 Kiinoo 13:12

Arooba Daawiti Yeerin bi shattitoyich, “Yeerichi taabootoon ta waan ta deebemmo, aabichireeshiye?” iye.

1 Kiinoo 15:13

Ebiyee aaf, Lewoo tuneti ittoshi taabootoon shaago ittoshi qajjitoyich, nooch icheti doyoommon biich maddaano no tunetoyich, no Nuggishoo Doono Yeeri kaaro no toommooch cufitone” iye.

Keyo 19:22

Doono Yeeri ta waan giddeebeeti qeesheenaꞌona yaafeebeete. Ebi tuno qayigaata, Doono Yeeri ta boonoshin naxemmo taane” iye.

Yoonaasi 4:4

Doono Yeeriyoo “Ebich kaar beddenne?” iye.

Yoonaasi 4:9

Tunebaani Yeeri Yoonaasich, “Ebi botoyich kaar beddenne?” iye. Biyoo “Iberoon qitooch beddaahaa kaar beddoye” iye.

Yibbaatoo 34:6

Doono Yeeriyoo Moꞌabee showooch, Beet Feꞌoori katemee ciinooch beeti bambooch biin duukkiye; tunebaani hanaach beddaahaa ebi bi duukketi xaaꞌoon ariibeeto koniyoona aalloone.

Yaasi 4:9

Wotta Yaasi wogee taabootoon shaaggiti qeesheenaꞌo neexeti, Yoordaanoosi aachi gutte daggooch, bare aaraa gutte xaqqeenaꞌon neechiye. Ebi xaqqeenaꞌo hanaach beddaahaa are xaaꞌooch beetinaꞌone.