1 Kiinoo 12:18 - Kafa Linguistics Project

¹⁸ Aroochee Ayaano shaasheenaꞌochi ukkiroo Amasayi toommooch waataa ishichiye: “Daawito, no, neecho noone; Iseyi bushoocho, neenna tookkaa noone; ne Nuggishoo neen gaacheebeeto bi tunetoyich, diggoo, diggoo neech tunebe, diggoo neen gaachee beetinaꞌoyichoo tunebe” iye. Daawitiyoo boonoshin daammiꞌi bi ginee naayinaꞌo toommooch ukkiriihe.

1 Kiinoo 12:18 ပူးပေါင်းရင်းမြစ်များ

2 Saameeli 15:21

Tunebaani Itayi taatoyich wochiꞌi, “Beeyechi Doono Yeeri beege! Wotta ta doono ne kashoona wogehoye; qitoo tuneba wodoo, taatoo ta doono ne tunemmo aabiichona, ta ne guuno arooch tunemmo taane” iye.

2 Saameeli 17:25

Abisoloomi Yoꞌaabi qoodoon Amaasin ginee naayinaꞌo toommooch iraashiihe. Amaasiyoo Israꞌeelee asho tuneti Yeteeri bushoone. Bi indeyoo Nahaashi bushee, Yoꞌaabichi indee Tseruuyichi manee tuneti Abigeline.

2 Saameeli 19:13

Wotta Amaasin ‘Ne, ta meenonaa ta damoona toono neene? Ebiyee gubb, Yoꞌaabi keroon ta ginee iraashoo neen ta tuniyoo qayigaata, Yeeri ta toommooch ebin tuniibe; ebinoo daakkibe’ itone getote” iye.

2 Saameeli 5:2

Besheti yemeenooch, Saaꞌooli no toommooch taateꞌi beehooba, Israꞌeeleenaꞌon ginee koyee xaaꞌoochaa yaabito neene. Doono Yeeriyoo neech ‘Ta asheenaꞌo tuneti Israꞌeeleenaꞌon qiddemmo neene; boonoshinoo qeejjemmo neene’ itone” iyeete.

1 Taateenaꞌo 9:22

Tunebaani Solomooni Israꞌeeleenaꞌo daggoochee koninolla guuno tuniyaanoone. Boonoshiyoo bi ginee naayinaꞌo, bi ukkiriiti ukkireenaꞌo, bi ginee iraasheenaꞌo, wulleenaꞌo, bi gaarichi ukkireenaꞌonaa bi hareshechinaꞌonane.

2 Taateenaꞌo 10:15

Aroochee tiyii bi hammaahaa, Rekaabi bushoo Yonadaabi biinna daneya waa bi beetaa, gommoochaa danehe. Yehiyoo biin diggiichii, “Ta mullo neech kaamoo bi tunoommon ne mullo taach kaamoone?” iꞌi echehe. Yonadaabiyoo, “Eeha, kaamoone” iye. Yehiyoo, “Ebi tunegaata, ne kishoon taach imbe” iye. Bi kishoon biich immiye. Aroochee Yehi gaariich kichii kotiichii,

2 Taateenaꞌo 10:5

Ebich taatee kechi ukkiroo, katemee iraashoo, geeneenaꞌonaa bushiishoon dichechinaꞌona, “No, ne guuno noone. Nooch ne gettemmo amoonolla tuniyemmo noone. No koninolla taatiyaachemmo noone. Ne shunemmon ne tuniibe” iꞌi Yehich wochoon daachiiheete.

2 Taateenaꞌo 9:32

Yehiyoo kaama mallee kello waan ciinniꞌi, “Taanna guuphemmo, konine?” iye. Aroochee taatee kexooch beeti, gutta woyee keejj bede ukkireenaꞌo bi waan ciinniyeete.

1 Kiinoo 11:11

Daawitichi ginee anaaminaꞌo eboshine: Hakimoonee asho tuneti Yashobaami keeminaꞌo toommooch ukkiroone. Biyoo ikke ginee koyoochaa bi ginoon tiijjiꞌi, keejje balle asheenaꞌon wuxitone.

1 Kiinoo 12:17

Daawitiyoo boonoshina daneya hammiꞌi, boonoshich ishichiye: “Ittoshi waato taan gaacheya diggoyich bi tunegaata, ta mulloon ittoshich immemmo taane. Tunebaani ta etteenaꞌoyich beshiiꞌi taan imoyich waato ittoshi tunegaata, xuꞌo ta kishooch aallo bi tunetoyich, no qaabbechinaꞌochi Nuggishoo ciine; ittoshi toommoochoo nallibe” iye.

1 Kiinoo 2:17

Abigeli Ishmaꞌeelee asho tuneti Yeteerin shaaggaꞌa Amaasin shiyahan.

Isiyaasi 59:17

Cadiqoon getee ginee tahoochoommon tahemmone; bi shimboochoo wodiyoon xuuree ukoochoommon ukemmone; nichee kichoon tahoochoommon tahemmone; qanaatoon xappee qoreddoochoommon xappemmone.

Zakaariyaasi 8:23

Beshe Mawe Doono Yeeri ishichiye: “Ebiyooba baribare noonoona yibbaateebeeti aageteenaꞌoochee, aashire asheenaꞌo ikke Ayihudo waan waa, bi qoreddee caappoon yeshiichi, ‘Yeeri ittoshina tookkii beeto bi tunoon no waayetoyich ittoshina tookki hambone’ gettemminaꞌone” iye.

Maatiyoosi 12:30

“Taanna tookkii neexeyaano taan shixxii beetone; taanna tookkiinoo kicaano shaccii beetone.

Galaati 6:16

Ebi ta gettaabeeti doyoommona beetinaꞌo bullich, Yeerichi asheenaꞌo tuneti Israꞌeeleenaꞌoyich, diggoonaa ariqqoona tunebe.

Woraaferasheenaꞌo 13:25

Tsoriꞌi katemoonaa Eshitaꞌooli katemoonochi gutte daggooch beeti, Mahaneeh Daan bi beetaa, Doono Yeerichi Ayaano biin kupphii beehe.

Woraaferasheenaꞌo 3:10

Doono Yeerichi Ayaano bi toommooch kindiye. Biyoo Israꞌeeleenaꞌo toommooch woraaferashoo tunehe. Otineeli ginooch bi hamaa, Doono Yeeri Mesopotaamee taatoo Kushaan Rishatayimin bi kishooch beshiiꞌi immiye. Biyoo Kushaan Rishatayimin kochii wochiye.

Woraaferasheenaꞌo 6:34

Areegaata, Doono Yeerichi Ayaano Geediyooni toommooch kindiye. Biyoo tiroon huggiꞌi Abezeeri yaree asheenaꞌo biin dabbemmoyich ceeggiye.

Ruuti 1:16

Ruuti wochaꞌa, “Ne hammemmooch hammemmi taane; ne qeyemmooch qeyemmi taane; neyee bariree ta wottemmoyich qiicceyaahine. Ne asho ta asho, ne Nuggishoo ta Nuggishoo tunemmone;

1 Saameeli 16:4

Saameeliyoo Doono Yeeri gettiton tuniihe; Beetilehem hammiye. Are katemoon qeejjiibeeti geeneenaꞌo qeweebee bi waan waaꞌi, “Diggoyichiye ne waato?” iyeete.

1 Saameeli 16:5

Saameeliyoo “Eeha, diggoone. Ta waato, Doono Yeerich deejjoon giddiyoyichiye. Ittoshi qelloon yaafiree, taanna tookki deejjee xaaꞌooch wobote” iye. Aroochee Iseyinaa bi bushiisheenaꞌonon yaafiye. Deejjee xaaꞌooch boonoshi woyemmoyichoo ceeggiye.

1 Saameeli 22:7

Saaꞌooliyoo bi guudoona beeti bi naayinaꞌoyich ishichiye: “Biiniyaamee asheenaꞌote, eke ellebote; Iseyi bushoo goyee budonaa woyinee goyoonon ittoshi bullich immehe? Wotta ittoshi bullin humee iraashoonaa ballee iraashoonon tuniyehe?

1 Saameeli 24:12

Doono Yeeri neennaa taanna daggooch nallibe. Doono Yeeri ebi ta toommooch ne tuniyaabeeti gonde mooyoyich keroon neech gaacaani, ta ne toommooch amee gondoonona shuuneyaachemmo taane.

1 Saameeli 24:13

Wonnee asheenaꞌochi tochoochaa ‘Gonde asheenaꞌo waanee gonde mooyo kechiye’ getteetone; tunebaani ta ne toommooch amee gondoonona tuniyaachemmo taane.

1 Saameeli 24:16

Daawiti ishin biich yibbaatee bi ciichimmona, Saaꞌooli biich “Ta bushoo Daawito, ebi ne qaaroone?” iye. Bi qaaroonoo oogichiꞌi eeppiye.

1 Saameeli 8:12

boonoshin hume ginee iraasheenaꞌonaa aache ginee iraasheenaꞌonon tuniyemmone; bi goyoon gochechinaꞌonaa bi maayoon qeccechinaꞌonon tuniyemmone; wotta ginee qiicoonaa gaarichi qiicoonon shuunechinaꞌon tuniyemmone.