1 Kiinoo 12:39 - Kafa Linguistics Project

³⁹ Boonoshi maneenaꞌo maayoonaa uyoonon qanniitoyich, maa uchiibee Daawitina tookkii keejj qeyiyeete.

1 Kiinoo 12:39 ပူးပေါင်းရင်းမြစ်များ

Halloo 26:30

Yisaaqiyoo gifiroon qanniiꞌi giddiihe. Tookkii maa uchiyeete.

Halloo 31:54

Guudi toommoochaa Yeerich deejjoon michii deejjiye. Bi xibeenaꞌo ebi meenonaa koshonon boonoshi maayemmoyich ataalliye. Boonoshiyoo boonoshi maatoyee gubb, are guudi toommooch qeyiyeete.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

2 Saameeli 19:42

Yihudee asheenaꞌo bulli Israꞌeeleenaꞌoyich ishichiyeete: “Ebin no tuniito, taatoo nooch katini xiboo bi tunetoyichiye. Ebich amoyichiye ittoshi kaareebeeto? No, taatoo waanee deqqaꞌa no maati mooyo beete? Woyee taatoo nooch wojjiti wojjoo beete?” iyeete.

2 Saameeli 6:19

Biyoo asheenaꞌo bullich, eboshiyoo dofee Israꞌeeleenaꞌo bullich, anaaminaꞌonaa maacheenaꞌonoyich, boonoshi ikkikkoona ikke koshon, boonoshi qoodee meenonaa ikke nuuphi woyinee aafoonon immiye. Aroochee asheenaꞌo boonoshi kexooch wotteheete.

1 Kiinoo 11:10

Daawitichi ginee anaaminaꞌochi iraasheenaꞌo eboshine; boonoshiyoo Israꞌeeleenaꞌo bullina tookkii tuneꞌi, Israꞌeeleenaꞌochon Doono Yeeri gibenikkiti gibenoommon Daawiti taatemmoyich tuniiheete; bi taatittino manjemmoyichoo biin gaacheheete.

1 Kiinoo 12:38

Ebi ginee naayinaꞌo bulli koyoyich qanniꞌi, Daawitin Israꞌeelee showoo bulliich taatiyoyich kuxxiꞌi, Kebiroon hammiyeete. Echeti Israꞌeeleenaꞌoo Daawitin taatiyoyich mulloon ikkochitinaꞌone.

1 Kiinoo 12:40

Dambi-waan beeti Yisakooree yoodeenaꞌo, Zebuloonee yoodeenaꞌonaa Nifitaalee yoodeenaꞌonooch beddaahaa maayoon kurooch, gaaleech, biceroonaa gattoonooch xaaniꞌi deebiyeete. Israꞌeelee showooch oogeti emiroo bi tunetoyich koshon, buddinoon, nuuppheti balaasee michi aafoon, woyinee aafee yuunjoon, woyinee uyoon, zayitoon, gatteenaꞌonaa bageenaꞌononoo woddiiꞌi deebiyeete.