Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kiinoo 12:40 - Kafa Linguistics Project

40 Dambi-waan beeti Yisakooree yoodeenaꞌo, Zebuloonee yoodeenaꞌonaa Nifitaalee yoodeenaꞌonooch beddaahaa maayoon kurooch, gaaleech, biceroonaa gattoonooch xaaniꞌi deebiyeete. Israꞌeelee showooch oogeti emiroo bi tunetoyich koshon, buddinoon, nuuppheti balaasee michi aafoon, woyinee aafee yuunjoon, woyinee uyoon, zayitoon, gatteenaꞌonaa bageenaꞌononoo woddiiꞌi deebiyeete.

အခန်းကိုကြည့်ပါ။ ကော်ပီ




1 Kiinoo 12:40
14 ပူးပေါင်းရင်းမြစ်များ  

Daawiti are geppee cilloochee giishechoon bi beshemmona, Mefibosheti naayo tuneti Siibi gutte balle koshon, ikke balle nuuphi shuuqqiti woyinee aafoon, ikke balle michi aafoonaa ikke mollexxee woyinee uyoonon gutte kuroona xaaniꞌi waabee, biinna danehe.


Boonoshiyoo shumburoon huggii, oogichii cookii ililiibee, bi hillooch dabbii hammiyeete; boonoshi cookoochee tiyitona showoo shuuriye.


Ebich asheenaꞌo bulli emiriyeete. Ataaliyi taatee kexoochaa goraadoona bi qititoyee gubb, katemoo shashewimiye.


Boonoshi maneenaꞌo maayoonaa uyoonon qanniitoyich, maa uchiibee Daawitina tookkii keejj qeyiyeete.


Daawiti humee iraasheenaꞌona, ballee iraasheenaꞌonaa iraashoo bullina tookkii boyeehe.


Ebiyooba oogeti emiroona Doono Yeeri aafooch maa uchiyeete. Aroochee Daawiti bushoo Solomoonin wochinnoon taatiiheete. Taatoo bi tunemmoyichoo Doono Yeerichi shigoona huuttiyeete. Sadooqinoo qeeshoo bi tunemmoyich huuttiyeete.


Cadiqeenaꞌoyich mooyo kaamegaata, katemoo emiriye; gondeenaꞌo aallegaata, wotta emiroona ililiye.


Cadiqeenaꞌo ukkirehooba maccoo emiriye; tunebaani gonde asheenaꞌo ukkirehooba maccoo gaashilliye.


Doono Yeeri taach ishichiye: “Israꞌeeleenaꞌo bare nuggisheenaꞌo waan boonoshi wottetaanona, woyinee aafee nuuphon giddiyoon boonoshi shunnitaanona Doono Yeeri ta, andoo boonoshin shunnaabeeto taane. Newoo ebiyoommon bare ashoon shunneti shunimaayee waan hamiree biin shune” iye.


Abigeliyoo afaafinoona gutte balle koshon, gutte mollexxee woyinee uyoon, shuunetaa qanniti uuche bagee meenon, shaashaa shabaatte kiilo giraamee bungee gaawoon, ikke balle woyinee aafee yuunjoonaa gutte balle nuuphi balaasee michi aafoonon qannaayaꞌa, kuree toommooch boonoshi xaanemmon tuniihan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ